KUZUL AR BREZHONEG katalog al liamm

KUZUL AR BREZHONEG

KATALOG AL LIAMM

Yezhoù all

Mizoù-kas:

3 € (1 levr) 5,50 € (3 levr ha +)

3,50 € (2 levr) digoust adalek 100 €

Ma fell deoc'h prenañ levr-mañ-levr, kasit ho chekenn (warni priz al levr(ioù) + ar mizoù-kas), da:

AL LIAMM
14 Louzaouenn-an-Hañv / rue du Muguet
22300 LANNUON

Ckekenn da lakaat war anv KUZUL AR BREZHONEG

Aada ha Narki Goulc'han Kervella Romant 10 euro ISBN 2-7368-0072-7
E Breizh emaomp, e Tremenac’h (Plougerne) pe un tamm pelloc’h kostez ar C’hurnig (Gwiseni) da vare ar Mezolitik. Daou zen yaouank, paotr ha plac’h, Aada ha Narki en em gavo ha pa ne vijent ket eus memes meuriad. Gant ampartiz ha gouiziegezh e oar Goulc’han Kervella taolenniñ buhez an dud d’ar mare-se kostez an aod. Lod diouto a zo chaseourien, lod all a zo mesaerien ha prestik e vo dizoloet ganto al labour-douar. A-unan emañ an dud gant an natur hag ar mor forzh pegen taer ha garv e vije an darempredoù etrezo gwech dre vare.
A-bell hag a-dost Reun ar C'halan Danevelloù 15,5 x 22 cm — 364 p. — 13 euro ISBN 2-7368-0077-2
An deiz-ha-bloaz Youenn Olier Danevelloù 11,5 x 18,5 cm — 184 p. — 9 euro
14 danevell bet skrivet er bloavezhioù hanter-kant.
An dour en-dro d'an inizi Youenn Drezen Romant 12,5 x 19,5 cm — 78 p. — 7 euro
Ur c’hizeller yaouank a gej ouzh ur bennhêrez pinvidik eus ar Mor Bihan. Kavout a reer er romant berr-se un danvez a blije da Youenn Drezen: talvoudegezh an arz hag an arzour er vuhez hag er gevredigezh.
An houadig divalav Hans Christian Andersen Kontadenn 14,5 x 19 cm — 22 p. — 4 euro
An intañvez Arzhur Tangi Malmanche Pezh-c'hoari 14 x 19 cm — 120 p. — 8 euro
Drama e pevar arvest, e komz-plaen. Ennañ e vo kavet un daolenn eus kevredigezh Breizh e penn-kentañ an xxvet kantved.
An teirgwern Pembroke Jarl Priel Romant 17 euro
An tri boulomig kalon aour Roparz Hemon Evit bihan ha bras 11,5 x 18 cm — 204 p. — 9 euro ISBN 2-7368-0004-4
Teir merc’hodenn a ziviz, un devezh, kuitaat o mestr, ur paotrig a vez drouk outo alies.
Aquis submersus T. Storm, tr. Per Denez Romant 13,5 x 21,5 cm — 76 p. — diviet
Un istor karantez kriz, troet diwar an alamaneg.
Ar Baganiz Tangi Malmanche Pezh-c'hoari 14 x 19 cm — 136 p. — 9 euro
Pezh-c’hoari e tri arvest, gwerzennet, lakaet da dremen e 1681. Darvoudoù skrijus e Bro ar Baganiz.
Ar Bibl tr. Maodez Glanndour Relijion Levr I: 13,5 x 21 cm — 270 p. — 11 euro Levr II: 13,5 x 21 cm — 352 p. — diviet Levr III: 13,5 x 21 cm — 224 p. — diviet Levr IV: 13,5 x 21 cm — 158 p. — 8 euro
Levr I: Ar pevar Aviel, An Testamant nevez I Levr II: Oberoù an Ebestel, Lizheroù, Diskuliadur: An Testamant nevez II Levr III: Ar Salmoù Levr IV: Levr Izaia
Ar chalboter huñvreoù Tudual Huon PRIZ LANGLEIZ 1978 Danevelloù 12 x 18,5 cm — 136 p. — 8 euro
Eizh danevell gentañ; mousfent, c’hwervoni ha faltazi.
Ar chase Goulc’han Kervella PRIZ LANGLEIZ 1978 Romant 12 x 19 cm — 120 p. — 8 euro
Goulc’han Kervella a gont deomp amañ buhez ur breur bihan da lern Saint-Exupéry ha La Fontaine, en ur bed ma oar komz al loened, evel-just.
Argantael ha tro Breizh Garmenig Ihuellou Evit bihan ha bras 15 x 21 cm — 208 p. — diviet ISBN 2-7368-0059-1
E-lec’h mont da foetañ bro pell diouzh ar gêr o deus divizet ar grennarded ober tro Breizh. War varc’h-houarn oant aet da gentañ met darvoudoù ’zo o deus cheñchet penn-toullig d’o raktres ha lakaet ar marc’hoù da vout mirc’hi! Gweladennoù dic’hortoz, roudoù istor ar vro, c’hoarioù, tantadoù, c’hoariva ha kan… Met piv a ya dindan o zeltennoù da furchal e seier-kein lod doutê? Ha perak ’ta, mil mallac’h?
Ar 5 skoed a Vreizh Evelyne Brisou-Pellen, tr. Mark Kerrain Evit bihan ha bras 13 x 20 cm — 224 p. — 13 euro ISBN 2-7368-0064-8
Anavezet-mat eo skridoù gallek Evelyne Brisou-Pellen savet evit ar grennarded. Evit ar wech kentañ e vo kavet unan eus he romantoù lakaet e brezhoneg. Tremen a ra an istor e dibenn ar XVvet kantved etre Gwened ha trowardroioù Roazhon. Bihan ha bras a gavo plijadur o lenn an avanturioù-mañ awenet gant istor ar vro. Priz Langleiz 2004.
Ar veaj-se ur wech e oa Pêr Dioler PRIZ LANGLEIZ 1978 Barzhonegoù 14 x 19 cm — 88 p. — 7 euro
Avel gornôg Yann Bijer PRIZ LANGLEIZ 2006 Romant 15,5 x 22 cm – 456 p. - 18 euro ISBN 2-7368-0067-3
“Avel gornôg” a zo istor un tiegezh eus Lechiagad, er Vro Vigoudenn, e penn kentañ an xxvet kantved. Istorioù kozh ha darvoudoù bet c’hoarvezet mil bell ’zo, a lavaro lod. Ya, sur-mat, ha koulskoude ez eus kalzik da zeskiñ diwar-benn kenskoazell, buhez ha darempredoù etre remziadoù tud a-oad disheñvel.
Barzhaz an naon du Erwan Hupel Bannoù-treset 21 x 29,5 cm – 32 p. - 10 euro ISBN 2-7368-0078-9
Ha naon ho peus bet dija? Ne lavaran ket an naon a vez torret gant gortozenn dek eur. Nann avat! An naon du emeve. An naon ki. Naon ar bonedoù ruz, Naon Conlie. Ar bouzelloù ruz. Ar yun, an anken. An naon da zebriñ mein...
Barzhonegoù Roparz Hemon Barzhonegoù 14 x 19,5 cm — 144 p. — 11 euro ISBN 2-7368-0032-X
Barzhonegoù Kenan Kongar Barzhonegoù 14,5 x 20 cm — 158 p. — 8 euro
Blaz an holen Filip Oillo PRIZ LANGLEIZ 1995 Romant 12,5 x 18,5 cm — 224 p. — diviet ISBN 2-7368-0049-4
Pep tra zo o vousc’hoarzhin ouzh Anton ar Sant, e zousig koant, e vicher gwall blijus, e garr-tan nevez-flamm... Ha koulskoude...
Bouklet ha minellet Yann Gerven Romant 12,5 x 18,5 cm — 200 p. — 12 euro ISBN 2-7368-0028-1
Bouklet ha minellet zo un istor karantez, kontet gant fent ha gant forzh c’hoarioù war ar yezh, hag e dremen en ur vro faltazi ma ren hollc’halloudek tri eus ar frammadurioù savet gant mab-den evit mac’hañ war mab-den: ar Stad, an Iliz, hag ar bruderezh.
Brestiz o vreskenn Yann Gerven Romant 12 x 18,5 cm — 126 p. — diviet ISBN 2-7368-0017-8
Istorioù karantez kejet gant istorioù arc’hant, hag ur muntr war ar marc’had, etre Brest ha Karnag: setu pezh en do da ziluziañ ur c’houblad enklaskerien prevez en un istor kontet war un ton skañv ha fentus.
Buhez Salaun lesanvet ar Foll Tangi Malmanche Pezh-c'hoari 14 x 19 cm — 168 p. — 9 euro
E-kichen Lesneven e 1350 e oa Salaun ar Foll o chom. Drama e tri arvest, gwerzennet.
Cheeseburger ha yod silet Yann Gerven Danevelloù 368 p. — 15 euro ISBN 2-7368-0074-1
An darn vrasañ eus an danevelloù embannet en torkad-mañ a oa bet embannet er gelaouenn Al Liamm etre 1998 ha 2007. An ostaleri hanter-hent a oa bet embannet da geñver Gouel al Levrioù e Karaez gant Egin ha Triboluc’hañs a oa bet embannet gant ar Falz en e gannadig "Maen Lemmañ"... Ma ‘z eus anv eus Cheesburger en titl n’eo ket evit meuliñ ar bouedaj-se met abalamour d’ar yaouankizoù a zo kaoz anezho en torkad-mañ ha Yod silet abalamour d’ar rummad tud koshoc’h a gejer ganto aliezik a-walc’h ivez.
