KUZUL AR BREZHONEG katalog mouladurioù hor yezh

KUZUL AR BREZHONEG

KATALOG MOULADURIOÙ HOR YEZH

Yezhoù all

Mizoù-kas:

3 € (1 levr) 5,50 € (3 levr ha +)

3,50 € (2 levr) digoust adalek 100 €

Ma fell deoc'h prenañ levr-mañ-levr, kasit ho chekenn (warni priz al levr(ioù) + ar mizoù-kas), da:

MOULADURIOÙ HOR YEZH
14 Louzaouenn-an-Hañv / rue du Muguet
22300 LANNUON

Ckekenn da lakaat war anv KUZUL AR BREZHONEG

A-greiz kalon ar vro Klerg Eñvorennoù 14,8 x 21 cm – 170 p. – 15 euro ISBN 2-86863-143-6
Pa oa person e Bulien ez embanne Klerg bep sizhun Koulmig ar Gindi, ul lodenn vras anezhi e brezhoneg. Un dibab hon eus graet, skridoù plaen ha pezhioù-c’hoari ; gant plijadur ha dudi e vint lennet : barzhoniezh a zo enno koulz ha mousfent ha preder ha karantez. Klokaet eo bet al levr gant pennadoù talvoudus-tre, tennet eus Barr-Heol, en o zouez dreist-holl un dornad kaer anezho diwar-benn anvioù-lec’h ar vro. Laket eo anat enno gant Klerg e varregezh ken evel arguzenner, ken evel brezhoneger. Ur gentel a-zoare war al lec’hanvadurezh ha war ar skrivañ.
Alanig an Tri Roue Roparz Hemon Romant 7,50 euro
Alc'hwez ar brezhoneg eeun Roparz Hemon Geriadur 15 x 21 cm - 10 euro ISBN 2-86863-126-6
Al lenn Kristian Brisson Romant 14,8 x 20,7 cm – 164 p. - 14 euro ISBN 2-86863-135-5
Aet eo Tristan da Vro Suis da dremen ur prantad amzer. Du-hont, war bord al lenn, e kavo mignoned da bleustriñ gantañ hentoù ar memez. Eno avat, e kejo ivez ouzh Elsbeth, plac'h ar vro, hag ouzh Willi, ur paourkaezh paotr en do truez outañ... Hogen, daoust ha gouest e vo da vevañ dibreder karantez Elsbeth, ha piv eo eta ar Willi-se dezhañ doareoù ken iskis?
Amzifenn gwirion Sokrates Kostas Varnalis Romant 14,8 x 21 cm – 86 p. – 13 euro ISBN 2-86863-138-X
E 1931, daou vil tri c'hant vloaz goude Platon, en doa skrivet Kostas Varnalis "Amzifenn Gwirion Sokrates" e-lec'h ma weler ar prederour meur o vreutaat dirak e varnerien kent bezañ kondaonet d'ar marv gant ar bobl. Disheñvel ton ha pal an daou skrid avat. Gant goap ha droukfent Sokrates e wisk Kostas Varnalis prederioù e amzer hag e vro (Bro Hellaz), re ar galloud hag an demokratelezh. Dre zimeziñ c'hoarzh ha preder e ra al liamm etre an henamzer hag hon hini.
An amzer a ra e dro Per Denez Danevelloù 14,8 x 21cm – 126 p. – 12 euro ISBN 2-86863-087-1
Peder danevell, kriz ken na 'z int, zoken p'emaint o verviñ gant ar mousfent... tost betek ar fin. Disheñvel al lec'hioù, disheñvel ar mareoù ma tremenont – adal ar Brezel - Bed Kentañ betek hor mare-ni. Atav e vez un diazez gwirion d'an darvoudoù gant Per Denez, ha diwar ar sichenn-se e labour faltazi ar skrivagner. Plijout a ra dezhañ bezañ resis e-keñver Istor-gant un I bras. Ur wech staliet an daouad karantez / kazoni, e krog ar c'hoari.
An dud am eus anavezet Roparz Hemon Eñvorennoù 15 x 21 cm – 104 p. – 10 euro ISBN 978-2-86863-151-0
Un dra dedennus eo kaout pennadoù gant Roparz Hemon diwar-benn Frañsez Vallée, Roperzh ar Mason, Youenn Drezen, Langleiz, Debauvais, Emil Ernod, Eujen Regnier, Yann Sohier... m'eo bet mignon ganto. Ne vint ket mui anvioù hepken evidomp, met tud bet treset ur skeudenn bev-buhezek anezho gant ur mestr-skrivagner.
An ti e traoñ ar c'hoad Frañsez Kervella Eñvorennoù 15 x 21 cm - 13 euro ISBN 2-86863-053-7
Ar Blouked Youenn Cóic Romant 14,8 x 21 cm – 172 p. – 15 euro ISBN 2-86863-158-9
Ereg a gare ar vro-se. D'e soñj e kare anezhi gwelloc'h ha kreñvoc'h eget an dud bet ganet enni. Eñ, ne oa ket genidik eus ar vro. Deuet e oa eus un tu bennak all. Ne oa ket bet diaes dezhañ feurmiñ un atant digant Pennkaol. Ar maezioù a oa troet da zidudañ. Abaoe ur pennad ez ae kuit ar baotred, dreist-holl ar re yaouankañ. Ne 'z ae ket mat an traoù. Tiegezh Pennkaol a yae da fall ivez. E dad a oa bet un aotrou pinvidik ha galloudus: politikerezh en doa graet. E dad-kozh a oa bet ur wech betek Roma. Pennkaol a yae war ziskar, a c'hellfed lavarout. Dediet e oa bet al levr-mañ "d'ar gen Emsav ha d'an holl strolladoù a emsaverien", e Bro Vigoudenn hag e lec'h all, hiziv ha warc'hoazh, graet Bagaudoù anezho gant Youenn Cóic. "Les Ploucs" a zo ul levr sebezus anezhañ, bet skrivet e penn kentañ ar bloavezhioù dek ha tri-ugent gant un istorour e spered leun a yaouankiz hag a frankiz, da zizoleiñ en-dro e brezhoneg.
Ar C'hrist d'an Amerindianed - lodenn 1 Youenn Troal Eñvorennoù 15 euro ISBN 2-86863-146-6
Ur beleg a zo eus Youenn Troal. Kaset e oa bet gant e eskob – war e c’houlenn – da Vro-bPerou evel misioner. Dre ziv wech eo aet du-hont: eus 1963 da 1968, ha neuze eus 1973 da 1979. Pa felle dezhañ mirout darempredoù gant e vignoned a Vreizh, e oa kroget da gas dezho bep an amzer ur follennig liestennet war baper gant stensiloù hag a oa bet anvet gantañ “Ar C’hrist d’an Indianed”. Un deizlevr eta e-lec’h ma konte e vuhez nevez gant e brederioù, e ziaesterioù hag ivez e levenezioù. Soñjet hon eus e oa prizius evit ar brezhoneg adkavout ar follennoù-se hag o embann e stumm ul levr. Re goustus avat e vije bet sevel unan a 400 pe 500 pajennad. Kinnig a reomp neuze el levrenn-mañ ar bloavezhioù 1963-1964, gant ar spi da c’hellout kenderc’hel diwezhatoc’h gant eil lodenn an deizlevr.
