KUZUL AR BREZHONEG katalog hor yezh

KUZUL AR BREZHONEG

KATALOG HOR YEZH

Yezhoù all

Mizoù-kas:

3 € (1 levr) 5,50 € (3 levr ha +)

3,50 € (2 levr) digoust adalek 100 €

Ma fell deoc'h prenañ levr-mañ-levr, kasit ho chekenn (warni priz al levr(ioù) + ar mizoù-kas), da:

HOR YEZH
14 Louzaouenn-an-Hañv / rue du Muguet
22300 LANNUON

Ckekenn da lakaat war anv KUZUL AR BREZHONEG

Almanak ar Breizad 1924 Dielloù 14,8 x 21 cm - 38 p. - 1 euro
N’eus ken gant an almanakoù ar brud a oa ganto gwechall: unan a oa e pep ti pe dost hag alies e oa an almanak al levr nemetañ prenet er bloaz. Setu ur skouer eus ar re a veze embannet gwechall. Amañ hini ar gelaouenn Courrier du Finistère.
An aotrou Bimbochet e Breizh Roparz Hemon Danevelloù 14,8 x 21 cm - 81 p. - 6,50 euro
Beaj ur c’helenner galleg en ur Vreizh faltaziet eus an xxiivet kantved. Dizoloit al levr zo bet komzet kalz diwar e benn savet gant un den ken brudet all, ha grit ho soñj warnañ drezoc’h hoc’h-unan.
An ti a drizek siminal Roparz Hemon Danevelloù - Brezhoneg eeun 14,8 x 21 cm - 143 p. - 9 euro ISBN 2-910699-27-7
Youenn Jigouzo, kazetenner en Oriant, a zeu da Gameled da vakañsiñ. Kerkent hag an noz kentañ avat ez eo test eus ul lazhadenn graet en un ti a oa brud iskis gantañ: an ti a drizek siminal… Ur romant berr “dre-wall-biv” aes da lenn, savet e Brezhoneg Eeun.
Anna: ur vuhez e Douarnenez Gwendal Denez Eñvorennoù 14,8 x 21 cm - 100 p. - 8 euro ISBN 2-910699-15-3
Anna a gont he buhez, ur vuhez labour e Douarnenez: dastumet he c’homzoù gant Gwendal Denez – kalz a skeudennoù familh zo da heul ar skrid.
Ar bed dre ar brezhoneg Roparz Hemon Pennadoù 14,8 x 21 cm - 195 p. - 8 euro
E-pad tremen ugent vloaz ez embannas Roparz Hemon ur gazetenn liesskrivet kempenn anvet Ar Bed Keltiek. En Iwerzhon e oa Roparz Hemon o vevañ neuze. Meur a skrid tennet eus Ar Bed Keltiek a zo bet adembannet ganeomp e stumm levrioù. Amañ e kinnigomp un dibab 57 pennad, hir pe hiroc’h, o plediñ gant a bep seurt krafoù, a dalvoudegezh hiziv evel dec’h, evit kement hini a zo prederiet gant hon dazont...
Ar follez yaouank Fant R. Meaven Danevelloù 14,8 x 21 cm - 48 p. - 4 euro
Pa’z eas F. R. Meavenn da Iwerzhon e 1932 e oa ken bev eñvor ar brezel diabarzh ha pa vije bet o paouez echuiñ. Un degouezh a seurt gant an darvoudoù spontus a c’hoarvezas er brezel etre Iwerzhoniz he deus taolennet er Follez yaouank. Awenet e oa bet film Yves Allegret “La jeune folle” gant al levr-mañ. Oberenn ur vaouez ha n’eus ket bet kalz evelti el lennegezh vrezhonek.
Ar Gwag war ar C’hro G. Letard-Morliguen Barzhonegoù 14,8 x 21 cm - 51 p. - 4 euro
Un torkad barzhonegoù intret gant ar garantez, karantez ar bed penn-da-benn hag an holl draoù, an holl voudoù zo ennañ, karantez an natur tro-dro, ar mor pergen, hag ar garantez-gour ivez…
Ar Vleizez Paol Feval Danevelloù 14,8 x 21 cm - 183 p. - 8 euro ISBN 2-910699-02-1
Brezhoneg gant Per Denez hag Ernest ar Barzhig. Breton e oa Paol Feval (1817-1887), ganet e Roazhon. Ne oa ket Breton dre e c’hanedigezh hepken avat: ul lodenn vras eus e oberenn a zo awenet gant ar garantez evit Breizh, ha zoken evit Keltia. Gant Per Denez eo bet troet al levr-mañ – en e yaouankiz – hag adskrivet penn-da-benn gant Ernest ar Barzhig. Ur romant a stourm evit Breizh eo hag a dremen e Bro-Roazhon un 250 vloaz zo bennak...
Ar vuhez war ar maez Y.-E. Kemener Eñvorennoù 21 x 29,7 cm - 127 p. - diviet
Amañ e kavor testenioù bet enrollet gant Yann-Erwan Kemener e-kerzh ar bloavezhioù 1977 ha 1978. Ne vo ket lennet er pajennadoù-mañ buhezioù burzhudus pe leun a droioù-kaer, en enep. Buhezioù eeun a vez danevellet. Ur skouer feal eo eus doare komz ar re ziwezhañ zo bet ar brezhoneg o yezh pemdez.
Askornouriezh Yann Ezel Yezh 21 x 29,7 cm - 147 p. - 5,50 euro
Yann Ezel (1908–1967) en deus graet e studioù e Roazhon m’en deus tapet e desteni-doktorelezh war ar vezegiezh. Kar e yezh ha kar e vicher en deus bet c’hoant da sevel ul labour a liammfe an eil ouzh eben. Ul labour gant tresadennoù pizh ha niverus da harpañ an destenn.
Barzhaz dianav ha Barzhaz troet Roparz Hemon Barzhonegoù 14,8 x 21 cm - 182 p. - 8 euro ISBN 2-910699-21-8
Barzhonegoù troet gant Roparz Hemon diwar veur a yezh. Hag un taol-faltazi eus e berzh: dindan an anv “Barzhaz Dianav”, barzhonegoù a bep seurt e doare liesseurt dindan anvioù tud ijinet gantañ.
