Embannadurioù Al Liamm

TRAOÙ KOUER

Herve Bihan

Herve Bihan ’zo bet ganet e Landreger e 1956. Kelenner brezhoneg eo e Skol-veur Roazhon 2 abaoe ur pemzek vloaz bennak. Ren a ra ar gelaouenn yezhoniezh Hor Yezh abaoe 1996. Tro en deus bet da embann danevelloù er gelaouenn Al Liamm hag ivez troidigezhioù diwar ar saozneg, ar spagnoleg, ar galizeg hag ar c’hembraeg, koulz e-barzh Al Liamm hag e-barzh Al Lanv.
Goude ma vije kriz a-walc’h an darvoudoù kontet gant Herve Bihan en e zanevelloù e tifluk prim hag en un doare dic’hortoz alies fent ha mousfent an Tregeriad a zo anezhañ.
Lod eus an danevelloù a zo tost kar d’an danevelloù polis: memes framm, memes entan, memes from. Mont a reer da heul ur “serial killer” pe ur paotr yaouank trelatet gant ar relijion ha war glask ur garantez na c’hell ket kaout, kejañ a reer gant ur c’higer aet skuizh gant e wreg ha mestr war ar c’hoari kontell...
Liesseurt eo an tudennoù er bed krouet gant Herve Bihan: kelennerien, klaskerien-vara, tud paour, lonkerien, hailhoned ha menec’h int ha kement hini anezho a c’hoari e berzh, mat pe fall, e poull-tro ar vuhez lusket gant karantezioù brevet, barradoù alfo ha dizesper, hurlinkoù deuet da wir, digasted ha sotoni an dud...
Lakaat a ra ivez Herve Bihan war-wel goulioù a vez pell o pareañ pa’z eus kaoz gantañ eus tonkad kriz ur paotrig yuzev e-pad an eil brezel bed pe mac’homerezh an arme c’hall en Aljeria.

12 € (+ 3 € evit ar mizoù-kas) - 13 x 20 cm - 148 pajenn - Skigner: Coop Breizh
ISBN 978-2-7368-0079-6

Mouladurioù Hor Yezh

AR BLOUKED

Youenn Cóic

Ereg a gare ar vro-se. D'e soñj e kare anezhi gwelloc'h ha kreñvoc'h eget an dud bet ganet enni. Eñ, ne oa ket genidik eus ar vro. Deuet e oa eus un tu bennak all. Ne oa ket bet diaes dezhañ feurmiñ un atant digant Pennkaol. Ar maezioù a oa troet da zidudañ. Abaoe ur pennad ez ae kuit ar baotred, dreist-holl ar re yaouankañ. Ne 'z ae ket mat an traoù. Tiegezh Pennkaol a yae da fall ivez. E dad a oa bet un aotrou pinvidik ha galloudus: politikerezh en doa graet. E dad-kozh a oa bet ur wech betek Roma. Pennkaol a yae war ziskar, a c'hellfed lavarout.

Dediet e oa bet al levr-mañ "d'ar gen Emsav ha d'an holl strolladoù a emsaverien", e Bro Vigoudenn hag e lec'h all, hiziv ha warc'hoazh, graet Bagaudoù anezho gant Youenn Cóic.

"Les Ploucs" a zo ul levr sebezus anezhañ, bet skrivet e penn kentañ ar bloavezhioù dek ha tri-ugent gant un istorour e spered leun a yaouankiz hag a frankiz, da zizoleiñ en-dro e brezhoneg.

15 € (+ 3 € evit ar mizoù-kas) - 14,8 x 21 cm - 172 pajenn - Skigner: Coop Breizh
ISBN 978-2-86863-158-9

Embannadurioù Chapitre

MA BLOAVEZH TIGR E JAPAN

Sylvie Servan-Schreiber, tr. Marion ha Gireg Konan

Desk peseurt loened zo er zodiak sinaat hag ur bern traoù diwar-benn Japan.
Gra un degemer mat d’an TIGR asambles gant Alis ha Manoñ.
Skriv un haiku ha tañva vioù tigrez !

Adalek 7 vloaz.