Ar C'hrist d'an Amerindianed - lodenn 2 Youenn Troal Eñvorennoù 16 euro ISBN 2-86863-157-2
Setu embannet eil levrenn va c'hentañ amzervezh war 1500 metrad a uhelder, ouzh adsteudadoù an Andoù. Ha se eus 1963 da 1968. Distroet e 1973, e chomin adarre tri bloaz war an hevelep "montaña" evit echuiñ ur c'houlzad all a dro bloaz war 3500 metrad, gant ur c'hrapad da 4000 metrad evit ober ar person en iliz-kador uhelañ ar bed goude hini Potosi e Bolivia. Lenner yezhkarour, e-mesk pour ha triñchin, e c'halli marteze pennaouiñ un draig bennak hag a blijo dit.
Ar fest-noz Zavier Grall, tr. Koulizh Kedez Romant 14,8 x 21 cm – 126 p. – 12,50 euro ISBN 2-86863-035-9
Da heul Mocna zu, amjestr, gaouiat, enkorfadur e Vro hag e Ankoù ez ay Arzhel an emsaver betek penn e hent, hini an aberzh roudennet e douar ar gounnar...
Ar genkiz Kristian Brisson Romant 14,8 x 21cm – 206 p. –14 euro ISBN 2-86863-120-7
Re enk eo da Wenole straedoù ar Gêr-Gloz. Erru eo skuizh gant an darempredoù kozh a glask e zerc'hel en o gwarez, gant ar randonennoù eo bet maget e vuhez ganto. Poent dezhañ loc'hañ. Padal, emañ ar Genkiz nepell ac'hano, evel ul lec'h-hud hag a zedenn anezhañ. Tec'hout a raio koulskoude. Daoust hag aberoù glan an Enez C'hlas a zegaso peoc'h ha furnez d'e ene trubuilhet? Hir e vo an hent, avat... Setu moarvat gwellañ romant ar skrivagner.
Ar gêr villiget Yeun ar Gov Romant 14,8 x 21 cm – 237 p. – 16,50 euro ISBN 2-86863-127-4
Ur vojenn anavezet dre Europa a-bezh eo a zo kontet deomp gant Yeun ar Gov, hini mojenn Kêr Iz. Arabat klask er levr-mañ ur gwirvoud istorel, rak nebeut anavezet eo Istor Breizh ar 5vet kantved. N'eo ket chalet Yeun ar Gov gant kement-se. Gouzout a ra krouiñ un Arvorig diouzh e faltazi evit sevel danevell varzhus ar Vretoned ha ne c'hell al lenner nemet en em lezel da vont gant red an istor.
Ar mabinogion Fañch Elies-Abeozen Danevelloù 15 x 21 cm – diviet ISBN 2-86863-058-8
Embannet gant Gwalarn etre 1925 ha 1939 setu kinniget, evit ar wech kentañ e stumm ul levr, dastumad klok an danevelloù a zo ouzh ober ar Mabinogion, lakaet e brezhoneg gant Fañch Elies-Abeozen, hervez Levr Gwenn Rhydderch, skrivet e dibenn an XIIIvet kantvet ha Levr Ruz Hergest, skrivet e diwezh ar XIVvet kantved. Bez' e oa troidigezh ar Mabinogion, e spered Elies, ouzhpenn an ezhomm da adkavout gwriziennoù keltiek evit adframmañ hon lennegezh nevez, an tu nemetañ da adperc'hennañ ul lodenn eus hon hêrezh dianket.
Ar vilin du Jùrij Brêzan Romant 14,8 x 21 cm – 150 p. – 12 euro ISBN 2-86863-122-3
Gant "Ar Vilin Du" e vez kinniget d'ar vrezhonegerien un oberenn dreistpar eus al lennegezh sourabat. Oberenn vrudetañ Jùrij Brêzan eo. N'eo ket diwar ar sourabeg (yezh ur bobl slavek hag a vev e reter Bro Alamagn) eo bet troet gant Jakez Konan, met diwar an alamaneg "Die Schwarze Mühle", bet embannet evit ar wech kentañ e 1968. Tu a zo da lenn an danevell hep klask hiroc'h ; tu a zo ivez da glask treantiñ eil ment ar vojenn. Rak taol-ijin Brêzan eo bezañ bet gouest da ginnig ur gontadenn-bobl hag a zo war ar memes tro un danevell diwar-benn stourm ar renkadoù.
Barzhaz Breizh Kervarker Barzhoniezh 15,5x22 – 462 p. – diviet (paper kaer) 15x21 – 460 p. – 24,50 euro (paper boutin) ISBN 2-86863-038-3
Barzhonegoù Alan Botrel Barzhoniezh 14,8 x 20,9 cm - 5,50 euro
Beajour ar goañv / Le voyageur de l'hiver Roparz Hemon Danevell 14,8 x 21cm – 37 p. – 3 euro
Ar skrivañ-danevelloù eo marteze a-walc'h an arz mestroniet ar gwellañ gant Roparz Hemon. Setu amañ un embannadur divyezhek tal-ouzh-tal eus an danevell a vez gwelet gant lod evel an hini wellañ bet savet gantañ.
Blue like blue eyes which were not my own Per Denez Danevell - E saozneg 12,5 x 18,5 cm – 102 p. – 10 euro ISBN 2-86863-068-5
Doare saozneg-gant J. Ian Press-Glas evel daoulagad c'hlas na oant ket ma re (embannet gant Al Liamm). Leun a ijin, fromus ha skrijus evel lod eus danevelloù Patricia Highsmith.
Brezel an tan J.H. Rosny Henañ Romant 14,8 x 21 cm – 249 p. – 18 euro ISBN 2-86863-096-0
Er Ragistor kozh-kozh, kant mil bloaz 'zo marteze, e ouie mab-den mirout an tan, hogen ne ouie ket e c'hwezhañ. Ha pa varvas an tan e-touez meuriad an Oulhamred e talvezas kement-se e oa tonket dezho holl mervel abred pe ziwezhat. Naoh, Mab-al-Loupard, a yeas neuze davit tan. Kregiñ a raio gant un hir a veaj a-dreuz broioù dianav, ha ret e vo dezhañ talañ ouzh loened ferv hag ouzh meuriadoù fervoc'h c'hoazh... Ur romant entanus (skiant-faltazi war an tu-gin) eo a ginnig eomp amañ J.H. Rosny Henañ. Kaeraet eo c'hoazh al levr gant ur pemzek bennak a daolennoù-orin savet gant al livour Jean Chièze. Ur gwir blijadur evit an holl re a blij dezho an Istor.