Barzhonegoù Jakez Riou Barzhonegoù 14,8 x 21 cm - 25 p. - 3 euro
Ma oa Jakez Riou ur gwir varzh, ha ma’z eus barzhoniezh e pep unan eus e skridoù, ne savas ket koulskoude kalz barzhonegoù. Kinnig a reomp amañ d’al lenner kement barzhoneg a zo chomet diwar e zorn – nemet e skridoù yaouankiz na fellas dezhañ biskoazh o lakaat moullañ. Tener e vez e varzhonegoù, bresk evel ar balafenned a ganont, hag intret, evel e zanevelloù, gant ur meizadur du ha dic’hoanag eus ar bed…
Bezhinerien en enezeier Fañch Elégoët Eñvorennoù 21 x 29,7 cm - 117 p. - 6,50 euro
Gwechall an neb n’en devoa ket a zouar a-walc’h evit gellout bevañ a ranke mont da vevel pe da zevezhier, da labourat douar evit ar re all. En Arvor e c’helle ivez mont da besketa pe da vezhina. Bezhina war aodoù an douar bras pe mont d’an enezennoù. F. Elégoët en deus klasket gouzout ar pezh a oa buhez bezhinerien an enezeier o tastum komzoù Maryvonne Appriou ha Job F. o-daou a Lilia-Plougerne.
Breizh ha pobloù Europa, pennadoù en enor da bPer Denez pennadoù dastumet gant Herve ar Bihan Studiadennoù 14,8 x 21 cm - 738 p. - 20 euro ISBN 2-910699-31-5
Un nebeud bloavezhioù zo ez ae war e leve ar c’helenner Per Denez, unan eus ar re o devo labouret ar muiañ, er c’hantved-mañ, evit mad ar brezhoneg. Kelenner eo bet e Skol-Veur Roazhon 2, met bez’ ez eo skrivagner, yezhoniour, pedagogour ivez. Sed e kavor en torkad-mañ 51 pennad a-zivout an tachennoù bet pleustret gantañ ha skridoù all a-berzh klaskerien all, eus Anders Ahlqvist da Rita Williams, deuet eus un tammig a bep lec’h war an douar. Ur prenestr digor war ar bed eo an dibab skridoù-mañ eta, dres evel m’eo bet buhez Per Denez.
Brezhoneg… Buan hag Aes - Bretonisch… Schnell und Mühelos Per Denez & Gerard Cornillet Deskiñ 14,8 x 21 cm - 256 p. - 12 euro ISBN 2-910699-46-3
Troet eo bet en alamaneg gant Gerard Cornillet kelenner war an alamaneg ha doktor war ar studioù keltiek. Karget a gentelioù brezhoneg e Skol-Veur Paris VIII hag en École Pratique des Hautes-Études eo bet kent distreiñ da Vreizh. Unan eus kenskridaozerien Geriadur Brezhoneg an Here, prezidant Skol Ober ha kenlabourer d’ar gelaouenn ArMen, en deus savet ivez meur a bennad diwar-benn ar yezh hag al lennegezh vrezhonek. Troer eo bet evit tiez embann ken e Breizh hag e broioù estren evel en Alamagn ma labouras gant an ti embann Bertelsmann. Savet eo bet gantañ ar geriadur divyezhek alamaneg-brezhoneg deuet er-maez gant Mouladurioù Hor Yezh.
Brezhoneg… Buan hag Aes - El Bretó… Rapid I Fàcil Per Denez & Immaculada Fàbregas i Alegret Deskiñ 14,8 x 21 cm - 256 p. - 12 euro ISBN 2-910699-46-3
Troidigezh e katalaneg. Gant Immaculada Fàbregas i Alegret eo bet kaset al labour-mañ da benn. Doktor eo-hi e Yezhoniezh Katalaneg ha Kelennerez e Skol-Veur Kreisteiz Breizh. Un droidigezh aketus zo bet graet evit lakaat an displegadennoù da glotañ gant ereadurezh ar c’hatalaneg.
Brezhoneg… Buan hag Aes en esperanteg - La Bretona Lingvo… Rapide kaj facile Per Denez & Merwen Runpaot Deskiñ 14,8 x 21 cm - 256 p. - 12 euro ISBN 2-910699-22-6
Gant Merwen Runpaot eo bet troet al levr en esperanteg. Ur prof a-zoare d’an esperantegourien arallvro.
Brezhoneg Lechiagad - Geriaoueg André Sinou Geriadur 14,8 x 21 cm - 140 p. - 7 euro
Gant al levr-mañ e kinnigomp eil lodenn labour Andrev Sinou diwar-benn brezhoneg Lechiagad. Amañ e kavor gerioù pe troiennoù bet dastumet gantañ e Lechiagad ivez. Siwazh dimp e oa deuet an Ankoù da falc’hat anezhañ re abred a-raok m’en defe amzer da beurechuiñ e labour. Daoust da gement-se e vo talvoudus al labour-mañ koulz d’ar furcher, koulz d’ar studier.
Buhez hag oberoù Erwan Vertou-Kaledvoulc’h Thierry Châtel Eñvorennoù 14,8 x 21 cm - 184 p. - 10 euro ISBN 2-910699-20-X
Bet eo Berthou ur skrivagner prizet e deroù an xxvet kantved, drouiz-meur ar Gorsez, marv er brasañ dienez. Thierry Châtel, savet gantañ un dezenn diwar e benn, a gont istor e vuhez hag a embann un dibab eus e varzhonegoù.
C’hoariva troet Roparz Hemon C'hoariva 14,8 x 21 cm - 200 p. - diviet
Pemp pezh-c’hoari gant skrivagnerien disheñvel: Aleksandr Blok, Miguel de Cervantes, Christopher Marlowe, Euripides ha William Shakespeare. Klokaat a ra al levr-mañ niverennoù Skrid a voulc’he labour embann ar pezhioù-c’hoari troet gant Roparz Hemon.
Canu Llywarch – Barzhoniezh Lewarc’h Hen Klerg & Ifor Williams Lennegezh kozh 14,8 x 21 cm - 136 p. - 12 euro ISBN 2-910699-44-7
E-touez ar skridoù predenek koshañ ez eo moarvat Canu Llywarch Hen – Barzhoniezh Lewarc’h Hen an tostañ dimp abalamour d’an trivliadennoù denel eztaolet ennañ. N’eo ket souezhus eta en dije Klerg (1912-1984), brezhoneger eus an dibab, pledet abred gant troidigezh tonkad Llywarch Hen. Lakaet en deus enni e holl ampartiz ha gras dezhañ e c’hellomp adpiaouiñ ul lodenn eus hon hêrezh lennegel. Gant Ifor Williams (1881-1965), unan eus brasañ gouizeien gembraek an ugentvet kantved, eo bet embannet ha studiet ar skridoù koshañ liammet gant henlennegezh Kembre. Skrid orin Canu Llywarch Hen diazezet gant Ifor Williams zo embannet el levr-mañ gant aotre hegarat e hêred.