C'hoariva Roparz Hemon C'hoariva Levrenn I — 12 x 18,5 cm — 216 p. — 9 euro Levrenn II — 12 x 18,5 cm — 248 p. — 9 euro
Div levrenn pep a nav fezh enno. Sed amañ 18 pezh-c’hoari berr, e gwerzennet koulz hag e komz-plaen, bet skrivet gant ar c’hoant reiñ d’ar brezhoneg ur c’hoariva arnevez hag uhel.
Danevelloù Ronan Huon Danevelloù 23 x 16 cm – 282 p. – 33 euro
Kavet e vo strollet en ul levr holl zanevelloù Ronan Huon bet embannet e-barzh "An irin glas", "Ur vouezh er vorenn" hag e meur a niverenn Al Liamm. Prientet eo bet ar strobad skridoù gant Herve Bihan, Alan Botrel, Tudual ha Riwal Huon. Rakskrid gant Herve Bihan.
Danevelloù divyezhek A-Stroll Danevelloù - Divyezhek 12 x 18,5 cm — 272 p. — 13 euro
An dastumad danevelloù divyezhek-mañ zo e bal reiñ tu d’an nevezvrezhonegerien lenn skridoù brezhoneg gant un droidigezh c’hallek e-kichen, kuit da goll amzer o klask gerioù er geriadur.
Dictionnaire breton-français / français-breton Roparz Hemon & Ronan Huon Geriadur 11 x 16,5 cm — 1346 p. — 15 euro
Dictionnaire classique français-breton René Le Gléau Geriadur 13,5 x 22 cm Golo soupl: Levr I — 352 p. — 16 euro Levr II — 352 p. — 16 euro - ISBN 2-7368-0007-9 Levr III — 352 p. — 16 euro - ISBN 2-7368-0014-1 Levr IV — 384 p. — 18 euro - ISBN 2-7368-0018-4 Levr V — 384 p. — 18 euro - ISBN 2-7368-0020-6 Levr VI — 384 p. — 18 euro - ISBN 2-7368-0026-5 Levr VII — 384 p. — 18 euro - ISBN 2-7368-0026-5 Levr VIII — 416 p. — 18 euro - ISBN 2-7368-0033-8 Levr IX — 448 p. — 18 euro - ISBN 2-7368-0037-0 Levr X — 608 p. — 19 euro - ISBN 2-7368-0040-0 Keinet: Levr I - 21 euro Levr II - 22 euro - ISBN 2-7368-0008-7 Levr III - 22 euro - ISBN 2-7368-0014-1 Levr IV - 22 euro - ISBN 2-7368-0018-4 Levr V - 22 euro - ISBN 2-7368-0020-6 Levr VI - 22 euro - ISBN 2-7368-0026-5 Levr VII - 22 euro - ISBN 2-7368-0026-5 Levr VIII - 22 euro - ISBN 2-7368-0033-8 Levr IX - 22 euro - ISBN 2-7368-0037-0 Levr X - 25 euro - ISBN 2-7368-0040-0
Levrenn I: A-B Levrenn II: C-DEB Levrenn III: DEB-EMBEG Levrenn IV: EMBEG-FLAG Levrenn V: FILET-IMPUNI Levrenn VI: IMPUNITÉ-MARCHE Levrenn VII: MARCHE-PASSANT Levrenn VIII: PASSE-RACONTER Levrenn IX: RACONTER-SITÔT Levrenn X: SITUATION-ZYGOMA
Diougan Gwenc'hlan Per Denez Romant 12 x 18,5 cm — 140 p. — 8 euro
Romant o c’hoarvezout e Kembre awenet gant diougan Gwenc’hlan, ar barzh brudet.
Dre ar prenestr Goulc’han Kervella Danevelloù 13 x 20 cm — 168 p. — 13 euro ISBN 2-7368-0066-4
Meur a zanevell eus al levr-mañ a zo bet savet diwar darvoudoù gwir, ar re all a zo bet diwanet e penn ar skrivagner. Awenet int bet gant bed ar vedisined pe neuze buhez an dud e Bro-Bagan. N’eus ket ezhomm ken da ginnig ar skrivagner, meur a levr a zo dija war e anv, anez kaozeal eus e obererezhioù all.
Dre inizi ar bed keltiek Maodez Glanndour Skridoù-arnod 12,5 x 18,5 cm — 232 p. — 13 euro ISBN 2-7368-0031-1
Dastumad prezegennoù diwar-benn hor c’heltiegezh: en arz, el lennegezh, er varzhoniezh.
E penn an hent Youenn Olier Romant 12 x 18,5 cm — 192 p. — 9 euro
Romant a dremen en amzer da zont, en amva ar stourm broadel.
E skeud tour bras Sant Jermen Yeun ar Gow Danevell-buhez 12,5 x 18,5 cm — 256 p. — 8 euro
Eñvorennoù bugaleaj ar skrivagner Yeun ar Gow, ginidik eus Pleiben.