15 € (+ 3 € evit ar mizoù-kas) - 21,8 x 21,8 cm - 38 pajenn - Skigner: Coop Breizh
ISBN 978-2-915345-28-7

Gwerzh dre lizher:

Kuzul ar Brezhoneg

Embannadurioù Sav-Heol

OLIFANT KALON-EVN

Mariasun Landa, tr. Mark Kerrain

"Bagad olifanted troet gant ar sevenadur a glask skolaerez gant spered a intrudu hag avanturus. Lojeiz e koadoù-meur Afrika. Boued : glazur nemetken. Gopr : kant tonellad bananez."
Pa gav ar skolaerez al linennoù-se er gelaouenn Trompilh an Olifanted, petra a ra ? Hastañ buan respont da gemer al labour ! Skuizh eo aet ar paourkaezh plac’h o kelenn e skol ar c’hevnid ! Ha hi war nij da Afrika. Eno, er c’hoadoù-meur, n’eo ket heñvel an olifanted ouzh ar pezh zo skrivet el levrioù. Ha ne vez ket sioul ar stêrioù atav.
Tresadennoù gant Degast’.

Adalek 7 vloaz.

7 € (+ 3 € evit ar mizoù-kas) - 13 x 20 cm - 52 pajenn - Skigner: Sav-Heol
ISBN 978-2-9534848-0-9

Embannadurioù An Alarc'h

C'ETAIT COMME CA

Herve Herri

E 1982 ec’h embannas Al Liamm "Evel-se e oamp" (priz Langleiz 1981), skrivet gant Herve Herri, anv pluenn Per Roy. Kontañ a ra ennañ e eñvorennoù pa oa krennard o teskiñ ar vicher en un ti-moullañ e Montroulez e penn kentañ an ugentvet kantved. Izili eus ar gevredigezh Kelc’h Sevenadurel Brezhonek Bro Montroulez o deus troet an destenn e galleg.

12 € (+ 3 € evit ar mizoù-kas) - 11,5 x 18,5 cm - 210 pajenn - Skigner: Coop Breizh
ISBN 978-2-916835-18-1

15 € an daou levr -galleg ha brezhoneg- (+ 3 € evit ar mizoù-kas)

Embannadurioù An Alarc'h

AR GITAR TREDAN

Jakez-Erwan Mouton

E dibenn an ugentvet kantved emañ ar sonerezh punk gant e skedoù diwezhañ. Erwan, paotr bord ar mor, eo gitarour ha pennkaner ar strollad The Privateers. Ha treuzañ a ray e sonerezh ar speurenn en deus savet etre ar bed hag eñ? Daoust ha lakaat a ray e galon da vezañ leuniet gant karantez? Gwall rouestl a zegaso e buhez Estelle, plac'h kêr, poellek ha parfet, tapet he c'halon gant unan all dija.

Jakez-Erwan Mouton a daolenn dimp un istor tud ha karantez e kevredigezh disleberik ha reuzus studierien ha yaouankizoù an amzer-se. Priz kentañ ar Yaouankiz en devoa tapet e 2007 gant e romant "Katrina".

8,50 € (+ 3 € evit ar mizoù-kas) - 12 x 19 cm - 102 pajenn - Skigner: An Alarc'h
ISBN 978-2-916835-17-4

Mouladurioù Hor Yezh

AR C'HRIST D'AN AMERINDIANED

eil levrenn

Youenn Troal

Setu embannet eil levrenn va c'hentañ amzervezh war 1500 metrad a uhelder, ouzh adsteudadoù an Andoù. Ha se eus 1963 da 1968. Distroet e 1973, e chomin adarre tri bloaz war an hevelep "montaña" evit echuiñ ur c'houlzad all a dro bloaz war 3500 metrad, gant ur c'hrapad da 4000 metrad evit ober ar person en iliz-kador uhelañ ar bed goude hini Potosi e Bolivia. Lenner yezhkarour, e-mesk pour ha triñchin, e c'halli marteze pennaouiñ un draig bennak hag a blijo dit.

16 € (+ 3 € evit ar mizoù-kas) - 14,8 x 21 cm - 272 pajenn - Skigner: Coop Breizh
ISBN 978-2-86863-157-2

Mouladurioù Hor Yezh

SONATA IN E. MINOR

Kristian Brisson

Nils ha Swen. Penaos anavezout an eil diouzh egile? Padal e c'hello ar re dostañ outo dielfennañ a-wechoù perzhioù -sioù?- e daoulagad sklaer an eil pe e daoulagad teñval egile. Na pa vefe bet start ha kreñv al liammoù etre an daou vreur gevell adalek o bugaleaj tener e c'hoarvezo alies ganto mont disparti-krenn war an hentoù a vo tonket dezhe bale warno. Koulskoude e tremeno ur vezañs en o buhez ha ganti e savo freuz ha reuz hag a c'hellfe treiñ da gasoni, allas!...
Lusk-dilusk ez aio an darvoudoù en-dro war don ar Sonata in E. Minor, laouen ha trist tro-ha-tro. Ha pep darvoud a vo heñvel a-walc'h ouzh unan pe unan eus ar pevar luskad a ya d'ober ar pezh sonerezh-se. Hag ouzh he selaou e tigor dor ar fromoù.