Brezhoneg ar mor / Le breton de la mer Loeiz Andouard Geriadur 15,5 x 23 cm – 135 p. – 7 euro
Kabiten a vor eo bet Loeiz Andouard ha kazetenner eo bet ivez. Gouzout a oar eus petra emañ o komz eta. A-hed bloavezhioù en deus bet dastumet ar gerioù hag an troiennoù o tennañ da yezh ar mor. Ur misi e vo eta ar geriadur-mañ (galleg-brezhoneg) d'an holl re a blij ar mor dezho, ha niverus int e Breizh.
Brizh-heol Jef Gedez Eñvorennoù 14,8 x 21 cm – 150 p. - 11 euro ISBN 2-86863-112-6
Eñvorennoù yaouankiz an hini a ginnig deomp Jef Gedez evit e romant kentañ. A dra sur ez eus bet kemmet mui pe vui anvioù-lec'h 'zo, met anavezout a raio al lenner hep re a boan an tolead-se "lec'hiet etre al lanneier hag ar vorlenn", korn-bro ar Faou evel-just e Penn-ar-Bed. Al luc'hskeudennoù niverus a gaver el levr a zo bet tennet ivez gant an oberour. Ur seurt distro d'an tremened hag ur prantad lenn plijus.
Contes traditionnels de Bretagne F.M. Luzel Kontadennoù - E galleg Levr 3: 14,8 x 21 cm - 13,50 euro ISBN 2-86863-079-0 Levr 6: 14,8 x 21 cm - 13,50 euro ISBN 2-86863-085-5
Danevelloù troet Roparz Hemon Danevelloù Nº1 - 12,5 x 18,5 cm – 139 p. – 11,50 euro ISBN 2-86863-036-7 Nº2 - 12,5 x 18,5 cm – 139 p. – 13 euro ISBN 2-86863-059-6 Nº3 - 12,5 x 18,5 cm – 139 p. – 10,50 euro ISBN 2-86863-082-0
Soñjal a rae Roparz Hemon e tlee ul lennegezh din eus an anv a lennegezh bezañ digor war ar bed. Strollet eo bet e-barzh teir levrenn an holl zanevelloù bet troet gantañ. Ur prenestr digor-bras war ar bed endro dimp.
Danvez priedoù Alessandro Manzoni, tr. Per Bourdellez PRIZ LANGLEIZ 1978 Romant 12 x 18,4 cm – 205 p. – 12 euro ISBN 2-86863-024-3
Gouzout a ouzer ez eo "I promesi sposi" pennoberenn ar skrivagner (1785-1873) a lakaas, war a lavarer, 25 bloaz d'he sevel, hag ez eo ivez ar romant ar muiañ-lennet en Italia. Ur mestr-troer en deus kavet ar brezhoneg evit reiñ dimp en hor yezh unan eus e levrioù dudiusañ lennegezh ar bed.
Da rouz an noz Per Denez Danevelloù 14,8 x 21 cm – 120 p. - 12 euro ISBN 2-86863-094-4
C’hwec’h danevell a vo kavet el levr-mañ, o tremen e meur a lec’h e Breizh, er c’hornioù karet ar muiañ gant an oberour, ha zoken e-maez ar vro. Gouzout a ra Per Denez c’hoari gant ar faltazi hag ar marzh. Bez’ e c’heller atav en em c’houlenn pelec’h emañ, en e skridoù, ar vevenn etre gwirionez ha faltazi. Forzh penaos e vezont dedennus da lenn, zoken pa ouzer ez echu an istor en un doare kriz peurvuiañ.
Dec'h zo re bell dija Annaig Renault Romant 14,8 x 21 cm – 140 p. - 13 euro ISBN 2-86863-155-8
"O klevout embann ar raganv-se, dianav eviti, gant an ton mouezh-se, raganv an hini dianav he doa-hi bepred anvet Mamm, e tigoras enni ur puñs. An troc'h he doa klasket herzel outañ abaoe Pariz"... Ur c'hlask eo buhez pep hini. Digeriñ a ra hentoù dic'hortoz, dibaboù a zo ret ober, hep tamm skoazell ebet, a-benn sevel tamm-ha-tamm betek ar stad a zen.
Dindan gouriz ar Bed Frañsez Kervella Romant 15,5 x 23,5 cm - 15 euro ISBN 2-86863-007-3
Diwar Dorgenn Karreg-an-Tan Yeun ar Gow Pennadoù 14,5 x 20,5 cm – 184 p. – diviet ISBN 2-86863-113-4
Hag eñ peuzdall war fin e vuhez, e talc'has Yeun ar Gow da labourat evit ar brezhoneg, da lavarout eo : da skrivañ. El levr-mañ e kinniger ar skridoù diembann adkavet war e lerc'h, a zo bet ur gwir labour o lenn, war un dro gant danevelloù pennaouet e kelaouennoù a bep seurt. Bet ganet ha bet o vevañ e bed ar brezhoneg, ez eo Yeun ar Gow unan eus hor c'homzplaenourien wellañ, fonnus e oberenn, anezhi ur skouer a yezh klasel. Meur a wech en deus addispleget kontadennoù klevet gantañ en e yaouankiz ha morse ne bella kalz diouzh doare-arz ar gonterien, o vont ouzh e lenner-da-zont evel pa vefe, dreist d'an amzer ha d'ar pellder, e gwirionez o kontañ dezhañ.
Diyezh Jean-Yves Broudic Studiadenn 12,5 x 18,5 cm – 131 p. – 9 euro ISBN 2-86863-073-1
Un den savet e galleg en un endro brezhonek n'eo ket divyezhek, diyezh eo. Al levr zo un heuliad prederiadennoù gant frazennoù ha pennadoù berr-tre. Un oberenn divoas en hor yezh.
E fealded va c'houn hag e padelezh va c'harantez Meven Mordiern Romant 14,8 x 21 cm – 119 p. – 13 euro ISBN 2-86863-133-9
Goude marv e vamm e 1920 e teuas Meven Mordiern (Reun ar Rouz), dre garantez evit ar brezhoneg, d'ober e annez e Porzhig, nepell diouzh Sant Brieg e-lec'h m'edo Frañsez Vallée o vevañ. E holl amzer a ouestlas adal neuze d'ar brezhoneg. El levr-mañ e kont deomp e huñvreoù, o lakaat tud e gerentiezh da veajiñ dre e sorc'henn, koulz er bed hag en amzer. Souezhus ha dedennus eo rambreoù ar paotr kozh.