E vrennigenn ziwezhañ Goulc’han Kervella Danevelloù 12,5 x 18,5 cm — 176 p. — diviet ISBN 2-7368-0056-7
A-raok ober e vicher eus ar c’hoariva, eo bet Goulc’han Kervella medisin. Setu aze 10 danevell o tennañ da ved ar c’hleñvedoù pe ar medisinerezh, awenet gant e skiant-prenet.
Emgann Kergidu Lan Inizan Romant Levrenn I — 12,5 x 18,5 cm — 240 p. — 11 euro Levrenn II — 12,5 x 18,5 cm — 244 p. — 11 euro
Danevell an dispac’h gwelet gant ur beleg a vro Leon a-du gant ar roue. Ur skeudenn eus ar mare displeget gant ur c’honter hep e bar.
En tu-mañ d'an ifern Jef Philippe Danevelloù 12 x 18,5 cm — 164 p. — 8 euro ISBN 2-7368-0000-1
An dek danevell-mañ zo graet evit ar re a blij dezho skrijal gant ar spont. Da vezañ lennet diouzh an noz, anat.
En ur rambreal Yann-Vari Kerwerc'hez Romant 13 x 20 cm — 256 p. — 9 euro
Ar c’hentañ polar e brezhoneg, leun a fent hag a vuhez.
Enez an Teñzor Robert Louis Stevenson, tr. Yeun ar Gow Evit bihan ha bras - Romant 12,5 x 18,2 cm — 240 p. — 13 euro ISBN 2-7368-0061-3
Kontañ a ra R.L. Stevenson troioù-kaer martoloded o klask un teñzor bet kuzhet gant forbanned en un enezenn distro. Ne vint ket o-unan avat, reuz, kann hag ur bern darvoudoù a vo a-hed an istor.
Eñvorennoù Roparz Hemon Danevell-buhez 12,5 x 18,5 cm — 160 p. — 13 euro ISBN 2-7368-0053-2
Eñvorennoù yaouankiz Roparz Hemon, barzh, romantour, yezhoniour ha stourmer, a ouestlas e vuhez a-bezh d’ar brezhoneg.
Eñvorennoù ur prizoniad Alan an Diuzet Danevell-buhez 13 x 20,5 cm — 82 p. — 5 euro
Eñvorennoù Alan an Diuzet, pa oa bet prizoniet gant an Alamaned e-doug ar brezel diwezhañ.
Evel-se e oamp Herve Herri PRIZ LANGLEIZ 1981 Danevelloù 12 x 18,5 cm — 224 p. — 10 euro
Trizek istor berr, awenet gant buhez ar skrivagner e-unan, a dremen e bed ar moullerezh, e Montroulez.
Evidon va-unan Ronan Huon Barzhonegoù 14 x 19 cm — 124 p. — 8 euro
Fri Korloko Tudual Huon Bannoù-treset 21 x 30 cm — 40 p. — 6 euro
Ur sell farsus war ar c’hudennoù ekologel ha politikel er bloavezhioù 70 e Breizh.
Gant avel ar vuhez Loeiz Bihannig Danevell-buhez 12,5 x 18,5 cm — 160 p. — 13 euro ISBN 2-7368-0057-5
Eñvorennoù Loeiz Bihannig, bet bezhinaer e Landeda, martolod hag emsaver.
Geotenn ar werc'hez Jakez Riou Danevelloù 14 x 21 cm — 118 p. — 7 euro
Danevelloù skrijus, blaz ar velkoni ganto, lakaet da dremen war ar maez, en ur gevredigezh steuziet en deiz-a-hiziv, ha skrivet gant nerzh.
Geriadur ar skrivagnerien ha yezhourien Lukian Raoul Yezh 16,5 x 24 cm — 432 p. — 23 euro ISBN 2-7368-0034-6
Setu disoc’h ul labour enklask divent, ur renabl eus holl skrivagnerien ha yezhourien vrezhonek aet da anaon a-raok miz Meurzh 1992.
Glas evel daoulagad c'hlas na oant ket ma re Per Denez Romant 12 x 19 cm — 102 p. — 8 euro
Un skrid-polis, leun a skrij hag a gevrin.
Grammaire bretonne Roparz Hemon Yezh - Yezhadur 14,5 x 21 cm — 112 p. — 8 euro ISBN 2-7368-0001-X
Gurvan ar marc'heg estrañjour Tangi Malmanche Pezh-c'hoari 14 x 19 cm — 144 p. — 9 euro
Mister e tri arvest, gwerzennet, o tremen e-kerzh ar grennamzer. Hemañ eo pezh-c’hoari brudetañ Tangi Malmanche.
Gwiadenn ar vuhez Benead Barzhonegoù 18,5 x 23 cm — 38 p. — 5 euro
Gwreg an toer / Marvailh an ene naonek Tangi Malmanche Pezh-c'hoari 14 x 19 cm — 84 p. — 7 euro
Daou bezh berr. Karantez, marv, strafuilh hag enkrez e buhez tud ar vro.
