KUZUL AR BREZHONEG katalog al lanv

KUZUL AR BREZHONEG

KATALOG AL LANV

Yezhoù all

Mizoù-kas:

3 € (1 levr) 6 € (etre 3 ha 9 levr)

3,50 € (2 levr) 10 € (10 levr ha +)

Skigner : Coop Breizh

Ma fell deoc'h prenañ levr pe levr, kasit ho chekenn (warni priz al levr(ioù) + ar mizoù-kas), da:

AL LANV
14 Louzaouenn-an-Hañv / rue du Muguet
22300 LANNUON

Ckekenn da lakaat war anv KUZUL AR BREZHONEG

An treuzstummadur Franz Kafka, tr. Yann Talbot Romant 12,5 x 18,5 cm - 122 p. - 10 euro ISBN 978-2-916745-07-7
Ur beure, en ur zihuniñ, en em gav Gregor Samsa, un beajour kenwerzh anezhañ, treuzstummet en un euzhvil. Neuze e krog evitañ ur vuhez nevez, ret dezhañ en em voazañ ouzh e neuz dic’hortoz, ret d’e dud, d’e amezeien, en em voazañ outañ. Alese e breder war tonkadur Mab-den, petra eo ar vuhez, petra eo bezañ den, daoust ha n’omp ket euzhviled e stumm pe stumm pep hini ac’hanomp ?Lakaet a-gostez eus e diegezh hag eus ar gevredigezh, sellet outañ evel ouzh ul loen rukunus ha n’eo ket mui evel ouzh un den, gant ar soñj eo deuet da vezañ un dra diezhomm hag ur pouez dic’houzañvus evit e dud, gloazet en e gorf hag en e ene en em lezo da vervel evit reiñ ar frankiz d’ar re a gare.Ha n’eo ket un heklev eus darvoudoù skrijusañ an ugentved kantved hon eus da glevout amañ ?
Arnod an Euskareg Garabide Elkartea Studiadenn 14,8 x 21 cm - 68 p. - 14 euro ISBN 978-2-916745-11-4
Gant Padrig an Habask eo bet troet e brezhoneg «Euskararen berreskuratzea » hag embannet eo bet gant al Lanv. Al levr-se a zo anezhañ ar c’hentañ levrenn eus un dastumad emañ krog ar gevredigezh euskarek GARABIDE da embann. Un eil levrenn a zo bet abaoe. Gant pep levrenn, embannet da gentañ e peder yezh, euskareg, kalstilhaneg, galleg ha saozneg ez eus pep a z-DVD a c’heller dibab enno yezh an displegañ e-touez ar peder yezh-se ivez (Gwerzhet e vez al levr hag an DVD gallek a zisparti gant al Lanv, evit ar re a fell dezho). GARABIDE (hent diorren) a zo anezhi ur gevredigezh euskarek studiet ganti ar sokioyezhoniezh ha dielfennet ganti hent adperc’hennidigezh an euskareg. Ur gevredigezh a fell dezhi bezañ dorn ar bobl euskarek astennet war-zu ar pobloù dezho yezhoù en arvar a fell dezho saveteiñ. Teir lodenn a zo el levr, un displegadur diwar-benn an dañjer bras m’en em gav kalz a yezhoù dre ar bed hag alc’hwezioù an adperc’hennañ yezhoù, un dezrevell a-zivout ar stourm da adsevel an euskareg hag un sintezenn diwar-benn ar c’hentelioù a c’heller tennañ eus o arnod evit holl yezhoù orin ar bed. Pouez ar yezh-vamm, dont da vezañ komzerien glok, kefridioù ar yezhoù eus ar familh betek an dachenn etrevroadel, youl hag identelezh, setu poentoù a bouez da vezañ komprenet hag ar peder zachenn ret evit ur yezh da c’hellout bevañ : kaout ur yezh unvan, un deskadurezh er yezh, media er yezh hag ur c’hrouiñ sevenadur er yezh. Talvoudus e vo al levr-mañ da nep piv bennak a fell dezhañ kompren e pe stad emañ ar brezhoneg evit gwir ha d’an holl re a fell dezho kregiñ e-barzh evit saveteiñ hor yezh. Re alies e chom darnel ha diefedus, arouezel hep mui ken, ar stourm evit ar brezhoneg. Aze hon eus peadra da varn, da vuzuliañ, da sevel ur strategiezh evit adlakaat ar brezhoneg en e blom.
Ar varzhoniezh kembraek Morwenna Jenkin Studiadennoù 14,8 x 21 cm - 204 p. - 15 euro ISBN 2-9506387-3-2
Ur studiadenn a-bouez war varzhoniezh ar c’hantved-diwezhañ en ur vro geltiek m’en deus an arz-se ur plas hep e bar.
Ar vosenn skarlek Jack London, tr. Daniel Kernalegenn Romant 10,8 x 17,9 cm - 128 p. - diviet ISBN 2-9511721-4-1
Ar vosenn skarlek a zo anezhañ ul levr avañtur a zalc’h evezh al lennerien e-skourr, bepred sachet war-raok hep diskrog betek an diwezh! Diviet
Avel draezh Bianca Silvestri, tr. Aline Gleoneg Danevelloù 13,5 x 21,5 cm - 80 p. - 6 euro ISBN 2-9511721-5-X
An danevelloù-mañ zo bet savet diwar istorioù tud bet anavezet gant Bianca Silvestri. An holl benndudennoù a zo mammoù-kozh a-vremañ o deus lezet roudoù don e spered o bugale-vihan. Istorioù berr eo an danevelloù-mañ, mesket enno ar gwirvoud hag ar faltazi.
Barzhaz Breizh ar Yaouankiz Goulc'han Kervella, Diwan & Strollad ar Vro Bagan C'hoariva 14,8 x 21 cm - 153 p. - 15 euro ISBN 2-9506387-5-9
11 pezhig-c’hoari leurennet gant Strollad ar Vro Bagan, gant kalz a skeudennioù kaer eus bugale ar skolioù…
Brezhoneg tamm-ha-tamm Padrig an Habask Deskiñ 2 gasedig - 14,8 x 21 cm - 204 p. - 12 euro
65 pleustradenn dre gomz, enrollet war daou gasedig, div eurvezh hanter en holl. Gant ul levrig ennañ skrid an holl bleustradennoù, o zroidigezh hag ar respontoù skouer. Savet eo bet ar 65 pleustradenn frammadel-mañ diwar ezhommoù an deskiñ komz hag a-ratozh evit deraouidi ha skolidi a live etre.
Bugale Kerugan Madalen an Amour Eñvorennoù 15 x 21 cm - 224 p. - 15 euro ISBN 2-9511721-1-7
Eil lodenn eñvorennoù bugaleaj un Dregeriadez…
Colomba Prosper Mérimée, tr. Daniel Kernalegenn Danevelloù 12,5 x 18,5 cm - 256 p. - 13 euro ISBN 2-9511721-7-6
Kinnig a reomp deoc’h Mateo Falcone da lodenn gentañ ha da c’houde unan eus brudetañ oberenn Prosper Mérimée, Colomba. An danevelloù a dremen e Korsika.
Dastumad tammoù dibabet, 10 vloaz e Pluguen A bep seurt 15 x 20 cm - 144 p. - 18 euro ISBN 2-916745-09-1
10 vloaz zo bremañ, e oa bet kroget gant ur c'honkour sevel skridoù da vare Saloñs al Levrioù e Pluguen. C'hoant a oa ganeomp reiñ tu da dud yaouank a Vreizh hag a rannvroioù bet pedet bep bloaz da sevel skridoù diwar temmoù disheñvel. Ha danvez a zo bet! Pegen pinvidik e oa! Abalamour da se 'zo bet soñjet e oa poent bras sevel un dastumadeg eus pennadoù bet degemeret ganeomp hag embann... ul levr-renabl.