En Bro Dreger a-dreuz parkoù Erwan Berthou Eñvorennoù 15 x 21 cm – 92 p. - 7,50 euro ISBN 2-86863-005-7
An notennoù-mañ a zo bet skrivet war-dro ar bloavezh 1900. Bet int moulet e galleg war Le Clocher Breton, er bloavezhioù 1910-1911. Evel m’emaint e tisplegont buhezegezh pobl Treger e-pad ur vunutenn e-kreiz he buhez milvedel.
Enez ar Rod Langleiz Romant 16 x 24 cm – 308 p. - 21,50 euro ISBN 2-86863-124-X
Evit ar bloaz 2000, bet evidomp e-pad pell ur vojenn hag arouez an amzer-da-zont, hon eus soñjet e vije dedennus adembann, da geñver 25vet deiz-ha-bloaz marv Langleiz, e romant diarbennerezh ENEZ AR ROD. An embannadur kentañ, gant "Skrid ha Skeudenn", a zo bet distrujet gant bombezadegoù 1944 ; un darn vat eus levrioù an eil embannadur, gant "Ar Balp" e 1949, a zo bet distrujet gant ul louedenn. Kement-mañ evit displegañ perak — pa soñjer pegen stag e oa Langleiz ouzh ar skridoù brezhonek — n'en deus ket bet ar galon da stagañ gant un trede embannadur. E koun Langleiz ar skrivagner hon eus graet an embannadur-mañ ; ra roio tro d'ar vrezhonegerien da zizoleiñ pe da addizoleiñ an oberenn-mañ a faltazi n'eo aet war goshaat tamm ebet. Setu ar pezh a skrive Maodez Glandour diwar-benn Liliana, tudenn-bennañ an oberenn : "Garmiñ a ra al levr-mañ war-du ar sklerijenn wirion : setu e gaerder. Liliana eo ene Breizh, a glasker lazhañ war zigarez e ve ur follez. Liliana eo spered an den, a venner mougañ en anv ar mekanikerezh. Liliana eo hon ene penn-da-benn". Golo ha koadengravadurioù niverus diabarzh gant an oberour.
Enora Lestrezeg F.M. Luzel E galleg - Romant 21 x 15 cm - 9 euro ISBN 2-86863-095-2
En tu all d'an douar ha d'an neñv Per Denez Romant 15 x 21 cm - 11 euro ISBN 2-86863-070-7
En ur ruilhañ bili Roparzh Broudig Romant 11,9 x 18,4 cm – 114 p. - 6 euro ISBN 2-86863-014-6
Eñvorennoù (Ur wech e oa...) Taldir-Jaffrennou Eñvorennoù 18 euro (paper kaer) 13,50 euro (paper boutin) ISBN 2-86863-006-5
Eñvorennoù beaj, heuliet gant Eñvorennoù ur Brezhonegour Frañsez Vallée Eñvorennoù 260 p. – 18 euro
Pa ya Vallée da veajiñ, n'eo ket d'ober touristelezh, daoust ma oar taolenniñ kaerderioù ar vro, met da gejañ gant an dud a zalc'h bev ar Geltegezh. Souezh ebet m'en em gav e Kembre, e 1911, gant Patrice Pearse, rener emsavadeg Pask 1916 e Dulenn, fuzuilhet evel Prezidant Republik berrbad Iwerzhon. E eñvorennoù ur Brezhonegour a zo mat e-keñver Istor. E-keñver Skridvarnerezh, derc'hel soñj ne oa ket gouest Vallée da skrivañ estreget meuleudi d'ar re a rae gant yezh ar vro.
Eñvorennoù bugeliez Meven Mordiern Eñvorennoù 14,8 x 21 cm – 45 p. – 3 euro
Notennoù-eñvorennaouiñ tennet eus bloavezhioù kentañ an den a raio kement evit ar brezhoneg war-lerc'h daoust ma ne oa ket Breizhad.
Eñvorennoù bugeliez Meven Mordiern Eñvorennoù Levr 1: 180 p. - 12,50 euro ISBN 2-86863-019-7 Levr 2: 148 p. - 10 euro ISBN 2-86863-029-4
E peoc'h an nevez-hañv Per Denez Romant 14,8 x 21 cm - 112 p. - 13 euro ISBN 2-86863-144-2
Nevez-hañv, marteze, met tamm peoc’h ebet. Un danevell polis en un endro sioul war ar maez na vefe ket soñjet e c’hellfe traoù ken kriz c’hoarvezout ennañ. Karantez ? An Ankou an hini a vo trec’h. Un endro disheñvel a-grenn d’an div zanevell all. Nevez-hañv ? Piv ’oar ? N’eus na gwez na bleunioù d’hen diskouez. Ar mor an hini a ren ar c’hoari… Bepred karantez ha kasoni war un dro evel ma oar an oberour o livañ ken brav.
Eus an amzer 'zo bet Per Denez Danevelloù 14,8 x 21 cm – 140 p. – 13 euro ISBN 2-86863-062-6
Plijout a ra d'ar skrivagner kontañ e istorioù er gour kentañ. An danevell gentañ zo ur seurt flemmskrid eus ar vuhez vodern. An eil zo politikerezh-faltazi, Breizh dindan yev diktatorelezh ar strollad komunour. An drede zo leun a faltazi hag a "suspense", hag ar bevare ur seurt danevell-huñvre!...Fentus, fromus, flemmus eo pluenn an aozer tro-ha-tro.
Evit an eil gwech Per Denez Danevelloù 12 x 18,5 cm – 127 p. – 10 euro
Eizh danevell deuet da vezañ diaes-diaes da gavout ma n'eo ket imposupl, embannet ma oant bet amañ hag ahont etre 1943 ha 1966.Adwelet int bet evit an embannadur-mañ.
Evit ket ha netra Roperzh ar Mason Romant 11,5 x 17,9 cm – 186 p. - 9 euro
Faltazi an amzerioù kent Klerg Kontadennoù 15 x 21 cm – 182 p. - 13 euro
Un niver bras eus ar skridoù savet gant Klerg a zo kinniget evel "kontadennoù" : gwelout "Un deiz a viz Mae", al levr embannet e 1998. Kontadennoù ijinet ha turgnet gantañ, alies da geñver Nedeleg. Evit kontadennoù all avat, n'eo bet Klerg nemet un dastumer : lakaet gantañ war baper diwar selaou tud Ploubêr ha lec'hioù all damdost. Unnek kontadenn a seurt-se a gaver el levr-mañ, o tougen testeni da badelezh ar mojennoù bras en eñvor tud 'zo, daoust d'al labour divrezhonekaat. Lennet e vint gant dudi.
