Re enk eo da Wenole straedoù ar Gêr-Gloz. Erru eo skuizh gant an darempredoù kozh a glask e zerc'hel en o gwarez, gant ar randonennoù eo bet maget e vuhez ganto. Poent dezhañ loc'hañ. Padal, emañ ar Genkiz nepell ac'hano, evel ul lec'h-hud hag a zedenn anezhañ. Tec'hout a raio koulskoude. Daoust hag aberoù glan an Enez C'hlas a zegaso peoc'h ha furnez d'e ene trubuilhet? Hir e vo an hent, avat... Setu moarvat gwellañ romant ar skrivagner.