Charlez Rolland eus Gwerliskin Per Salaun Studiadennoù 21 x 29,7 cm - 84 p. - 5 euro - stumm luc’heilet
E dibenn an xixvet hag e deroù an XXvet kantved e oa bet kalz a varzhed e Breizh. Lod zo bet anavezet-kaer ha re all tost dianav. Marteze ez oc’h evel Per Salaun, a-raok dezhañ sevel ar studiadenn-mañ, ha ne anavezit ket Charlez Rolland? Koulskoude e oa brudet a-walc’h ar barzh en e amzer e trowardroioù Gwerliskin. Al labour a dalvezo deoc’h d’ober anaoudegezh gant ar barzh hag an den souezhus eo bet.
Contes traditionnels de Bretagne F.M. Luzel Kontadennoù - E galleg Levr 2: 14,8 x 21 cm - 220 p. - 16 euro ISBN 2-910699-00-5 Levr 5: 14,8 x 21 cm - 219 p. - 16 euro ISBN 2-910699-06-4
Un embann a-stroll zo bet graet gant tri zi-embann eus Breizh: An Here, Hor Yezh ha Mouladurioù Hor Yezh. C’hwec’h levrenn zo en holl. An holl gontadennoù a oa bet prientet gant Fañch an Uhel e galleg a gavor en dastumad-mañ da lavaret eo ouzhpenn kant kontadenn. Peadra d’ober anaoudegezh gant spered pobl Breizh, gant danevelloù ma vez klevet c’hoazh frond troioù-kaer an harozed a-wechall. El levrenn gentañ e c’hello al lenner kavout ur rakskrid – savet gant Per Denez – diwar-benn buhez an dastumer, kement ha diwar hini an eilskriver a oa eus Joseph Ollivier rak heptañ ne vije ket bet aes adkavout an holl skridoù-se. Evit golo pep levrenn he deus savet Dodik ur skeudenn diembann.
Danevelloù iwerzhonek Roparz Hemon Lennegezh kozh 14,8 x 21 cm - 110 p. - 7 euro
Setu ul lodenn eus lennegezh hon hendadoù, ar Gelted. Deuit da zizoleiñ troioù-kaer Diarmuid, Mab Conglin, Connla... kement a anvioù brudet en Iwerzhon. Un dudi evit an holl re a vez plijet gant ar c’hontadennoù hag an danevelloù meur burzhudus.
Danevelloù kozh danvez Breizh Roparz Hemon Danevelloù 14,8 x 21 cm - 164 p. - diviet ISBN 2-910699-03-X
Er grennamzer ez eo bet levezonet kalz arzourien Europa gant lennegezh Breizh, kement hag en amzer ar romantelezh. Siwazh n’hon eus evel testeni eus an amzer-se nemet skridoù e yezhoù all. Setu perak e tivizas Roparz Hemon reiñ un nebeud skridoù gant skrivagnerien a-ziforc’h evel Thomas Mallory, Marie de France pe Geoffrey Chaucer. Setu peadra da dizhout ene Breizh hag ar Vretoned en ur yezh eeun.
Dihunamb Daniel Carré Studiadenn 21 x 29,7 cm - 302 p. - diviet
Istitl: studiadenn war an niverennoù embannet etre 1905 ha 1914 (div levrenn) Ur pezh mell labour eo en deus graet Daniel Carré. Kinniget e oa bet gantañ evel kounskrid mestroniezh e Skol-Veur Roazhon 2 e 1985. Ur studiadenn skouer eo evit a sell ouzh digejañ, dielfennañ ha kinnig danvez ur gelaouenn. Ouzhpenn displegañ d’al lenner petra a oa Dihunamb e ro dimp ur roll eus ar pennadoù bet embannet enni. Gant-se ez eo talvoudek ken d’al lenner ranell ken d’ar studier war ar yezh pe al lennegezh.
Doare tieien e Tregourez diwar ar paper timbr Per Salaun Studiadenn 21 x 29,7 cm - 75 p. - diviet
Penaos e veve an dud gwechall? Alies e vez kontet o buhez gant an dud hag un testeni a-ziabarzh eo. Ur sell a-ziavaez e kinnig Per Salaun dimp amañ. Diwar ar paper timbr en deus studiet gizioù an dud a-wechall. Kêr Dregourez hag he zrowardroioù eo bevenn e labour. Un alberz mat eo avat eus an doareoù bevañ etre ar XVIIvet hag an XVIIIvet kantved. Freuz ha reuz a voe e Breizh ivez abalamour dezhañ... Gant dielloù, kartennoù ha taolennoù.
E bro ar richer c’hlas Francisco Cândido Xavier, tr. Goulven Jacq Eñvorennoù 21 x 29,7 cm - 178 p. - 5 euro
Francisco Cândido Xavier zo ur mediom brazilian brudet. Kinnig a ra dimp amañ ur sell war ar bed all gras da genlabour Andre Luiz. Hennezh eo en deus kantreet e bed iskis Nosso Lar (Hon Oaled). Heñvel a-walc’h ouzh ur vuhez all eo ar gantreadenn-se…
E gwinieg an Tad Goulven Jacq Eñvorennoù 21 x 29,7 cm - 105 p. - 3 euro
Ur vuhez ispisial en deus renet Goulven Jacq. Beajer ma’z eus bet unan. N’eas ket evit dizoleiñ ar bed, nag evit kejañ gant tud a bep seurt, nann. Klask a reas war-lerc’h ar Graal, e c’hraal, a-benn kavout ar peoc’h hag ar goanag.
Edgar Poe tr. Per Denez Danevelloù 14,8 x 21 cm - 116 p. - 11 euro ISBN 2-910699-03-X
Brezhoneg gant Per Denez. Heñvel ouzh e vuhez verr – ne oa ket daou-ugent vloaz pa’z eo marv (1811? – 1849) – ez eo danevelloù Edgar Allan Poe: dibaouez war vrañsigell etre furnez hag alkool, etre preder ha follentez. Ur seurt all a skridoù a zo diwar e zorn; istorioù furcherezh hag a ra eus ar skrivagner amerikan, gouez da dud zo, tad ar romantoù-polis. N’eo ket d’an istorioù-se avat eo douget Per Denez: an danevelloù krisañ, follañ ha duañ en deus dibabet treiñ, ken du hag ar c’hazh du a gaso e berc’henn d’ar groug, ken du ha Bran ar varzhoniezh o koagal he “Biken ken!”. Gant Edgar Poe e vez atav ur fin du da bep tra. – Meur a vrezhoneger, moarvat, a gavo spont ha dudi ouzh e lenn.
Eléments de la grammaire bretonne abad J. Hingant Yezh - Yezhadur 14,6 x 20,8 cm - 217 p. - diviet
Adembannadur yezhadur an aotrou J. Hingant bet embannet evit ar wech kentañ e 1868. Savet evit ar c’hallegerien. Ul levr dudius evit kement studier war ar yezh.
