KUZUL AR BREZHONEG katalog sav heol

KUZUL AR BREZHONEG

KATALOG SAV-HEOL

Yezhoù all

Skigner : Sav Heol

Ma fell deoc'h prenañ levr pe levr, kasit ho chekenn (warni priz al levr(ioù) + 10 % ouzhpenn evit ar mizoù-kas), da:

SAV-HEOL
32 bali ar Voudenn
35650 REUZ

Ckekenn da lakaat war anv SAV-HEOL

Katalog stumm PDF

Anv gourel, anv gwregel Mark Kerrain Yezhadur 3,90 euro
Levrig yezhadur diwar-benn reizh an anv e brezhonek : da betra e servij, penaos implij, ar reolennoù displeget, ha poelladennoù plijus leun a gemmadurioù saourus.
Ar mell irvinenn tr. Mark Kerrain Kontadenn-bobl evit ar vugale 21 x 14.8 cm - 15 p. - 4 euro ISBN 978-2-9534848-6-1
Sachomp kreñv, sachomp krenn, Da gaout irvin d’ober soubenn. Ur wech e oa en ul liorzh e Rusïa ur pezh pikol irvinenn a oa kreñvoc’h eget un den. Honnezh a oa ur pezh hini biskoazh n’oa bet unan ’velti. Kaer en doa tad-kozh sachañ ne deue ket an irvinenn gantañ. « Penaos eta ’vo graet ar soubenn ma n’on ket vit tapout ma irvinenn. Met hep skoazell ne deuio ket ha skoazell am bo gant ma fried. » Met skoazell mamm-gozh n’oa ket trawalc’h eno e oa an dalc’h ! Galvet o merc’h-vihan ouzhpenn : ne deue ket an irvinenn ! Ret e voe goulenn c’hoazh sikour digant ar c’hi, digant ar c’hazh. Siwazh ne oa netra d’ober sachañ ganto a oa aner. Ha panevet al logodenn ne vijent ket deuet a-benn. Unvaniezh a ra nerzh pa sach an holl e vez graet berzh. Troet gant Mark Kerrain diwar ur gontadenn-bobl eus Rusia. Skeudennaouet gant Maël Verot. Son - Mouezh: Mark Kerrain
Ar sarpant glas e-barzh ar c'hlas Evelyne Brisou-Pellen, tr. Mark Kerrain Romant - Adalek 8 vloaz 13 x 20 cm - 46 p. - 7 euro ISBN 978-2-9534848-2-3
Sioul eo ar vugale er c’hlas. A-greiz-holl, setu un trouz iskis en trepas... Un dra bennak o ruzañ. Hag ar vestrez da dreiñ he fenn, nec’het un tamm. Ha setu dorn an nor o treiñ. Hag an nor o tigeriñ... Ul loen euzhus ’zo o tont e-barzh klas an dimezell Saozon. Spontet ar vugale. Ha bremañ e fell d’al loen iskis-se chom er skol... ha bezañ mignon d’an holl. Biskoazh kemend-all !
"Brezhoneg er gêr" ha kanaouennoù all Kanaouennoù 5 euro
Kanaouennoù evit tud vras hag evit bugale.
Daouzek kant lavarenn Yezhadur 12,90 euro
Etre bourd ha fars Evit farsal 3,90 euro
Etre fent ha c'hoarzh Evit farsal 3,00 euro
Geriaoueg ar sotoni Mark Kerrain Geriaoueg 3 euro
Komz brezhoneg a ran ouzh ma bugel Mark Kerrain Geriaoueg 14,8 x 21 cm - 102 p. - 9 euro ISBN 978-2-9534848-4-7
Al levr-mañ a zo bet skrivet evit tud ar vugale a fell dezho implij ar brezhoneg ganto. Kavet e vez ennañ geriaoueg ha troioù-lavar evit c'hoari, reiñ kalon, moumouniñ pe c'hoazh gourdrouz !
Kanaouennoù brezhonek Kanaouennoù 3,90 euro
Kelenn d'an deraouidi Deskiñ 40 p. - 7,60 euro
Kemmadur ha plijadur Yezhadur 28 p. - 6,90 euro
Kevrin ar c'hizhier bihan Fina Casalderrey, tr. Mark Kerrain Evit ar vugale 13 x 20 cm - 126 p. - 10 euro ISBN 978-2-9534848-7-8
David ’zo ur paotrig eus Galiza. E vreur bras en deus kavet ur gazhez vihan. Magañ a reont anezhi, kreskiñ a ra. Un deiz he deus bet kizhier bihan, met en deiz war-lerc’h, kazh ebet ken. Den ne oar pelec’h emaint, na petra int deuet da vezañ. Setu ur c’hevrin, ur gwall gevrin. Gant e vignonez Branca emañ David o vont da glask diskuliañ an afer-se. Fina Casalderrey zo ur skrivagnerez a orin eus Galiza. Gant ar romant-mañ, troet e meur a yezh, he deus bet priz O Barco de Vapor e Galiza e 1994, ha Priz Broadel al Lennegezh Bugale e Spagn e 1996. Tresadennoù gant Maël Verot. Adalek 9 bloaz.
Liv an amzer Geriaoueg - Divyezhek 53 p. - 7,50 euro
Ma buhez berrloer Mariasun Landa, tr. Mark Kerrain Evit ar vugale adalek 8 vloaz 13 x 20 cm - 64 p. - 10 euro ISBN 978-2-9534848-9-2