Hent Arkadius David ar Gall Danevelloù 15,5 x 22 cm — 172 p. — 13 euro
Gouzout a raemp e oa danvez skrivagnerien nevez e Breizh. Gant an tolpad danevelloù-mañ e kompreno al lenner emañ David ar Gall, gwenedour eus Bro-Bourlet, da vezañ lakaet e-touez ar re varrekañ ha soutilañ, ar re eo puilh o awen ha ouesk o fluenn. Lakaat a ra war-wel ur bed liesliv: a-wezhioù teñval ha du, livañ a ra bedoù kriz, amzerioù da zont goulazhet, bedoù pulluc'het, gant fent ur Gwenedour evel-just. Gwezhioù all e vo trec'h ar vuhez, ar garantez. War hent Arkadius ne c'hell ket an enoe bout trec'h gwezh ebet...
Ho kervel a rin en noz Roparz Hemon Danevelloù 12 x 18,5 cm — 260 p. — 11 euro
Pemp danevell ha tregont, enno fent ha faltazi, evit ar re a zo o kregiñ gant hor yezh.
Ifern yen ha merc'hed klouar Yann Gerven Danevelloù 12,5 x 18,5 cm — 304 p. — 17 euro ISBN 2-7368-0048-6
Danevelloù farsus, leun a faltazi, ma’z adkaver pluenn donezonet Yann Gerven.
Istorioù beleien Tad Medar Danevelloù 12,5 x 18,5 cm — 192 p. — diviet ISBN 2-7368-0027-3
Setu ur strobad istorioù berr ha fentus, koulz hag un nebeud prederiadennoù, gant an Tad Medar.
Kammdro an Ankoù Loeiz Herrieu Danevell-buhez 13 x 20 cm — 318 p. — 17 euro ISBN 2-7368-0043-5
Deizlevr brezel ar skrivagner gwenedat, savet diwar notennoù, pa dremenas pevar bloavezh war an talbenn eus 1914 da 1918. Skeudennaouet gant an aozer.
Kenavo, Amerika Jakez Konan PRIZ LANGLEIZ 1984 Romant 12,5 x 18,5 cm — 168 p. — 9 euro ISBN 2-7368-0016-8
Tremen a ra ar romant-mañ en Amerika. Un digarez d’ar skrivagner da sevel taolennoù brav diouzh natur gouez ha gwerc’h ar vro-hont.
Klemmgan Breizh Reun ar C’halan Barzhonegoù 14 x 19 cm — 80 p. — 8 euro ISBN 2-7368-0011-7
Komzoù bev Maodez Glanndour Barzhonegoù 18,5 x 22,5 cm — 196 p. — 11 euro ISBN 2-7368-0012-5
Kontadennoù ar bobl Fañch an Uhel Kontadennoù 13 x 20 cm Levrenn I — 304 p. — 15 euro - ISBN 2-7368-0002-8 Levrenn II — 256 p. — 15 euro - ISBN 2-7368-0013-3 Levrenn III — 224 p. — 15 euro - ISBN 2-7368-0021-4 Levrenn IV — 112 p. — 12 euro - ISBN 2-7368-0023-0 Levrenn V — 192 p. — 12 euro - ISBN 2-7368-0042-7
Evit ar wech kentañ e kaver amañ, e brezhoneg, an embannadur klok, e 5 levrenn, eus ar c’hontadennoù bet dastumet gant an Uhel a-hed e vuhez, anezho unan eus teñzorioù hol lennegezh pobl.
Kontadennoù Kernev Yeun ar Gow Kontadennoù 12,8 x 18,5 cm Levrenn I — 192 p. — 13 euro - ISBN 2-7368-0054-0 Levrenn II — 200 p. — 13 euro - ISBN 2-7368-0055-9
23 c’hontadenn (14 el levrenn gentañ ha 9 en eil) ma kaver yezh saourus ha pinvidik Yeun ar Gow, ha peurzeskiñ brezhoneg a c’heller ouzh o lenn.
Koulz ar c'hastrilhez Herve ar Gall Romant 15,4 x 21,8 cm — 232 p. — 13 euro ISBN 2-7368-0073-4
Lec'hiet eo eil romant Herve ar Gall e Breizh hag e Bro-Anjev d'ur mare ma oa reuz bras dre ar vro (etre 1794 ha 1800). Emsavadeg a oa bet un tamm e pep lec'h dre ar vro a-enep ar Republik, a-enep ar Re C'hlas. Ar Chouanted a oa niverus o armeoù ha renet e oant gant tud taer ha dizaon: Kadoudal, Boishardy, Roue Begnen, Markiz ar Rouari. Studiet pizh en deus Herve ar Gall ar prantad-se eus Istor Breizh met lakaet en deus e ijin hag e faltazi da labourat a-benn kinnig deomp un istor un tamm mat disheñvel memes tra... Mont a ra an tu gounit gant ar Bleizi Ruz... Deomp 'ta da heul Pêr Mengi, Kaourintin, Erwan Madeg hag o mignoned, difennerien Republik Breizh!