Emgann Alre F.M. Klec'h Studiadennoù diviet
En Basse-Bretagne F.M. Luzel Kontadennoù - E galleg 14,8 x 21 cm - 152 p. - diviet ISBN 2-910699-17-X
Istor unan eus e droiadoù furcherezh gant Fañch an Uhel – tennet eus “Revue de Bretagne et de Vendée”.
Eñvorennoù ur... Barzhig Ernest ar Barzhig Eñvorennoù diviet
Eñvorioù ur C’haper droch Eujen Chalm Eñvorennoù 21 x 29,7 cm - 211 p. - 8 euro
Dizoleiñ a reor gant al levr-mañ kentañ skrid Eujen Chalm. Kentañ skrid hag eñvorennoù kentañ. Ouzhpenn un testeni a vo kavet amañ rak kalz a draoù bet kontet dezhañ en deus silet Eujen Chalm. Talvoudek eo ivez evit al luc’hskeudennoù a vez kavet a-leizh a-hed al levr.
Er Fouilhez gwechall Ivonig Pikard Barzhonegoù 14,8 x 21 cm - 118 p. - 6 euro
E 1859 eo bet ganet Ivonig Pikard er Fouilhez. Ur barrez bras a-walc’h e oa d’ar c’houlz-se. Ar Fouilhez, e diegezh hag e vuhez a gont an oberour dimp e stumm barzhonegoù. N’eo ket holl oberennoù Pikard a vez kinniget el levr-mañ. Gant Gwendal Denez, kelenner e Skol-Veur Breizh-Uhel Roazhon 2 eo bet graet an dibab. Ur rakskrid dudius zo bet savet gantañ da c’houzout hiroc’h diwar an amzer-se ha diwar ar skrivagner e-unan.
Eus an tu all Y.-F. Jacq Danevell 14,8 x 21 cm - 62 p. - 3 euro
Ur pezh ugent lur a gont dimp e vuhez en ur vont a c'hodell da c'hodell, en ur sellet ouzh an amzer o tremen, en ur selaou komzoù tud paour pe baouroc'h. Un istor souezhus en ur yezh pobl. Danevell gentañ un den zo brudet bremañ e bed ar skrivañ.
Evned Breizh Claude Péridy A bep seurt 14,8 x 21 cm - 139 p. - 5 euro ISBN 2-910699-08-0
Ul levrig gant skeudennoù liv gant ar pep retañ da c’houzout diwar-benn evned hor bro.
Furnez ha Faltazi Roparz Hemon Brezhoneg aes 14,8 x 21 cm - 128 p. - 8 euro ISBN 2-910699-26-9
Skridoù eeun ha berr a-walc’h eo a ginnigomp amañ d’al lenner. Tennet int bet eus div gelaouenn Gwalarn hag Ar Bed Keltiek. El lodenn a denn d’ar furnez e kavor danvez da brederiañ war hon emzalc’h, war ar yezh... ha goude ez eus peadra da gaout dudi gant al lodenn faltazi, anezhi kontadennoù troet pe savet gant R. Hemon. Embannet eo bet al levr-mañ da geñver ungentvet deiz-ha-bloaz marv Roparz Hemon.
Geriadur bihan ar Sonerezh, Vocabulaire musical breton-français Perig Herbert & Jil Ewan Geriadur 14,8 x 21 cm - 158 p. - 7 euro
Dibabet o deus Perig Herbert ha Jil Ewan plediñ gant un danvez tost ouzh o c’halon: ar sonouriezh. Gwelloc’h c’hoazh: ar sonouriezh an hini eo a zo bet micher Perig Herbert, war un dro sonaozour ha rener an obererezhioù-sonerezh e Vitry-sur-Seine ha pennrener ar Skol-sonerezh en hevelep kêr abaoe 1985. Aliet da gement hini a zo tomm e galon ouzh ar sonerezh hag ouzh ar yezh.
Geriadur Harinquin (1699) Gwennole ar Menn Geriadur - E galleg 21 x 29,7 cm - 81 p. - 4 euro - faksimile
E geriadur Le Pelletier eo e vez graet anv eus geriadur Harinquin. Alies e veze meneget geriadur Harinquin e hini Le Pelletier. Setu perak e reas e soñj Gwennole ar Menn sevel roll ar gerioù tennet anezhañ ha sevel un dielfennadur diwar o fenn.
Geriadurig an troioù-lavar poblel Roparz Hemon Yezh 14,8 x 21 cm - 142 p. - diviet
Pa venner deskiñ ha komz mat ur yezh n’eo ket gant ar gerioù o-unan e vez ar muiañ a vec’h, gant an troioù-lavar ne lavaran ket. Kinniget e vez amañ 142 bajennad troioù-lavar dastumet e skridoù skrivagnerien-pobl a bep seurt eus Breizh a-bezh. Ul levr talvoudus evit an holl, deskard pe get war ar yezh.
Geriaoueg ha Notennoù-Yezh Yeun ar Gow Geriadur 14,8 x 21 cm - 152 p. - 11,50 euro ISBN 2-910699-43-9
Brudet eo Yeun ar Gow (1897-1966) evit brezhoneg pinvidik e oberennoù. Gant al levr-mañ e kinniger e holl notennoù-yezh bet embannet e meur a gelaouenn disheñvel adalek ar bloavezhioù 30. Pinvidikaet eo bet al labour-se gant gerioù ha troiennoù bet pennaouet e meur a oberenn savet gantañ. Yeun ar Gow a ro dimp, evel-se ur sell war ar yezh etre brezhoneg saourus ar pemdez e Kernev ha brezhoneg al lenneien oc’h arveriñ gerioù kozh ha dispredet, met talvoudus koulskoude. Ar furcher koulz hag an deskard a raio o mad eus al labour prizius-mañ.
Geriaoueg Sant-Ivi Alan Heusaff PRIZ LANGLEIZ 1993 Geriadur 14,8 x 21 cm - 330 p. - 15 euro ISBN 2-910699-04-8
Unan eus geriadurioù lec’hel ar gwellañ eo an oberenn-mañ. N’eus ket fellet da Alan Heussaff reiñ rolloù-gerioù “diaes”, evel ma veze lavaret gwechall, pe “nebeut anavezet”, pe troioù-lavar souezhus ha dic’hortoz: ur c’heriaoueg eus ar re glokañ ma’z eus tu d’ober eus yezh Sant-Ivi e ro dimp en he 330 pajennad.