Geriadur brezhoneg-alamaneg / alamaneg-brezhoneg Gérard Cornillet Geriadur 10,5 x 14,8 cm – 1190p. - 19,50 euro ISBN 2-86863-121-5
Er geriadur-mañ e kavor : ouzhpenn 36 000 pennger gant troioù-lavar ha krenn-lavarioù ; an treuzskrivadur fonetek (IPA) evit ar brezhoneg hag an alamaneg ; taolenn ar verboù hag an araogennoù evit ar brezhoneg.
Geriadur brezhoneg-galleg / français-breton Divi Kervella, Iwan Kadoret, Yann Desbordes Geriadur 10,4 x 14,7 cm – 444 p. - 9,50 euro ISBN 2-86863-081-2
Gant ur strolladig tud kar-o-yezh eo bet savet ar geriadurig-mañ. Soñjet o deus dreist-holl er re a zo o teskiñ ar yezh, met ivez er re a oar ar yezh hag a fell dezho en em varrekaat da lenn ha da skrivañ anezhi : ur yezh eus hor c’hantved evit tud eus hor c’hantved.
Geriadur brezhoneg-saozneg / english-breton Raymond Delaporte Geriadur 10,5 x 14,7 cm – 540 p. - 14 euro ISBN 2-86863-078-2
Dindan ur golo hepken ez embanner hiziv an daouc’heriadurig a oa bet savet gant Raymond Delaporte. Kavet e vo ennañ : war-dro 11 500 pennger ken e brezhoneg ken e saozneg ; an treuzkrivadur fonetek (IPA) evit ar gerioù brezhonek ; un diverradur gramadeg o tennañ d’an distagadur, d’ar chemmadurioù, ar rakgerioù ha lostgerioù pennañ, hag ivez taolennoù an displegadur evit ar verboù hag an araogennoù.
Geriadur brezhoneg Douarnenez Per Denez Geriadur Levr 1 - 7 euro Levr 2 - 7 euro Levr 3 - 8 euro ISBN 2-86863-000-6 Levr 4 - 9 euro ISBN 2-86863-010-3
Glaou bev Herri Ar Borgn Barzhoniezh 14,8 x 21cm – 105 p. - 12 euro ISBN 2-86863-128-2
Ar-dro an endro hag ar brezhoneg en deus graet hag e ra Herri Ar Borgn. Ar-dro Breizh e ra ivez evit kas dezhi galloudoù nevez he lakahe par da Vro Gatalonia pe da Vro Skos. El ar c'hizellour koed eus Seglien savet gantañ skeudenn Berteleme merzheriet, e klask santiñ - raksantiñ kentoc'h - ar pezh prizius a 'n em guzh a-dreñv ar c'hroc'hen, a-dreñv ar minc'hoarz, a-dreñv 'pezh a lak an nen da vont... Pa skriv an nen e klaska marse bout un "tapour luc'hed".
Grammaire bretonne du dialecte de Vannes Arthur-Marie Le Bayon Yezh - Yezhadur 23 x 31,1 cm – 73 p. – 18 euro ISBN 2-86863-018-9
Un advouladur eus ur yezhadur talvoudus eus yezh Gwened bet embannet e 1896. Klask a oa warnañ pell a oa.
Gwenn e-harz ar Menez Mouk Kristian Brisson Romant 12 euro ISBN 2-86863-089-8
Helgvor ar stêr c'hlas J.H. Rosny Henañ Romant 14,8 x 21cm – 223 p. – 18 euro ISBN 2-86863-110-0
Emañ Helgvor hag e gompagnuned : daou gi, ur bleiz hag ur bugel, o kerzhout a-hed ar Stêr Veur, war-zu hec'h andon. Uheloc'h war ar stêr, div blac'h yaouank e bourzh ur birogenn, a zo o roeñvat, pennfollet. Klask a reont tec'hout rak ur strollad brezelourien bountet war o lerc'h e div birogenn all. Tamm-ha-tamm e tigresk an hed etrezo ha tost eo ar merc'hed da vezañ tapet pa zeu trumm Helgvor war wel... Ha dont a raio a-benn d'o saveteiñ daoust d'ar skoilhoù niverus a bep seurt a gavint war o hent ? Ur wech ouzhpenn omp kaset gant J.H. Rosny Henañ er Ragistor. Al levr-mañ ivez a zo skeudennoù gant taolennoù-orin Jean Chièze (20 anezho). Ur romant plijus, buhezek, leun a "suspens" hag a ro deomp un damsell eus buhez kriz mab-den er mareoù-hont aet kuit da viken.
Herve ha Nora Armañs ar C'halvez Deskiñ Nº1. kentelioù. 15 x 21 cm – 176 p. – 10,50 euro ISBN 2-86863-072-3 Nº2. kentelioù. 15 x 21 cm – 192 p. – 12 euro ISBN 2-86863-090-1 Nº1. poelladennoù. 21 x 19 cm – 128 p. – 7 euro ISBN 2-86863-093-6 Nº2. poelladennoù. 21 x 19 cm – 206 p. – 8,50 euro ISBN 2-86863-097-9 Levr skoazell. 21 x 30 cm – 117 p. – 13 euro ISBN 2-86863-104-5
Hervelina Geraouell Fañch Elies-Abeozen Romant 14,8 x 21 cm – 181 p. – 14 euro ISBN 2-86863-037-5
"Gouezet en deus Abeozen livañ gant trivli hag en ur stumm kaer-kennañ tarzh ar garantez o kellidañ (...). Chom a ra ar c'houn eus skeudenn Hervelina merket don en hon eñvor goude lenn ar romant" (Youenn Olier).
Hiroc'h eo an amzer eget ar vuhez Per Denez Danevelloù 11,8 x 18,4 cm – 140 p. – 7,50 euro
Teir danevell hirik."Labour ur mestr-micherour, peurzesket gantañ e arz hon eus aze"(Al liamm)
Hor skrivagnerien Louis Dujardin (Loeiz Lok) Pennadoù Levr 1 - 14,8 x 21 cm – 133 p. – 10,50 euro ISBN 2-86863-063-4 Levr 2 - 10 euro ISBN 2-86863-083-9
Ur gwir furcher e oa bet Loeiz Lok a-hed e vuhez ha pennadoù talvoudus-dreist en deus bet savet war ar skrivagnerien vrezhonek, dreist-holl diwar-benn reoù nebeut anavezet. Buhezskridoù ha rolloù resis eus ar pezh o deus bet savet eo ar pennadoù-mañ. Ur sikour vras e vezint evit ar furcherien, ar studierien, al lenneien...
Istor eur c'halvedigez Meven Mordiern Eñvorennoù 14,8 x 21 cm – 128 p. – 9 euro ISBN 2-86863-016-2
Ar Gall-mañ en deus gouestlet e vuhez da Vreizh ha dreist-holl d'ar brezhoneg. Displegañ a ra amañ dre ar munud penaos e teuas d'en em dommañ ouzh istor ha sevenadur ar Gelted.