Kregin-mor Maodez Glanndour Skrid-arnod 12,5 x 18,5 cm — 256 p. — 14 euro ISBN 2-7368-0019-2
Dastumad soñjoù Maodez Glanndour war ar sevenadur, an arz, ar yezh, an istor, ur skrid nerzhus eo, anezhañ testamant ar barzh en ur mod.
Kroc'hen azen Charles Perrault Kontadenn 14,5 x 19 cm — 22 p. — 4 euro
Laenneg medisin Goulc’han Kervella PRIZ LANGLEIZ 1983 Danevell-buhez 12 x 18,5 cm — 208 p. — 11 euro ISBN 2-7368-0010-9
Ouzhpenn bezañ medisin, René-Théophile Laenneg a oa ivez brezhoneger ha keltiegour... war an dra-se ivez en deus pouezet Goulc’han Kervella o kontañ buhez Laenneg.
Lannevern e kañv Jakez Konan Danevelloù 12 x 18,5 cm — 224 p. — 9 euro
Danevelloù fentus pe krisoc’h, rannet e div lodenn: an hini gentañ o c’hoarvezout e Breizh, an eil o tremen er C’hanada.
Lara Goulc’han Kervella Danevelloù 12,5 x 18,5 cm — 216 p. — 12,50 euro
13 danevell hag a denn d’an hevelep tem: tud klañv en o fenn. Met estreget degas en e skridoù skiant-prenañ e vicher gozh a ra Goulc’han Kervella: eztaolet e vez gantañ ivez e vro orin, arvor Bro-Leon.
Levr ar blanedenn Reun ar C’halan Barzhonegoù 14 x 19 cm — 144 p. — 8 euro
Levr bourzh ar veaj kentañ Kristof Goulm, tr. Filip Oillo Danevell-buhez 12,5 x 18,5 cm — 220 p. — 13 euro ISBN 2-7368-0039-7
El levr-mañ e vo kavet lodenn gentañ beaj Kristol Goulm. Bez’ ez eo un destenn a bouez evit istor ar bed hag ivez un testeni bev eus un darvoud ken pouezus all: stokad daou sevenadur disheñvel-mat.
Liñvadenn Kastellaodren Herve Gouedard PRIZ LANGLEIZ 2009 Danevelloù 13 x 20 cm – 400 p. - 15 euro ISBN 2-7368-0075-8
N'eus ket da dortal, Herve Gouedard a oar kas al lenner d'e heul ha rannañ gantañ ar bed, intret a chaok, a enkrez, a zaeloù, difluket diwar e faltazi hag e ijin. Gant kalz ampartiz e oar itrikañ istorioù skrijus evel 'Liñvadenn Kastellaodren" ha lakaat anat ene trubuilhet e harozed evel en danevell "Stille Nacht" da skouer. An tudennoù krouet gantañ a zo tud, kig hag eskern anezho, renet gant o sorc'hennoù hag o c'hoantoù diroll, ha koll o furnez a reont pa fell dezho mont betek penn o mennad. N'int ket mestr ken war o amzer da zont ha koll a reont lies gwech. Diskouez splann lodenn deñval hon ene, diguzhat an tasmantaù a vag hon hunvreoù kuzh, furchal e don askre mab-den ha diskoachañ e wanderioù, sed aze perzhioù dibar skridoù Herve Gouedard.
Ma c'helljen-me kanañ laouen Strollad ar Vro Bagan Barzhonegoù 13,8 x 21 cm — 36 p. — 3 euro
Ar pezh-c’hoari-se a zo bet savet gant Strollad ar Vro Bagan, renet gant Goulc’han Kervella. C’hoariet eo bet meur a wech ha graet en deus perzh bras. Amañ e vo kavet ar skrid, met ivez ar c’hanaouennoù, gant an tonioù da heul.
Mari Vorgan Roparz Hemon Romant 12 x 18,5 cm — 168 p. — 9 euro
C’hoarvezout a ra traoù gwall iskis e bourzh ar Vari Vorgan; tamm ha tamm e teuio medisin ar bourzh da c’houzout ez eus ur vorganez o chom war e vag. Ur romant leun a faltazi hag a zarvoudoù marvailhus.
Méthode rapide de breton Roparz Hemon Deskiñ 12,5 x 18 cm — 104 p. — 7 euro
Pêr, Jakez, Yann hag ar re all Lukian Tangi PRIZ LANGLEIZ 1987 Danevelloù 12,5 x 18,5 cm — 166 p. — 10 euro ISBN 2-7368-0022-2
Kavet e vo amañ un eizh bennak a zanevelloù, fentus ha goapaus peurvuiañ ha buhezek bepred, skrivet en ur yezh poblek ha pinvidik.
Pinvidigezh ar paour Goulven Jacq PRIZ LANGLEIZ 1976 Danevell-buhez 12 x 18,5 cm — 164 p. — 9 euro
An aozour a gont amañ e vugaleaj e Plougastell, e penn-kentañ an xxvet kantved.