Grand dictionnaire Français / Breton du dialecte de Vannes G.-L. Guilloux Geriadur Levr 1 (A-E): 21 x 29,7 cm - 102 p. - 7 euro - faksimile Levr 2 (F-O): 21 x 29,7 cm - 94 p. - 7 euro - faksimile Levr 3 (P-Z): 21 x 29,7 cm - 84 p. - 7 euro - faksimile
Dastumad gerioù brezhonek eo an istitl zo bet roet d’al labour-mañ gant an oberour e-unan. Dastumet int bet e meur a c’heriadur evel re Guillevic & ar Gov, E. Ernault, F. Vallée. War ar gelaouenn Dihunamb ez eo bet diazezet ivez. N’en deus ket G.L. Guilloux ankounac’het lakaat gerioù bet klevet pe implijet gantañ hag e-touez e dud hag e vignoned. Ul labour a-dalvoudegezh.
Gwerin 8, 9 ha 10 (dornskr. 92, 93 ha 94), dastumad Pengwern Gwerzioù Levr 8: diviet Levr 9: 14,8 x 21cm - 196 p. - 8 euro ISBN 2-910699-25-0 Levr 10: 14,8 x 21 cm - 327 p. - 10 euro ISBN 2-910699-30-7
Kendalc’h dastumad gwerzioù-pobl Pengwern.
Gwrez an Trovanoù Roparzh Broudig Eñvorennoù 14,8 x 21 cm - 144 p. - 6 euro
Ur pesketaer a oa eus Roparzh Broudig, ur pesketaer hag ur skrivagner. E 1942 hag e 1956 ez eas gantañ eil priz lennegel Breizh evit ur romant diwar e vuhez hag evit e holl varzhonegoù. “Gwrez an Trovanoù” a voe embannet un tammig a-raok dezhañ mervel (1991). Istor ur veaj eo, hini Yann Vadeg aet nevez oa da vestr-pesketaer. Heuilhit e troioù-kaer betek aodoù Afrika. Ur romant etre faltazi hag eñvorennoù.
Heol an ed-du Aline Gleoneg Studiadennoù diviet
Histoire d'un interdit: le breton à l'école Claude an Du Studiadenn diviet
Hor bara pamdiek G.-L. Guilloux Eñvorennoù 21 x 29,7 cm - 270 p. - 7 euro - faksimile
Dizoloit amañ buhez G.-L. Guilloux ha buhez ur barrez a Vro-Wened, Melrant, e deroù an ugentvet kantved. Savet eo bet ar skrid-se e gwenedeg klasel. Un testeni a–bouez ivez evit kompren buhez hon tadoù pe hon tadoù-kozh.
Istor ar yezhoù keltiek Arzel Even Yezh Levr 1: 15,8 x 23,5 cm - 210 p. - 15 euro Levr 2: 15,8 x 23,5 cm - 195 p. - 15 euro
En oberenn-mañ e kavor ar pezh a zo da c’houzout diwar-benn istor ar brezhoneg hag ar yezhoù keltiek all, o c’herentiezh etrezo ha gant ar yezhoù all, hag o doareoù pennañ da bep maread eus o istor. Ul labour hep e bar. Talvoudus e vo d’an holl vrezhonegerien a fell dezho peurstudiañ o yezh ha kregiñ gant studi ar yezhoù keltiek all. Dielloù ha kartennoù niverus.
Jedoniezh ha mentoniezh, eilvet klas Yann-Eozen Jarl Yezh 21 x 29,7 cm - 54 p. - 3 euro
E Politeknik en deus Yann-Eozen Jarl graet e studioù. Lodenn gentañ e labour war ar jedoniezh (evit an eilvet klas) a oa bet embannet er gelaouenn Hor Yezh en niverenn 158. Goude bezañ gwelet enni an danvez studi hag ar c’heriaoueg e teuer gant al levr-mañ d’al labour pleustrek.
Joseph Rousse, poète breton Jakeza Le Lay Eñvorennoù - E galleg 14,8 x 21 cm - 7 euro ISBN 2-910699-09-9
Ur barzh eus Bro-Naoned e oa Joseph Rousse (1838-1909). Kalz en deus labouret en e vro evit adc’hanidigezh Breizh. Kinniget e vez dimp e vuhez hag e oberennoù gant Jakeza Le Lay diwar he c’hounskrid mestroniezh. Levr e galleg.
Kamp etrekeltiek ar vrezhonegerien (ar bloavezhioù kentañ: 1948-1957) Anna ar Beg Studiadennoù 21 x 29,7 cm - 227 p. - 6 euro
Kalz tud o deus klevet kaoz eus ar c’hamp-se a vez dalc’het bep bloaz e miz Gouhere abaoe 1948 hag en deus stummet kement a vrezhonegerien. Ur c’hounskrid mestroniezh eo ar studiadenn-mañ. Talvoudek eo da gentañ abalamour d’an dielfennañ a ziskouez petore labour a veze graet gant izili ar gevredigezh-se, ha da eil abalamour d’an dielloù niverus a vez kavet ennañ: luc’hskeudennoù, lizheroù, pennadoù kelaouennoù.
Kanaouennoù adal Tarzh-an-deiz betek Kuzh-heol Manuel María, tr. Yann Jaouen Kanaouennoù 14,8 x 21 cm - 63 p. - 5,50 euro
Unan eus barzhed vrasañ Galiza ez eo Manuel María, savet e oberenn gantañ e galizeg. Ne vezor ket souezhet e vefe bet heskinet Manuel María gant ar galloud spagnol dindan Franco, ken e veze rediet da embann e skridoù e Bro-Bortugal. D’ar mare-se an hini eo e voe embannet e “Eurioù” gant P. J. Oswald e Pariz, galizeg ha galleg, hag e teuas da vezañ anavezet e Breizh. Gant aotre P. J. Oswald e reas Yann Jaouen un droidigezh eus e varzhonegoù e brezhoneg. Nebeut war-lerc’h e varve Yann Jaouen (1950-1973) e Bilbao skoet gant ar c’hleñved. Graet eo an embannadur-mañ e doujañs d’ar stourmer Manuel María hag en eñvor hor c’henvroad Yann Jaouen.
Kendalc'h Keltiek Etrevroadel Studiadennoù 21 x 29,7 cm - 143 p. - 4 euro
Bras eo bet pouez ar C’hendalc’h Keltiek Etrevroadel en istor an darempredoù etrekeltiek. Talvoudus-kaer eo kejañ ouzh hor c’hendirvi ha keniterved tramor, evit divizout gante eus an diaesterioù a sav e pep bro geltiek da lakaat ar sevenadur, ar yezh hag an ekonomiezh d’ober berzh. En div levrenn-mañ e kavot ar prezegennoù a oa bet graet ha dielloù (luc’hskeudennoù, pennadoù kelaouennoù…) a-leizh diwar-benn Kendalc’h Keltiek 1981 a reas berzh-bras e Lannuon.
Komprenit an esperanteg Merwen Runpaot Yezh 16,5 x 24,5 cm - 198 p. - 7 euro
Muioc’h eget ur yezhadur eo al levr-mañ, ur benveg da vont don e anaoudegezh ar yezh etrebroadel-se eo.