Ur wech e oa ur c’hozh berrloer hag a oa aet skuizh gant e vuhez ouzh troad lous e vestr Kermoal. Un deiz, ne gav netra welloc’h d’ober eget lammat dre ar prenestr da vont da redek ar bed. Ha setu krog ur vuhez nevez. Ober anaoudegezh gant loened ha tud, bevañ estreget ouzh treid flaerius, prenañ skiant, stourm ouzh an dañjer, betek kavout ar garantez en ur mekanik-da-gannañ. Evit plijadur ar vugale hag ar grennarded, setu troidigezh ul levr nevez gant Mariasun Landa kaset da benn gant Mark Kerrain. Adalek 8 vloaz.
Naoned, Senegal Mark Kerrain 11 danevell verr evit an deskarded - Brezhoneg eeun 14,8 x 21 cm - 73 p. - 7 euro ISBN 978-2-9534848-1-6
Prest oc’h d’ober anaoudegezh gant un toullad tud iskis ? Setu Kerloc’h-Omnes, enklasker ha debrer pizza ; ur reder-noz spontet, hag a chom er gêr bremañ ; ur c’habiten eus Naoned ; ur vondianez eus Benac’h. Diwallit ouzh ar pesked a gavit en ho poest-lizheroù : pesked-Ebrel int marteze. Krenit o lenn gweladenn un amezeg war hon Douar-patatez. C’hoarzhit gant troiad Herve hag Enora da Virdi Roazhon. Selaouit istor ar priñs ha ne oa ket dimezet d’ur baourez. Hunvreit e Kêr Is hag ar briñsez Dahud. Dihunit goude emgann an Alre. Beajit da Afrika. Ha deskit penaos e oa ar vuhez a-raok amzer ar skinwel. Unnek kontadenn, kozh ha nevez, evit ar studierien.
Olifant kalon-evn Mariasun Landa, tr. Mark Kerrain Evit ar vugale adalek 7 vloaz - Evit ar re a zo o teskiñ 13 x 20 cm - 52 p. - 7 euro ISBN 978-2-9534848-0-9
"Bagad olifanted troet gant ar sevenadur a glask skolaerez gant spered a intrudu hag avanturus. Lojeiz e koadoù-meur Afrika. Boued : glazur nemetken. Gopr : kant tonellad bananez." Pa gav ar skolaerez al linennoù-se er gelaouenn Trompilh an Olifanted, petra a ra ? Hastañ buan respont da gemer al labour ! Skuizh eo aet ar paourkaezh plac’h o kelenn e skol ar c’hevnid ! Ha hi war nij da Afrika. Eno, er c’hoadoù-meur, n’eo ket heñvel an olifanted ouzh ar pezh zo skrivet el levrioù. Ha ne vez ket sioul ar stêrioù atav. Tresadennoù gant Degast’. Adalek 7 vloaz.
Pa nijo ar moc'h Mark Kerrain Troioù-lavar 14,8 x 21 cm - 134 p. - 10 euro ISBN 978-2-9534848-8-5
Lavaroù kentelius eo ar c’hrennlavaroù, met a bep seurt lavaroù a vo kavet amañ. Darn anezhe n’int nemet rimadelloù fentus evit tud vras. Enne, evel er c’hanaouennoù, e kaver skoazell da zeskiñ ha da gelenn, ha plijadur ouzhpenn da dañva spered ar sevenadur-pobl en deus o goveliet dimp hag a zo gwall bell diouzhimp bremañ. Tresadenn golo : Maël Verot.
Rapunzel ha pemp kontadenn all tr. Mark Kerrain Kontadennoù 13 x 20 cm - 51 p. - 5 euro ISBN 978-2-9534848-5-4
Brudet eo kontadennoù-pobl ar vreudeur Grimm, dastumet en Alamagn e deroù an 19^vet kantved. Darn zo deuet da vezañ filmoù, pell diouzh ar skrid orin alies. Amañ e vo kavet c’hwec’h kontadenn ha n’int ket ken anavezet ha Gwennerc’h pe Luduennig moarvat, met ken plijus e vint kavet da lenn gant an holl.
Teurel blaz war ar yezh Geriaoueg - Divyezhek 98 p. - 9,90 euro
Troit e brezhoneg Deskiñ 24 p. - 9,90 euro
Ur voutailh war an traezh Brezhoneg eeun 14,8 x 21 cm - 66 p. - 7 euro ISBN 978-2-9534848-3-0
Daouzek kontadenn evit an dud 'zo o teskiñ brezhoneg. Daouzek kentel evit aesaat ar vuhez. Arabat laerezh ar bankoù. Arabat debriñ fritez en tier-krampouezh. Arabat hunvreal e-pad an amzer-labour. Arabat troc'hañ kig en ospital. Gwelloc'h diwall ouzh ar c'hazh. Teñzorioù a gaver war an aod. Ne vez ket evet gwin pa zihuner da hanternoz. Diaes eo bezañ sekretourez. Aesoc'h eo bezañ laer. Brav eo bezañ krokodil. Dañjerus eo beajiñ en amzer. Daouzek kentel evit aesaat ar vuhez d'an deskarded war ar brezhoneg.
Yarig Koantik tr. Mark Kerrain Kontadenn 3 euro
Yarig Koantik a soñj dezhi emañ an oabl o vont da gouezhañ !