Pirc'hirin Kala-Goañv Abeozen Danevelloù 12 x 18,5 cm — 208 p. — 9 euro ISBN 2-7368-0015-X
Istorioù a c’hoarvez etre an daou vrezel-bed e Bro-Leon.
Plac'hedigoù o ler rous Yann Gerven Danevelloù 12,5 x 18,5 cm — 304 p. — 18 euro ISBN 2-7368-0047-8
Fent, skiant-faltazi ha startijenn an hini a ya d’ober ar c’hwezek danevell-mañ, ma anavezer barregezh dibar ar c’honter Yann Gerven.
Rederig-e-galon-noazh Maguy Kerisit Romant 13 x 20 cm — 110 p. — diviet ISBN 2-7368-0068-0
Nag a levenez hag a frankiz pa teu an hañv hag ez eo echu gant ar skol. Neuze e c'hell Rodrig mont da redek war an tevenn, kantren e-touez ar reier, analat c'hwezh ar bezhin, sellet ouzh ar mor... hunvreal. Vona, ur vignonez a-gozh, a vez e Koad-manac'h ivez e-pad ar vakañsoù ha plijet eo Rodrig en he c'hompagnunezh. P’en em gav Agat avat ez eo un afer all, hag un tamm fonnusoc'h e sko e galon en e greiz.
Robinson Crusoe Daniel Defoe, tr. Yeun ar Gow Evit bihan ha bras - Romant 13 x 20 cm — 160 p. — 13 euro ISBN 2-7368-0060-5
Kontañ a ra Daniel Defoe peñse Robinson Crusoe war un enezenn didud. Didud? Ket kement-se: debrerien-dud, prizonidi, darvoudoù a bep seurt ha dreist-holl mignoniezh Gwener.
Romant ar roue Arzhur Xavier Langleiz Romant 19 x 23 cm — 192 p. — 13 euro
Mojenn Breizh adskrivet gant Xavier Langleiz, letrennoù gant an aozer.
Rouanez an erc'h Hans Christian Andersen Kontadenn 14,5 x 19 cm — 22 p. — 4 euro
Sizhun ar breur Arturo Youenn Drezen Romant 12,5 x 18,5 cm — 88 p. — diviet ISBN 2-7368-0029-X
Istor un danvez manac’h. Hervez lod e vefe eus al levr-mañ oberenn wellañ Youenn Drezen.
Skol-louarn Veig Trebern Youenn Drezen Romant 16 x 24 cm Levrenn II — 176 p. — 11 euro Levrenn III — 204 p. — 11 euro
Troioù-kaer ur paotrig bihan eus Pont-’n-Abad, e penn-kentañ an xxvet kantved, a gav gwelloc’h mont da redek dre ar parkeier eget mont da bourmen en e levrioù-skol.
Skridoù Frañsez Kervella Skrid-arnod 12 x 18,5 cm — 224 p. — 13 euro ISBN 2-7368-0038-9
Dastumet en deus Per Denez, diwar Breiz Atao, Gwalarn ha Galv, an holl bennadoù savet gant Frañsez Kervella etre 1930 ha 1941 war ar politikerezh hag an istor.
Telennganoù Maodez Glanndour Barzhonegoù 14 x 19 cm — 88 p. — 8 euro ISBN 2-7368-0009-5
Ti Vatriona Alexandre Soljenitzyn, tr. Ernest ar Barzhig Romant 12 x 18,5 cm — 80 p. — 7 euro
Goude bezañ bet prizoniet a-hed bloavezhioù e lec’hioù poultrennek ha tomm-gor, Ignatich en deus goulennet bezañ kelenner e kreizig-kreiz Rusia, a-rez ar c’hoadeier frondus.
Tonkad kriz Tom Bruise Yann Gerven Romant 88 p. — 10 euro ISBN 2-7368-0071-0
Petra a c'hell ur paotr yaouank ober 'ta pa vez tapet en ur pred familh... selaou ragach ar re gozh, fistilh ar maouezed ha gortoz e vije fin d'an abadenn pe ober evel ma ra Thomas Broustal, hunvreal ha leuskel e spered da nijal hag itrikañ un istor spierien skrijus e kompagnunezh Tom Bruise ha Lucy-Anna...
