Dindan ur golo hepken ez embanner hiziv an daouc’heriadurig a oa bet savet gant Raymond Delaporte. Kavet e vo ennañ : war-dro 11 500 pennger ken e brezhoneg ken e saozneg ; an treuzkrivadur fonetek (IPA) evit ar gerioù brezhonek ; un diverradur gramadeg o tennañ d’an distagadur, d’ar chemmadurioù, ar rakgerioù ha lostgerioù pennañ, hag ivez taolennoù an displegadur evit ar verboù hag an araogennoù.