Kontadennoù a Vro-Skos Roparz Hemon Lennegezh kozh - Brezhoneg eeun 14,8 x 21 cm - 114 p. - 9 euro ISBN 2-910699-07-2
Dastumet eo bet ar c’hontadennoù-mañ e Bro-Skos e dibenn an naontekvet kantved. Kavet e vo meur a dra heñvel ouzh kontadennoù Iwerzhon pe Breizh. Grit anaoudegezh gant Finn pe gant ar Paotr e zilhad kroc’hen ha gant o zroioù-kaer ha burzhudus. E brezhoneg eeun.
Koutaisi Rezo Gabriadze, tr. Anna Mouradova Danevelloù 14,8 x 21 cm - 80 p. - 3 euro
Testennoù gant Rezo Gabriadze, eus Bro-Jorjia – lakaet e brezhoneg gant Anna Mouradova. Un digarez da zizoleiñ ul lennegezh nebeut anavezet.
Kroaz ar Vretoned Gérard Cornillet Studiadennoù 21 x 29,7 cm - 170 p. - 8 euro
Kalz e vez klevet diwar-benn ar stourmoù evit ar brezhoneg a-hed an ugentvet kantved. Mar bez komzet kalz eus roll Gwalarn e vez dianavezetoc’h pouez ha stourmoù kelaouennoù all evel Kroaz ar Vretoned, a oa ur gelaouenn sizhuniek a stourme evit ar yezh (1898-1920). Setu pal ar studiadenn-mañ: ober anaoudegezh gant ar re zo bet e penn ar gelaouenn, hag ar re o deus kemeret perzh enni; klask gouzout peseurt pouez he deus bet er stourm evit ar brezhoneg ha peseurt yezh a felle dezhi ober ganti.
L’instruction du peuple breton par le breton, et l’œuvre de Gwalarn Dielloù - E galleg 13,8 x 20 cm - 29 p. - diviet
Advoulladur eus un diell talvoudus evit kompren labour Gwalarn.
La vie de Saint-Cunual / Buhez Konwal Anne Certenais Dastumad sent kozh 14,8 x 21 cm - 69 p. - 6 euro ISBN 2-910699-32-3
Troet e oa bet an destenn e galleg diwar al latin gant Anne Certenais e 1993 evit he c’hounskrid mestroniezh. Betek neuze e oa manet dianav an destenn-se. Koulskoude e tegas ar skrid bev-buhezek-se sklêrijenn war kevredigezh ha kredennoù Bro-Dreger e-kerzh ar grennamzer uhel.
La vie de Saint-Gonéri / Buhez Koneri Bernard Merdrignac, tr. Cécile Méchain-Gilbert & Herve ar Bihan Dastumad sent kozh 14,8 x 21 cm - 51 p. - 6 euro ISBN 2-910699-35-8
Buhez ar sant a gaver enoret dreist-holl e Bro-Dreger hag e Bro-Wened.
La vie de Saint-Méen / Buhez Mewen Christophe Poulain Dastumad sent kozh diviet
Le breton de Léchiagat - Phonologie André Sinou Geriadur - E galleg 14,8 x 21 cm - 101 p. - 7 euro ISBN 2-910699-34-X
Studier da Jean Gagnepain ha da Ber Denez, daou yezhoniour eus Skol-Veur Breizh-Uhel, e oa bet Andrev Sinou ha lakaet en doa en e soñj studiañ don brezhoneg e vro orin, hini Lechiagad er vro Vigoudenn. E labour embannet amañ en doa sachet evezh enklaskerien brudet evel W. Dressler ha J. Hufgard a zisklêrie: “Nous exprimons le vœu que cette étude importante soit publiée”.
Le breton de Malguenac - Quelques aspects Erwan Le Pipec Geriadur - E galleg 14,8 x 21 cm - 125 p. - 8 euro ISBN 2-910699-40-4
Ul labour mestroniezh e oa al levr-mañ e penn-kentañ. Kaset e oa bet da benn gant Erwan Pipeg e Skol-Veur Roazhon 2 – Breizh-Uhel e 1998. Kinnig a ra dimp amañ e rannyezh, brezhoneg Malgeneg. El labour pizh-mañ ez a d’ar soniaduriezh ha d’ar pouez-mouezh en ur studiañ ar c’heñver etre yezh komzet ha yezh skrivet. Lakaet en deus kartennoù a-leizh da skeudennaouiñ ha da aesaat e zisplegadennoù.
Le vannetais unifié Roperzh ar Mason Yezh - E galleg 14,8 x 21 cm - 23 p. - diviet
Ul levrig a ro un nebeud reolennoù da heuliañ evit skrivañ ar gwenedeg hervez ar reizhskrivadur peurunvan. Kavet e vo ennañ: distagadur gwenedek ar peurunvan, ar stummoù unvan da implij e gwenedeg hag ar stummoù rannyezhel da zegemer er varzhoniezh. Savet eo bet gant unan eus gwellañ skrivagnerien Bro-Wened.
Lec'hioù mojennel Breizh Gwennaelle Fleur A bep seurt 14,8 x 21 cm - 110 p. - 5 euro ISBN 2-910699-12-9
Ul levrig dudius gant skeudennoù liv diwar-benn lec’hioù brudet Breizh, eus Kador an Drouized da Doull an Diaoul, peadra da gaout un tañva eus hor mojennoù ha da gantreal dre ar vro e-pad ar vakañsoù. Chomlec’hioù letioù ha pretioù mat a gavor ivez.
Les contes de Luzel Joseph Ollivier Kontadennoù - E galleg 14,8 x 21 cm - 292 p. - 12 euro ISBN 2-910699-11-0
Embannet eo bet amañ renabl dielfennet kontadennoù dastumet gant Fañch an Uhel. Al labour-mañ a oa bet kaset da benn gant Joseph Ollivier (1878-1946). Kavout a reor ivez ur buhezskrid berr diwar Joseph Ollivier, hag evel goudeskrid un vurutelladenn bizh diwar al levr “Contes Bretons” bet embannet gant Presses Universitaires de Rennes ha Terre de Brume – o-daou savet gant Per Denez. Soñjezonoù un arbennigour war ar yezh hag al lennegezh vrezhonek a zegas sklêrijenn war buhez hag oberenn F. an Uhel.
Marc’heger ar Gergoad Yeun ar Gow Danevelloù 13,5 x 21,2 cm - 78 p. - 8 euro ISBN 2-910699-01-7
Danevellet eo el levr-mañ troioù-kaer ur marc’heger iskis hag an holl draoù burzhudus a zleo ober en anv al le fealded touet gant e dad d’ar roue. Ur gontadenn en ur yezh flour, reizh ha pinvidik, ma reer anaoudegezh gant Merzhin.