Diamantoù Keroulaz Roparz Hemon Romant 12,5 x 18,5 cm - 256 p. - 13 euro ISBN 2-9511721-8-4
Un adembannadur gortozet pell a oa eus ur romant-polis skrivet gant unan eus ar vrudetañ skrivagnerien brezhonek. Un istor detektiv en ur familh a Vro-Leon. Suspens betek ar fin!
Dremmoù Arrasate Youenn Kervalan Romant 12,5 x 18,5 cm - 256 p. - 13 euro ISBN 2-916735-08-4
Ur Vreizhadez yaouank, en em savet a-enep un tad rust hag aheurtet, a zibab pellaat diouzh ar vro ha mont war ar studi e Bourdel. Boulc’hañ a ra gant ur vuhez nevez, roulañ he yaouankiz. E preti ar skol-veur e voe taolet er vann he fladad boued, abalamour d’ur stokadenn gant ur studier dievezh, a zistagas kerkent un aridennad komzoù digomprenus d’en em zigareziñ. E-giz-se eo e reas Lizig Gwiader anaoudegezh gant ur studier euskarat anvet Koldo Ibarra. Kroashent div vuhez, div vro, div bobl, ur garantez, un emskiant...
Fablennoù Jean de La Fontaine tr. Yves Louis Marie Combeau, Daniel Doujet Fablennoù 15,5 x 24 cm - 560 p. - 22 euro ISBN 2-9511721-6-8
Embannet eo holl fablennoù Jean de La Fontaine evit ar wech kentañ e brezhoneg. Troet en deus Y. L. M. Combeau al levrioù I, II, VI, VII, IX ha XII hag ar re all a zo diwar zorn Daniel Doujet.
Gerioù-kroaz ar Vretoned Frañsoaz Lermen Gerioù-kroaz 21 x 29,7 cm - 112 p. - 6 euro ISBN 2-9511721-2-5
Evit bevañ bemdez e brezhoneg gant dudi. 103 c’hael gerioù-kroaz ha 24 c’hael gerioù-diri leun a vousfent hag a ra alies dave da sevenadur ha da lennegezh ar Vretoned. Dudi ha studi e gwirionez.
Grammaire Françoise-Celtique ou Françoise-Bretonne Grégoire de Rostrenen Yezhadur 14,5 x 20,5 cm - 236 p. - diviet ISBN 2-916745-04-6
Adembannadur yezhadur Gregor Rostrenenn, bet moullet e 1738. Kavet e vo ar skrid orin rik-ha-rik mui notennoù gant Loeiz Moulleg.
Kala-Mae Tudu, Erwan Kervella Bannoù-treset 21 x 29,7 cm - 52 p. - 7 euro
Bannoù treset. Mojennoù keltiek ha Bro-Dreger a-vremañ.
Kernalegenn, Ur familh 1426-2008 Daniel Kernalegenn Eñvorennoù 20 x 20 cm - 212 p. - 15 euro ISBN 2-916745-06-0
Savet eo bet al levr-mañ evit an dud anvet Kernalegenn hag ar re o deus Kernalegenned e-touesk o hendadoù. Skrivet eo bet ivez evit ar re, niverus hiziv an deiz, a ra pe o deus c'hoant ober furchadegoù evit gouzout un tamm bihan eus buhez o familh er c'hantvedoù tremenet. Marteze e kavint ennañ hentoù nevez da heuliañ e-touesk an titouroù hag an daveoù niverus meneget. Dedennet e vo c'hoazh ar re a zo tomm o c'halon ouzh ar vuhez gwechall e Kerne ha resisoc'h c'hoazh e Bro C'hlazig.
Kilhog / Coq A-stroll Haika - Divyezhek 10 x 9,5 cm - 66 p.- 5 euro ISBN 2-916745-00-8
