Anavezet-mat eo Langleiz evel romantour, barzh, liver hag engraver. Dizoloet e vo amañ un arvez all eus e bersonelezh : kronikour e oa ivez, gouest da skrivañ war ar prim diwar-benn danvezioù a bep seurt, bepred en ur brezhoneg flour, liv ar gwenedeg warnañ, ha leun a fent d’an aliesañ. Un druez eo n’en dije ket skrivet muioc’h, sammet ma oa gant e oberenn livet hag e labour kelenner war an Arzoù-Kaer.

Ar pennadoù dastumet el levr-mañ – an holl re bet skrivet gant Langleiz – a roio d’al lennerien un alberz eus ar vuhez pemdeziek hag eus ar stourm evit hor yezh e-pad an eil Brezel-Bed. Lod anezho a lakaio al lenner, ouzhpenn, da brederiañ war stad an traoù en hon amzer-ni.

Levr divyezhek (brezhonek gant un droidigezh e galleg da-heul).