Jakez Karter Loeiz Andouard Eñvorennoù 15,5 x 21 cm - 11 euro
Kambr ar Stered Paol Kalvez Eñvorennoù 15 euro ISBN 2-86863-145-9
Ar re a zo war glask lennegezh aze n'o do ket o gwalc'h, 'm eus aon. N'eus ket eus "Kambr ar Stered" un oberenn lennegel. Da lavarout eo... n'eus ket da bal dezhi bezañ lennegel. N'eo ket bet savet e-skeud abegoù arzel. Istor ur stourmer eo, ha da gentañ-holl istor ur vuhez, buhez Paol Kalvez. Hogen, daoust ha n'eo ket arzel pep buhez, intret m'eo gant frank-diviz mad-den ha dre-se gant e nerzh-krouiñ koulz ha gant e zinerzh-krouiñ. Netra estlammusoc'h neuze, netra fromusoc'h ha skrijusoc'h eget ur vuhez kontet plaen hag eeun.
Kanaouennoù Roparz Hemon Barzhoniezh Nº1. 4 euro Nº2. 4 euro Nº3. 14,8 x 21 cm – 82 p. – 6 euro ISBN 2-86863-017-0 Nº4. 14,8 x 21cm – 75 p. – 6 euro ISBN 2-910699-10-2
N'eo ket hepken geriadurioù, hentennoù-deskiñ, romantoù, barzhonegoù ha me 'oar me...a zo bet savet gant Roparz Hemon, kanaouennoù ivez. Liesseurt-kenañ int, a-c'hiz kozh, a-c'hiz nevez, karantez, natur, yezh ha bro...ha war a bep seurt sonerezh. Setu-i bodet(ur c'hant bennak) e peder levrenn, gant ar sonerezh adskrivet gant Pêrig Herbert ha Fañchig Desbordes, ha skeudennet gant Danièle Jégo, Joël Couloigner ha Brenda Andouard.
Kan ar spered hag ar galon Fañch Elies-Abeozen Barzhoniezh 14,8 x 21 cm – 118 p. – 5 euro
Abeozen zo unan eus pennañ diazezerien luskad Gwalarn. Meur a labour en deus kaset da benn ha meur al levr a vez lakaet war e anv. N'eo ket anavezet evel barzh avat. Ha koulskoude ez eus saour ha from en e werzennoù. En dastumadenn e vo kavet koulz e varzhonegoù hag ar gwerzioù a oa bet kempennet gantañ evit ar skingomz. Darn eus e oberennoù a oa bet lakaet sonerezh warno gant Jef ar Penven. Kavet e vo ar pezhioù sonerezh-se el levr ivez.
Kelaouenner Youenn Drezen Pennadoù Nº2. Gwalarn 14,8 x 21 cm – 92 p. – 6 euro ISBN 2-86863-021-9 Nº3. L'Heure Bretonne - 14,8 x 21 cm – 92 p. – 9 euro ISBN 2-86863-040-5
Er rummad-mañ e kaver danvez hag a oa diaes da gaout evit al lennerien a-vremañ, strewet ma oant amañ-ahont, ha koulskoude danvez a-bouez enno koulz e-keñver lennegezh, soñjoù ha boued spered hag ivez un tañva eus ar brezhoneg lakaet da dalvezout evid un dachenn nebeut pleustret, ar c'hazetennerezh. Ezhomm ebet da lavaret e teu brav an traoù gant Youenn Drezen, unan eus hor bevañ skrivagnerien. Liesseurt eo ar pennadoù. Da notenniñ en eil levrenn e bezhioù barzhoniezh brudet met digavadus evel "Kanenn da Gornog" pe "Nozvezh Arkuz".
Kelc'h diwar gelc'h Kristian Brisson Romant 10,50 euro ISBN 2-86863-048-0
Kenavo ar c'hentañ er joaioù Per Denez Romant 14,8 x 21 cm – 93 p. – 10 euro ISBN 2-86863-080-4
"Gant Ella ha ganin, war an aod, e oa bet karantez diouzh ar c'hentañ sell ha diouzh ar c'hentan pok. Ken-se n'helle bezañ evurusoc'h den egedon pa voemp dimezet. Siwazh, ne ouien ket e oan o timeziñ, n'eo ket ganti hepken, met gant he moereb Othilda war un dro . Ha diwar se..."
Kenavo ar wech all Per Denez Danevelloù 14,9 x 21 cm – 104 p. – 10 euro ISBN 2-86863-150-3
Setu amañ, ur wech ouzhpenn, un dibab danevelloù faltazi – war-bouez an hini ziwezhañ : Gaston Jehannin – skrivet gant Per Denez en daou vloaz diwezhañ. Lec’hiet int holl en hor mare-ni hag e lec’hioù m’eo bet Per Denez o chom ur pennad mat a amzer – e Dax da skouer – hag en ur mare ma oa kaer an amzer ha tomm an heol. Ha derc’hel soñj n’emañ ket Dax pell diouzh ar mor… Istr a zo da gaout, ha n’eus ket gwelloc’h eget ur banne Jurançon – gwin ar vro – d’o c’has d’an traoñ. Dav kaout soñj : n’eo ket an dristidigezh a c’hell degas ar yec’hed en-dro.
Koroll ar Marv hag ar Vuhez / Danse de la Vie et de la Mort Langleiz C'hoariva 19 x 23 cm - 80 p. - 13 euro ISBN 2-86863-140-1
Eil pezh-c’hoari an oberour eo. Embannet e oa bet evit ar wech kentañ er gelaouenn SAV e 1938. An droidigezh c’hallek a-dal d’an destenn vrezhonek a zo gant an aozour e-unan. War-lerc’h e vo kavet ar sonerezh a oa bet savet gant Georges Arnoux hag ul levrlennadur klok eus oberoù Langleiz. Rakskrid gant Erwan Vallerie.
Krec'hioù an avel yud Emily Brontë, tr. Per Denez Romant 16 x 24 cm - 286 p. - 16 euro ISBN 2-86863-141-X
Troet eo bet Wuthering Heights, oberenn nemeti Emilie Brontë e meur a yezh : filmoù ha sonerezh a zo bet savet diwarni ivez. Sellet eo evel oberenn lennegel diwezhañ ar Romantelezh. Ar wech kentañ eo da seurt levr bezañ troet e brezhoneg. Reiñ a raio tro d'al lennerien da zizoleiñ, e brezhoneg, dindan bluenn akuit Per Denez, ur bennoberenn lennegel, he zudennoù boemus, a-c'haoliad etre ar romantelezh hag ar goteg, ne skuizhder ket ganto.