Dastumadenn haika (barzhonegoù berr stumm japonat) skrivet gant perzhidi kenstrivadeg haika Taol-Kurun 2006. An tem? Ar c'hilhog.
Kleier eured Roparz Hemon Danevelloù 12,5 x 18,5 cm - 192 p. - 13 euro ISBN 2-9511721-8-4
Adembannadur dastumad danevelloù skrivet gant unan eus ar vrudetañ skrivagnerien brezhonek eo. Buhezioù tud ar bobl vunut e Brest, dreist-holl, eo a gaver enno. Brestad eo Roparz Hemon hag anavezout a ra ervat e gêr hag he zud.
Kostez ar pemp kroaz Madalen an Amour Eñvorennoù 15 x 21 cm - 52 p. - 5 euro ISBN 2-9506387-1-6
Eñvorennoù bugaleaj un Dregeriadez…
Koumanant echu Tudu, Gwendal Bannoù-treset 24,1 x 32,6 cm - 54 p.
Bannoù treset. Istor skrijus, un enklasker polis prevez e kêr Roazhon. Feulster, gwad ha koantenned…
Rummad espar al laboused E. V. Breeze Jones, Islwyn Williams, tr. Padrig an Habask, Tudual Huon A bep seurt 15 x 21,5 cm - 52 p. - 11 euro Levr 4: ISBN 2-9506387-4-0 Levr 5: ISBN 2-9506387-7-5 Levr 6: ISBN 2-9506387-8-3 Levr 7: ISBN 2-9506387-9-1 Levr 8: ISBN 2-9511721-0-9
E pep levr: 20 taolenn liv, 20 tresadenn gwenn ha du ha 20 testennoù. 2. Laboused an arvor - diviet 2. Laboused ar maezioù 3. Laboused ar flagennoù hag ar gwernioù 4. Laboused al liorzhoù 5. Laboused ar c’hoadoù 6. Laboused an aberioù hag an aodoù 7. Laboused ar stêrioù hag al lennoù 8. Laboused ar menezioù
Llydaweg fel Llydawr Padrig an Habask Deskiñ 14,8 x 21 cm - 76 p. - 4 euro ISBN 2-9506387-6-7
Kentelioù ouzhpenn evit studierien Kembre o teskiñ brezhoneg Cyflwyno ’r Llydaweg Per Denez.
Makbez & Ar Geben Doñvaet William Shakespeare C'hoariva 11 x 18 cm - 282 p. - 12 euro ISBN 2-916745-12-1
William Shakespeare (1564-1616), skrivagner meur saoz, barzh ha dreist-holl dramaour, a zo anavezet evit bezañ skrivet 38 pezh-c’hoari, sonedennoù ha barzhonegoù. Mestr war ar c’homediennoù koulz ha war an trajediennoù e oar sevel pezhioù kemplezh, leurenniañ uhelañ trivliadoù Mab-den ha c’hoarzhin goap anezhañ war-un-dro. El levr-mañ e kaver daou bezh-c’hoari skrivet gantañ : trajedienn Makbez troet e brezhoneg gant Roparz Hemon hag ar gomedienn Ar Geben Doñvaet troet gant Yann-Loeiz Emili. Makbez - trajedienn hag a dremen e Bro-Skos o kontañ diouganoù sorserezed a gaso Makbez hag e bried war hent an torfedoù hag ar muntroù evit kemer plas ha galloud ar roue Dunkan – a zo bet lakaet e komz-plaen gant Roparz Hemon ken feal ha ma c’helle. Tost-tost eo chomet ouzh ar saozneg. Ar Geben Doñvaet a gont istor Baptista, denjentil pinvidik o chom e Padova hag en deus div verc’h : Katarina, an henañ, ur plac’h disuj ha penn-kalet diaes dont a-benn diouti, ha Bianka, an hini yaouankañ, ur goantenn fur. Tri denjentil yaouank a Bisa — Hortensio, Gremio hag ivez Lusensio o defe c’hoant d’ober al lez da Vianka ha da zimeziñ ganti. Met an tad a chom dibleg : ne zimezo ket e verc’h yaouankañ keit ha ne vo ket euredet Katarina. Miret en deus Yann-Loeiz Emili ar stumm gwerzaouiñ, met en ur addezrevelliñ kentoc’h eget treiñ ger-ha-ger hag o reiñ d’ar skrid blaz yezh Leon.
