El levrig-mañ ez eus anv gant Herve Gouedard eus ur Breizhad nebeut anavezet : Julien Tanguy e anv. Ganet e oa bet e Pledran e 1825 ha marvet e Pariz e 1894. Un anarkour gredus ha sioul anezhañ hag a gemeras perzh e emsavadeg ar Gumun e 1871. Toullbac’het e voe e Satory hag e Brest.
Kavet gantañ labour e Pariz evel braeer livioù e voe mignon bras ha skoazeller ur bern livourien vrudet evel Pissarro, Monet, Renoir, Van Gogh, Toulouse Lautrec...