Marvailhoù ar Vengleuz Dik Trevan, tr. Fañch Elies Danevelloù 14,8 x 21 cm - 164 p. - 10 euro
Abeozen. Buhez tenn ar vengleuzerien e Kembre a vez kontet amañ e stumm danevelloù. Ur vuhez kriz ken na oa kriz en digenvez hag an dorzhellegezh a ginnigent tapout bemdez-c’houloù. Un dra zo memes tra e-kreiz ar bed teñval-se hag a servije dezhe da c’houloù: an deskadurezh hag an doujañs a vagent ouzh ar varzhed hag ar brezegourien.
Marvailhoù Bro-Leon Gab Milin Kontadennoù 14,8 x 21 cm - 204 p. - 12 euro ISBN 2-910699-39-0
Gant al levrenn gentañ-mañ e kinniger kontadennoù pobl bet dastumet gant Gab Milin e Bro-Leon, en naontekvet kantved. Lod a oa bet embannet e kelaouennoù pe levrioù strewet a-gleiz hag a-zehou, lod all a oa manet diembann a-grenn. Heuliet e vo an embannadur-mañ gant un eil levrenn.
Mélanie, ur vuhe e Groay Berc'hed Corne Eñvorennoù 21 x 29,7 cm - 116 p. - diviet
Amañ e kavor komzoù bet dastumet, studiet ha kinniget evel labour mestroniezh gant Berc'hed Corne dindan renerezh Per Denez e 1983-1984. Doubl eo talvoudegezh al labour-mañ, da gentañ evit pezh a sell ouzh studi ar yezh ha da eil evit an testeni eus buhez an enez.
Nerto Frédéric Mistral, tr. R. Pradig Barzhonegoù 21 x 29,7 cm - 146 p. - 5,50 euro
E Provañs, en Maillane ent-resis, ez eo bet ganet Frédéric Mistral e 1830. Kar e yezh, ar provañseg, e sav gant ur mignon dezhañ, Romanille, ar Felibrige: un emsav lennegel da ziwall yezh, sevenadur ha spered Provañs. E 1904 ez eas gant Priz Nobel al lennegezh. E 1886 e savas Lou Tresor dôu Felibrige, ur geriadur provañseg-galleg. Unan eus e oberennoù brudetañ eo Nerto: barzhonegoù Avignon awenet gant ur vojenn eus ar grennamzer.
Oberoù an aotrou Gall Studiadennoù diviet
Pa ne varver ket en aner... Per Denez Danevelloù 14,8 x 21cm - 184 p. - 12 euro ISBN 2-910699-24-2
Petra gwelloc’h eget an troidigezhioù evit kaout un tañva eus ar pezh a vez pe a veze savet er broioù all? Ha setu ar pezh a vez kinniget dimp gant Per Denez er pajennoù-se. Danevelloù a gavor gant pluennoù anavezet pe anavezetoc’h. C’hwec’h skrivagner zo en holl: Pelle Molin, James Joyce, Nikolai Schedrin, Tibor Dery, Manuel de Pedrolo, Honoré de Balzac, Theodor Storm. Istorioù karantez int dreist-holl, karantez don ha luziet alies. Un drivliadenn etre bac’h ha frankiz hag a ra d’an Den bevañ ha mervel...
Plouganoù va Bro François Prigent Eñvorennoù diviet
Revue de Bretagne et de Vendée Elisabeth Coin Studiadennoù 14,8 x 21 cm - 374 p. - 10 euro
Da studiañ ur gelaouenn peuzdianav hiziv an deiz, met brudet-mat en hec’h amzer, eo aet Elisabeth Coin. Talvezout a rae ar boan plediñ ganti eme an aozourez rak “Ul levezon divent o deus bet Kervarker ha La Borderie en o amzer, o klask lakaat istor ha sevenadur ur vro disprizet betek-hen da dalvezout”. Ul labour talvoudus evit kompren mat istor Breizh hag istor an emsav sevenadurel er vro.
Santez Dahud Roparz Hemon Danevell 14,8 x 21 cm - 75 p. - 7 euro ISBN 2-910699-29-3
Brudet-bras eo istor Kêr-Iz. An Diaoul, Dahud, ar briñsez fall taolet er mor gant he zad. Trec’het eo bet ar garantez. Un istor disheñvel a-grenn a gont Roparz Hemon: deuet eo Dahud da vezañ Santez. Gant dudi e vo lennet an danevell, ken evit kaerder an istor hag evit braventez ar yezh. Danièle Jego he deus skeudennaouet buhez ha marv “Santez Dahud”.
Skridoù (eñvorennoù ha barzhonegoù) Yeun ar Gow Eñvorennoù 14,8 x 21 cm - 163 p. - 10 euro ISBN 2-910699-42-0
Gant ar Skridoù-mañ e c’hello al lenner ober anaoudegezh gant Eñvorennoù oad gour ar skrivagner: penaos e voe bevet ar Brezel-Bed kentañ gant tud e vro c’henidik – Pleiben ha tro-war-dro –, ha gantañ e-unan pa oa-eñ troet dija gant e yezh hag e vro; an etre daou vrezel ma reas anaoudegezh gant an Emsav ha ma labouras evit ar yezh gant Breuriezh ar brezhoneg er skolioù; ha bloavezhioù an eil Brezel-Bed ken start evit ar Vretoned. Diembann e oa manet ar braz eus barzhonegoù Yeun ar Gow. Adkavout a reer enno e garantez evit e vro hag e yezh, e breder gant ar feiz hag an Emsav. Gwelout a ray al lenner ez eo liammet e varzhonegoù gant an darvoudoù bet bevet gantañ ha dezrevellet en e Eñvorennoù. Konter, daneveller, troer ha barzh eo bet tro-ha-tro Yeun ar Gow (1897-1966). Anavezet ha brudet eo evit e vrezhoneg pinvidik hag asur, liv yezh Kernev warnañ met graet evit plijadur an holl lennerien.
Skridoù brezhonek dastumet gant Per Denez Danevelloù 14,8 x 21 cm - 101 p. - 3 euro
Un torkad skridoù tennet eus a-bep seurt levrioù diwar bluenn skrivagnerien disheñvel. Ur benveg a–zoare evit ar gelennerien war hol lennegezh a-vremañ, kenkoulz hag evit ar re o deus c’hoant d’ober anaoudegezh ganti.