Mat an traoù?;-) Caryl Lewis, tr. Padrig an Habask Romant 7 euro ISBN 2-916745-03-9
Emañ Katrin o vevañ en un ti-feurm gant he mamm, he breur hag he mamm-gozh. Deuet eo ar poent da brientiñ an arnodennoù dibenn bloaz, met se ne vir ket outi nag ouzh he mignonez Mer a gaout plijadur ha kalonad a bep eil. Caryl Lewis a zo ur skrivagnerez yaouank a Gembre, tapet ganti meur a briz evit he romantoù.
Ni hon-unan Annaig Gars Arnodskrid 12 x 17 cm - 64 p. - 6 euro ISBN 2-9506387-6-7
Arnodskrid politikel, kilsell war emdroadur an Emsav, ar pezh a ra hon nerzh, hor gwanderioù hag hor goanag.
Otello William Shakespeare, tr. Klerg C'hoariva 11 x 18 cm - 198 p. - 10 euro ISBN 2-916745-02-2
Otello, un den du anezhañ ha jeneral en arme e servij politikourien Verona, a zimez dre guzh gant Desdemona. Iago, skoazeller Otello, pa wel eo bet roet ar post a c'hoantae kement da Gasio, a sav droug ennañ. Diwar neuze e vag gwidreoù ha tamall a ra Kasio da vezañ amourouz Desdemona. Otello, fuloret ruz, a gred. Drailhet-dizrailhet eo tudennoù Shakespeare gant gevier, gwarizi, trubarderezh, muntroù hag emlazh.
Ouzh strak ar gurun Yann Vartolod Eñvorennoù 14,8 x 21 cm - 42 p. - 2 euro
Eñvorennoù politikel un amzer soudard.
Romeo ha Julieta William Shakespeare, tr. Klerg C'hoariva 11 x 18 cm - 182 p. - 10 euro ISBN 2-916745-01-5
Da-geñver ur gouel masklet e Verona e teu kalon Romeo da dridal evit Julieta. Ne oar ket neuze eo homañ pennhêrez ar C'hapuled, brasañ enebour familh Romeo. Kasoni diboell ha karantez dreistmuzul o tistrujañ yaouankizoù betek ar marv.
Soner Yann Meur Eñvorennoù 12,5 x 18,5 cm - 126 p. - diviet ISBN 2-916745-05-3
Yann Meur a ginnig deomp ur bourmenadenn e-barzh bed ur soner yaouank eus ar bloavezhioù dek ha tri-ugent. En eñvorennoù-se ez eus from, fent ha peadra da c’hoarzhin. Ar skrid a ro deomp ivez danvez preder war plas ar sonerien er gevredigezh, tonkad hag emdroadur hor c’hevredigezh, adperc’hennidigezh hec’h hengoun. Diskouez a ra penaos e tremen an den eus amzer ar vezh da azginivelezh e sevenadur.
Ur c'hi maget mat ha danevelloù all Daniel Doujet Danevelloù 12,5 x 18,5 cm - 184 p. - diviet ISBN 2-9511721-3-3
Dastumadenn 14 danevell skrivet gant Daniel Doujet hag embannet darn anezho e-barzh Al Lanv hag Al Liamm. Darn all a oa chomet diembann betek-henn.
Yann-Vari Perrot, Istor ur pezh-c'hoari Strollad ar Vro Bagan C'hoariva 14,8 x 21 cm - 212 p. - 13 euro
Testenn ar pezh, met ivez ur bern dielloù ha luc’hskeudennoù…