Kudennoù an treiñ diwar ar rusianeg Anna Mouradova Yezh 19 x 21 cm - 13,50 euro ISBN 2-86863-116-9
La trame d'une langue: le breton Jean-Yves Urien Studiadenn 15,5 x 23,5 cm – 262 p. – 18,50 euro ISBN 2-86863-032-4
Kelenn a ra Jean-Yves Urien Skiantoù al Lavar e Skol-Veur Breizh-Uhel e Roazhon. Diwar ar brezhoneg e kas e labour da benn. Graet eo al levr-mañ koulz evit ar re a zo o teskiñ brezhoneg hag ar re a zo dedennet gant dielfennañ al lavar. E galleg emañ al levr.
Lemenik, skouer ar varzhed Erwan Berthou Romant 14,7 x 20,9 cm – 126 p. - 13 euro ISBN 2-86863-131-2
Lennegezh evit an dibenn-sizhun Pennadoù 14,8 x 21 cm – 122 p. – 10,50 euro ISBN 2-86863-041-3
E-pad ar brezel e veze embannet "Arvor", renet gant Roparz Hemon, ur gazetenn vrezhonek sizhuniek graet evit an holl. Hag e-barzh pep niverenn e veze ur "gontadenn"(skridoù faltazi liesseurt e wirionez), skrivet gant tud nevez an tud kozh, tud brudet pe reoù all divrud, tud hag a skrive kalz, darn nebeutoc'h(evel Kerlann hag Alan al Louarn a labouras kement evit Breizh), troidigezhioù...Un tañva a ginniger dimp amañ 36 testenn diwar zorn 26 skrivagner lakaet e gouloù an heol.
Lestr o hiraezh Kristian Brisson Romant 14,8 x 21 cm – 168 p. – 15 euro ISBN 2-86863-149-7
Konan, ar Mestr, en doa dibabet sentiñ ouzh al lusk a veze debret e vuhez gantañ a-vihanik ha mont hep damantiñ e bourzh al Lestr, o sammañ warnañ mil mallozh ar bed stag ouzh ar vag-se. Koulskoude, neb a zibabo mont d'e heul a zesko diwar e goust e-unan pegen bresk e c'hell bezañ levezon ar Mestr pa ranko hemañ plegañ d'e dro d'ur galloud dic'hortoz dreist d'e youl hag a vo krignet gantañ kalon e blanedenn. Daoust ha tonket e vo dezhañ, goude bezañ gouestlet e vuhez d'ar beajoù dibenn war ar morioù arvarus, echuiñ e gantreadennoù pell diouzh e garidi en ur gichen gant Lestr e Hiraezh ?
Maodez Glanndour, Son chemin d'humanité au long de Komzoù Bev Annaig Renault Studiadenn 24 x 16 cm – 364 p. – 24 euro ISBN 2-86863-148-0
Me a zalc'ho Yvonne Galbrun Eñvorennoù 14,9 x 21,1 cm - 13 euro ISBN 2-86863-127-8
Buhez Ivona Galbrun (1904 - 1985), anavezet ivez 'Iona', he anv barzhez.
Minna ha danevelloù all... Ernest ar Barzig Danevelloù 14,8 x 21 cm – 224 p. – 15 euro ISBN 2-86863-036-7
Marteze a-walc'h hor gwir skrivagner pobl diwezhañ. Un dibab eus e zanevelloù. An hini gentañ, "Minna", zo lakaet da vezañ e-touez ar re wellañ a c'hallfed kaout en hor yezh.
Moger an Noz Kristian Brisson Romant 14,8 x 20,9 cm – 142 p. - 10,50 euro ISBN 2-86863-075-8
Mont war-raok gant ar brezhoneg Per Denez Deskiñ 14,7 x 20,9 cm – 102 p. - 10 euro ISBN 2-86863-031-6
Hentenn deskiñ.
Petite grammaire du breton moderne Yann Desbordes Yezh - Yezhadur 15,5 x 23 cm – 128 p. – 11 euro ISBN 2-86863-052-9
Prizionad er Rühr Yann-Loeiz Emili Eñvorennoù 14,8 x 21 cm – 99 p. – 10,50 euro ISBN 2-86863-064-2
Al labourer-douar-mañ eus Bro-Leon zo bet unan eus diazazerien Sindikad Kastell-Paol. E penn-kentañ ar brezel-bred kentañ e voe tapet gant an Alamaned ha kaset da labourat war-dro ar puñsoù glaou-douar, tost pemp bloaz e chomas prizoniad eno. Ur sell all eo war ar brezel-se, ur skrid a-bouez evit kompren planedenn ar remziad a zo bet kaset d'an drailh.
Prometheus ereet Aesc'hulos C'hoariva 14,8 x 21 cm – 171 p. – 13,50 euro ISBN 2-86863-118-5
Unan eus palioù Gwalarn a oa kinnig d'ar Vretoned, en o yezh, oberennoù-meur ar bed. Drezen a zibabas, da gregiñ ganti, daou eus pezhioù-c'hoari Aesc'hulos : "Prometheus ereet" hag "Ar Bersed". Roparz Hemon a reas e 1928 un embannadur kaer evit al labour-se, gant koadengravadurioù diwar zorn R-Y. Kreston ha Jorj Robin. Peurheñvel eo bet advoulet ganeomp, o lakaat ouzhpenn notennoù skiantel Aline Gleoneg war ar c'hoariva en Hellaz kozh.
Red an amzer / Le fil du temps Tereza Barzhoniezh 14,8 x 21 cm - 15 euro ISBN 2-86863-153-4
E-pad 28 vloaz he deus labouret Tereza evit Mouladurioù Hor Yezh. A-hed ar bloavezhioù he deus skrivet barzhonegoù. Setu un torkad anezho hag a ziskouez pere 'oa mammennoù pennañ hec'h awen: an natur, ar mor, ar vuhez, ar garantez dindan hec'h holl stummoù, gant gwech ha gwech all un tamm enkrez a zo lod eus hor buhez pemdeziek.
Sant Erwan Klerg Studiadenn 14,8 x 21 cm - 16 euro ISBN 2-86863-151-7
Diwar ar skridoù niverus a denn da brosez santeladur Sant Erwan en deus fellet d'an Ao. Klerg adkavout, dindan o gwiskadoù latin, ar stummoù brezhonek a oa d'an anvioù tud ha lec'hioù meneget gant an testoù. Drezo ivez, hag en tu-hont dezho, mont tostoc'h un tamm ouzh buhez an dud en amzer-hont. An hini kentañ eo bet Klerg o pegiñ el labour-se, ha barregezh a oa gantañ evit hen ober : gouiziek war al latin hag ivez war ar c'hembraeg, pezh na oa ket didalvoud a-wechoù evit kompren gerioù brezhonek 'zo. Brudet eo evel skrivagner hag eus e vro en deus un anaoudegezh maget gant ar garantez. Ur prof kaer da eñvor Sant Erwan da geñver al lidoù evit e varv seizh kant vloaz 'zo.