Traoñ an Dour Añjela Duval Barzhonegoù 13,5 x 18,5 cm — 144 p. — 10 euro
Traoù kouer Herve Bihan Danevelloù 13 x 20 cm — 148 p. — 12 euro ISBN 2-7368-0079-6
Herve Bihan ’zo bet ganet e Landreger e 1956. Kelenner brezhoneg eo e Skol-veur Roazhon 2 abaoe ur pemzek vloaz bennak. Ren a ra ar gelaouenn yezhoniezh Hor Yezh abaoe 1996. Tro en deus bet da embann danevelloù er gelaouenn Al Liamm hag ivez troidigezhioù diwar ar saozneg, ar spagnoleg, ar galizeg hag ar c’hembraeg, koulz e-barzh Al Liamm hag e-barzh Al Lanv. Goude ma vije kriz a-walc’h an darvoudoù kontet gant Herve Bihan en e zanevelloù e tifluk prim hag en un doare dic’hortoz alies fent ha mousfent an Tregeriad a zo anezhañ. Lod eus an danevelloù a zo tost kar d’an danevelloù polis: memes framm, memes entan, memes from. Mont a reer da heul ur “serial killer” pe ur paotr yaouank trelatet gant ar relijion ha war glask ur garantez na c’hell ket kaout, kejañ a reer gant ur c’higer aet skuizh gant e wreg ha mestr war ar c’hoari kontell... Liesseurt eo an tudennoù er bed krouet gant Herve Bihan: kelennerien, klaskerien-vara, tud paour, lonkerien, hailhoned ha menec’h int ha kement hini anezho a c’hoari e berzh, mat pe fall, e poull-tro ar vuhez lusket gant karantezioù brevet, barradoù alfo ha dizesper, hurlinkoù deuet da wir, digasted ha sotoni an dud... Lakaat a ra ivez Herve Bihan war-wel goulioù a vez pell o pareañ pa’z eus kaoz gantañ eus tonkad kriz ur paotrig yuzev e-pad an eil brezel bed pe mac’homerezh an arme c’hall en Aljeria.
Tristan hag Izold Xavier Langleiz Romant 18 x 23 cm — 230 p. — 13 euro
Ar vojenn geltiek adwelet gant Xavier Langleiz, 20 tresadenn gant an aozer.
Truez va Doue Didrouz PRIZ LANGLEIZ 1990 Danevelloù 12 x 18,5 cm — 232 p. — 9 euro
Nav danevell gant ur skrivagner ginidik eus a Vro-Leon.
Un dornad plu Ronan Huon Danevelloù 15 euro
Ur breizhat oc'h adkavout Breizh Roparz Hemon Pennadoù 11,5 x 18,5 cm — 256 p. — diviet
Kavout a reor amañ pennadoù preder diwar-benn Breizh, a oa bet embannet da gentañ e-barzh Breiz Atao ha Gwalarn.
Ur brezelour e oan Donnachadh Mac Ghomhnaill, tr. M. Madeg Romant 13 x 20 cm — 392 p. — diviet ISBN 2-7368-0065-6
Er c’hwezekvet kantved emaomp. E Bro-Skos, e-touez ar Ouezeled, ez eus reuz evel ma’z eus d’an ampoent er pep brasañ eus Europa. Ur paotr yaouank, bet ganet ha savet eno, eo chomet betek ennomp ar gont eus e vuhez ahont. Un istor skrijus. Hini brezelioù dizehan etre klanoù, met ivez ur vuhez kreñv ar plijadurioù enni, pa veze… Golo gant Tudu Huon.
Ur marc'hadour a Vontroulez Jakez Konan Evit bihan ha bras 12 x 18,5 cm — 104 p. — 7 euro
Savet eo bet an danevell-mañ diwar un darvoud c’hoarvezet en xviiivet kantved, en ur yezh aes a-walc’h.
Ur vouezh er vorenn Ronan Huon Danevelloù 12 x 18,5 cm — 200 p. — 9 euro
Nav danevell gant oberour An irin glas o plediñ gant digenvezded an den.
Va levrig skeudennoù Maodez Glanndour Barzhonegoù 14,5 x 20,5 cm — 56 p. — 7 euro
Va zammig buhez Jarl Priel Danevell-buhez 12 x 18,5 cm — 194 p. — 10 euro
Amañ e kont ar skrivagner, gant kalz a fent tregeriat, lodenn gentañ e vuhez virvidik.
Vijelez an deiz diwezhañ Maodez Glanndour Barzhonegoù 19 x 23 cm — 24 p. — 5 euro
War barlenn an amzer Tugdual Kalvez Barzhonegoù 82 p. — 8 euro ISBN 2-7368-0070-3
Goude "Blaz ar vuhez" (Mouladurioù Hor Yezh, 1999), bet roet dezhañ Priz Langleiz 2000, setu eil dastumadenn barzhonegoù brezhoneg penn-da-benn Tugdual Kalvez: "War barlenn an amzer", teskad bet savet etre 1999 ha 2004, war-bouez ar pemp kentañ adkavet gantañ en e baperoù.
War ribl an hent Roparz Hemon Danevelloù 12 x 18,5 cm — 304 p. — diviet
Pemzek danevell bet embannet da gentañ e Gwalarn etre 1925 ha 1944, pe e-barzh ar gelaouenn Al Liamm etre 1948 ha 1968.
Yezhadur berr ar brezhoneg Roparz Hemon Yezh - Yezhadur 14,5 x 21 cm — 128 p. — 8 euro
Yezhadur bras ar brezhoneg Frañsez Kervella Yezh - Yezhadur 13,5 x 21,5 cm — 500 p. — 19 euro ISBN 2-7368-0044-3