Sonamb get en Drouzerion Jorj Belz & Fañch Desbordes Kanaouennoù Levr I: 21 x 29,7 cm - 117 p. - 9 euro Levr II: 21 x 29,7 cm - 121 p. - diviet
Jorj Belz ha Fañch Desbordes a ginnig deomp un dastumad kanaouennoù a Vro-Wened e-barzh daou levrenn. A bep seurt a gavor amañ: “sonneu a-boz, de goroll, de gerhet, sonenneu kouh ha sonneu neué, sonenneu berr de zansal”. E gwenedeg klasel ez eo bet skrivet ar pozioù keñver-ha-keñver gant ar skrid e peurunvan. Kavout a reor ivez ar sonerezh skrivet diwar sonenrolladurioù eus an Drouzerion o-unan. Ul labour a-feson hag a-dalvoudegezh evit Yann Ganer.
Steudad an Ankoù Haroutioun Mertchian Eñvorennoù 14,8 x 21 cm - 176 p. - 13 euro ISBN 2-910699-47-1
Un testeni hep e bar. N’eus ket kalz a destenioù eus “diouennadeg” kentañ ar c’hantved kozh, hini an Armenianed er bloaz 1915. N’eo nemet priziusoc’h a se an eñvorennoù-mañ — manet diembann betek-henn — kontet gant unan bet bevet gantañ an harluadeg hag al lazhadeg pa oa krennard… Poanius ha skrijus eo, anat deoc’h, planedenn an holl dud-se kaset d’an dezerzh da vervel pe da vezañ lazhet didruez… Met nerzh ar fent hag a laka ar vuhez da drec’hiñ pep tra a gaver ivez hed-ha-hed ar skrid. Skeudennoù ha kartennoù a gaver ivez da zisplegañ gwelloc’h red an darvoudoù.
Studiadenn war geriaoueg ar jedoniezh Ivon Gag Yezh 21 x 29,7 cm - 113 p. - 4 euro
E gwirionez ez eus ul labour a-stroll eus al labour-se. Estreget Ivon Gag, anezhañ penngaser al labour, ez eus bet ur skipailhad seizh den o reiñ dorn pe empenn dezhañ: kelennerien, ijinourien pe enklaskerien anezhe. Sevel ur studiadenn hollek war ar c’heriaoueg jedoniezhel e oa o fal hag en ur zelc’her kont eus lec’h ar meiziadoù a-ziforc’h en dachenn jedoniezhel en he fezh.
Tad-kozh Roperz Huon Añjela Duval Eñvorennoù 14,8 x 21 cm - 189 p. - 9 euro
Testeni ur vuhez eo, buhez eeun ha reizh tieg Roperz Huon e Tonkedeg. Buhez tad-kozh Añjela hag hini e diad niverus. Gwelout a reomp, a-hed ar pajennoù, tud Roperz Huon o poanial, darn anezhe o rankout divroañ, darn all o tistreiñ a-wechoù, an holl, avat, o vevañ gant o joaioù hag o foanioù, betek mervel ivez…
Taolennoù ar Mision displeget gant an ao. Balanant, beleg Studiadennoù 14,8 x 21 cm - 23 p. - diviet
Soñjet hon eus e plijfe da dud hon amzer gwelout ar pezh a veze roet d’o zadoù-kozh ha d’o mammoù-kozh da lenn war-dro kant vloaz zo. O lenn ar pennad a denn d’ar c’hwec’hvet taolenn e vo komprenet perak ez eus mankoù ken bras en hol lennegezh vrezhonek.
Torfed ar Frer Juniper Herri Gheon, tr. Jakez Riou C'hoariva 14,8 x 21 cm - 27 p. - 3 euro
Ur pezhig-c’hoari evel ur gentel gristen diwar-benn rannañ ar pezh hon eus gant hon nesañ. Brezhoneg gant Jakez Riou.
Ul leanez skrivagnerez: Anna Vezmeur (1823-1909) Aziliz Grall Studiadenn diviet
Un aod… ur galon Frañseza Kervendal PRIZ LANGLEIZ 1989 Eñvorennoù 12,5 x 18 cm - 157 p. - 7 euro
Eñvorennoù fromus pe vurzhudus ur vaouez eus Douarnenez hag a ro dimp da evañ gwad ur Vreizh na c’houlenn ken nemet bevañ. 14 danevell en holl. Talvezet en devoa al levr-mañ da Frañseza Kervendal da dapout Priz Langleiz 1989.
Ur Breizhad skolaer er Mezven (1938-1942) Eujen Chalm Eñvorennoù 14,8 x 21 cm - 140 p. - 10 euro ISBN 2-910699-36-6
E 1938-1942 e oa bet Eujen Chalm skolaer er Mezven. Soudardet e oa bet ivez d’ar memes koulz. Digarez en deus bet evel-se da sevel e eñvorennoù diwar-benn ar mare-se. Priz Roparz Hemon en deus bet Eujen Chalm e 1998.
Ur galedenn a zen Yeun ar Gow Danevell 15 x 22 cm - 29 p. - 3 euro
An holl a oar pegen diaes eo buhez ar sonerien o vont a festoù-noz da euredoù, hag a euredoù da festoù-noz. Evel-se e veze o buhez gwechall da nebeutañ. Ha pa vez devezh gouel e vez diaes nac’hañ ur banne bennak. Dizoloit an dro spontus a zegouezhas gant Matulin ar Bourc’hiz, bombarder, goude un eured. Un danevell aes da lenn gant unan eus hor skrivagnerien vrudetañ.
Valentina a Roc’han Paol Feval Danevelloù 14,8 x 21 cm - 226 p. - 8 euro ISBN 2-910699-13-7
Dont a ra al levr-mañ evel un heuliad hag ur c’hlozadur d’ar Vleizez. Eno e vo danevellet tonkad Valentina, hini he zad barnet d’an harlu, he merc’hig hag e niz argaset o-daou eus o zi gant un tad-kozh aheurtet, hini Josilin Gitan ar c’heneil feal, Sant-Mogon ar pried kerseet hag ar c’hont a Doulouz, dileuriad ar roue gall e Breizh. Intret eo ar romant gant karantez Paol Feval evit Breizh hag ar frankiz…
Vie de Saint bretons et règles de vie monastiques Mélanie Hamon Studiadenn diviet
Yezhadur Istorel ar Brezhoneg Roparz Hemon, tr. Alan Dipode Yezh - Yezhadur 15,5 x 22 cm - 303 p. - 35 euro ISBN 2-910699-37-4
Kinnig a reer troidigezh unan eus labourioù pouezusañ Roparz Hemon evel yezhoniour (titl orin: A Historical Morphology and Syntax of Breton). Disoc’h labour meur a vloaz eo an oberenn-se ha stag eo d’e oberenn veur all: Geriadur Istorel ar Brezhoneg. Bremañ e c’hallo kement den a studi ar yezh kaout e brezhoneg al labour diziouerus-se.
Yezhadur Hingant Yezh - Yezhadur 6 euro