Sevel gwenan e Breizh Janig Bayon A bep seurt 14,8 x 20,9 cm - 12 euro ISBN 2-86863-067-7
Damsell war istor ar gwenanerezh e Breizh en 19 vet hag en 20 vet kantved.
Skeud Kristian Brisson PRIZ LANGLEIZ 1985 Romant 11,8 x 18,5 cm – 122 p. – 6 euro ISBN 2-86863-009-X
"Skeud n'eo ket ur romant. Tud o vevañ ne lavaran ket".Tud o klask o hent e-touez an drez hag ar strouezh etrezek ar peoc'h hag ar sklêrijenn.Ha skrivet eo tonkadur an den en ul levr bras?Etre hunvre ha gwirionez.
Sonata in E. Minor Kristian Brisson Romant 14,8 x 21 cm – 180 p. – 15 euro ISBN 2-86863-156-5
Nils ha Swen. Penaos anavezout an eil diouzh egile? Padal e c'hello ar re dostañ outo dielfennañ a-wechoù perzhioù -sioù?- e daoulagad sklaer an eil pe e daoulagad teñval egile. Na pa vefe bet start ha kreñv al liammoù etre an daou vreur gevell adalek o bugaleaj tener e c'hoarvezo alies ganto mont disparti-krenn war an hentoù a vo tonket dezhe bale warno. Koulskoude e tremeno ur vezañs en o buhez ha ganti e savo freuz ha reuz hag a c'hellfe treiñ da gasoni, allas!... Lusk-dilusk ez aio an darvoudoù en-dro war don ar Sonata in E. Minor, laouen ha trist tro-ha-tro. Ha pep darvoud a vo heñvel a-walc'h ouzh unan pe unan eus ar pevar luskad a ya d'ober ar pezh sonerezh-se. Hag ouzh he selaou e tigor dor ar fromoù.
Tem ar marv en oberennoù Per Denez Jacqueline Gibson Studiadenn 16 x 24 cm – 102 p. – 12 euro ISBN 2-86863-029-0
Tiriadoù ar Gwalarn Jef Gedez Romant 14,8 x 21 cm – 156 p. – 12 euro ISBN 2-86863-130-4
Da bep hini e heñvreoù... Re Mik, maget a-hed e vugaleaj gant lennadennoù Gounorz Kanada, a gas anezhañ war-du tiriadoù pell ar Gwalarn, war-lerc'h Splannder ar Bed, betek koll e skiant... Ur rentañ-kont beaj ouzhpenn a soñjo darn. Ar pep souezhusañ avat eo gouzout n'en deus morse Jef Gedez lakaet e droad en tu-all d'ar Meurvor Atlantel. Ul labour-krouiñ souezhus eo a ginnig deomp amañ ar skrivagner.
Un deiz a viz Mae Klerg Eñvorennoù 14,5 x 20,7 cm – 158 p. - 12 euro ISBN 2-86863-106-1
Bez'eo bet an aotrou Klerg unan eus ar Vreizhuheliz-se hag o deus desket ar brezhoneg ha graet dioutañ o yezh n'eo ket yezh o c'halon pe yezh ar sul, met o yezh berr-ha-berr, klok-ha-klok. Beleg e oa Klerg, ken-se e labouras da reiñ d'e genvreudeur, a-hed un 2 000 pajennad bennak, peadra d'ober o lidoù hag o fedennoù: emañ bremañ Imbourc'h ouzh o adembann. Gant an emsaverien e vo eñvoret Klerg evel prezidant kentañ "Kuzul Ar Brezhoneg" ha rener Barr-heol: a bep seurt pennadoù a savas evit 100 niverenn ar gelaouenn-se, etre 1953 ha 1978 - 25 bloaz ez-resis. El levr kentañ-mañ e kinnigomp, tennet eus Barr-Heol hag eus Al Liamm, e zanevelloù : donezonet e oa an aotroù Klerg evit skrivañ, anezhañ ur mestr asur war ar yezh. Levrioù all a zeuio da heul, rak liesseurt eo bet e oberenn, ha bepred talvoudus. E Prevael- e "menez" Breizh-Uhel - eo bet ganet Marsel Klerg, 1912; e Bear - e Breizh-Izel - ez eo marvet, 1984. Gorre-Breizh ha Goueled-Breizh en daou benn eus chadenn e vuhez, gouestlet en he fezh da servij ar vro.
Va zamm buhez Loeiz ar Floc'h Eñvorennoù 15 x 21 cm - 9 euro ISBN 2-86863-004-9
Warc'hoazh e tarzho c'hoazh an deiz Per Denez Danevelloù 14,8 x 21 cm – 118 p. - 13 euro ISBN 2-86863-142-8
Pemp danevell gant per denez, en o zouez , un emgav etre daou zen yaouank o deus en em anavezet dija en ur vuhez all… Ur maner brav savet e-kichen Sant-Malo diwar-goust buhez tud Enezenn Bask hag a zo pladet al lodenn greiz anezhañ un nozvezh…Pe c’hoazh an emgav en tren o vont da Gemper etre ur skoliad kozh hag e skolaer a wechall… Suspens hag mousfent kemmesket : ur gwir lip-e-bav !
War roudoù Merlin e Breizh Jef Philippe Romant 6 euro ISBN 2-86863-012-X
Yezh ar vuhez Fañch an Uhel Barzhoniezh 14,7 x 20,8 cm – 128 p. - 13,50 euro ISBN 2-86863-137-1
Brudet eo Fañch an Uhel dreist-holl evit bezañ dastumer kontadennoù (gant Al Liamm eo bet embannet an holl re skrivet e brezhoneg), gwerzioù ha sonioù. Met n'eo ket bet dastumer hepken, savet en deus ivez barzhonegoù e brezhoneg. Un dibab anezho a ginnigomp amañ, taolennoù plaen en ur yezh plaen ha flour, oc'h implijout gerioù eeun hag ampart.
Yezh ha bro Per Denez Studiadenn 14 x 21cm – 162 p. – 12 euro ISBN 2-86863-108-8
El levr-mañ e vo kavet un dibab eus pennadoù-stourm ha pennadoù-studi bet embannet gant Per Denez e meur a gelaouenn. "Stourm" ha "Studi" : daoust ha diseñvel-bras eo bet an daou dra evitañ ? Tennañ a ra ar pennadoù-se d'ar brezhoneg, d'an embann e brezhoneg, d'an emsav evit ar yezh. O tegas da soñj ez eo Breizh ul lodenn eus ar "bed keltiek", e tennont ivez da Iwerzhon. Lakaat a reont war wel plegoù hag oberoù nebeut anavezet - hag int pouezus - eus istor an emsav. Ur skoazell d'an "dlead a vemor" a brezeger bremañ ken alies diwar e benn.