15 € (+ 3 € evit ar mizoù-kas) - 14,8 x 21 cm - 180 pajenn - Skigner: Coop Breizh
ISBN 978-2-86863-156-5

Embannadurioù An Alarc'h

KAN AR MEIN

Mich Beyer

2008. Den ne oar pelec’h eo tremenet Aleks Pennanroz... Da grediñ ’zo eo steuziet mik an den yaouank goude ma oa bet profet ur CD dezhañ gant e vignon Gabriel Gwareger, ha ma oa aet betek abati Boisgermont da beurgas ur studiadenn da benn... 1348. Tec’het kuit ur manac'h yaouank donezonet eus un abati da heul steuziadenn ur parch sonerezh dibriz ha marv kriz unan eus ar venec'h... Dreist d’ar c'hantvedoù, dre hentoù arvarus an Amzer, eo e tisoc'ho an istor-mañ.
Setu amañ pevare romant Mich Beyer embannet e ti an Alarc’h. Tapet he deus un dornad mat a brizioù evito : priz frañs 3, priz Langleiz, priz Sten Kidna, priz Imram. Ha mall vez bepred gant al lennerien dizoloiñ he skridoù nevez.

pajenn gentañ

11 € (+ 3 € evit ar mizoù-kas) - 12 x 19 cm - 238 pajenn - Skigner: An Alarc'h
ISBN 978-2-916835-16-7

Embannadurioù T.I.R.

CARNAVAL et autres poèmes
FEIS agus dánta eile

Nuala Ní Dhomhnaill

Bet ganet el Lancashire, he deus desket Nuala Ní Dhomhnaill gouezeleg er c’h/Kerry hag aet d’ar skol-veur e Corgaigh. Deuet eo da vezañ ur varzhez vras e bed al lennegezh c’houezeleg a hiziv. Ober a ra, en un doare donezonet, ur meskaj etre danvezioù modern ha lennegezh kozh Bro Iwerzhon.

pajenn gentañ

12 € (+ 3 € evit ar mizoù-kas) - 14,5 x 20,5 cm - 180 pajenn - Skigner: TIR
ISBN 978-2-917681-04-6

Embannadurioù Bannoù-Heol

LEO HA POPI

pajenn gentañ

2 € pep hini (+ 3 € evit ar mizoù-kas) - 14,5 x 14,5 cm - 16 pajenn
E ti ar medisin - ISBN 978-2-9136-5242-2
Er zoo - ISBN 978-2-9136-5241-5
Ur furlukin en diwallerezh - ISBN 978-2-9136-5243-9
Heuzoù Leo - ISBN 978-2-9136-5244-6
Leo oc'h adkavout e di - ISBN 978-2-9136-5240-8
Deomp d'an diwallerezh - ISBN 978-2-9136-5239-2

Embannadurioù Al Liamm

LIÑVADENN KASTELLAODREN ha danevelloù all

PRIZ LANGLEIZ 2009

Herve Gouedard

N'eus ket da dortal, Herve Gouedard a oar kas al lenner d'e heul ha rannañ gantañ ar bed, intret a chaok, a enkrez, a zaeloù, difluket diwar e faltazi hag e ijin. Gant kalz ampartiz e oar itrikañ istorioù skrijus evel 'Liñvadenn Kastellaodren" ha lakaat anat ene trubuilhet e harozed evel en danevell "Stille Nacht" da skouer. An tudennoù krouet gantañ a zo tud, kig hag eskern anezho, renet gant o sorc'hennoù hag o c'hoantoù diroll, ha koll o furnez a reont pa fell dezho mont betek penn o mennad. N'int ket mestr ken war o amzer da zont ha koll a reont lies gwech. Diskouez splann lodenn deñval hon ene, diguzhat an tasmantaù a vag hon hunvreoù kuzh, furchal e don askre mab-den ha diskoachañ e wanderioù, sed aze perzhioù dibar skridoù Herve Gouedard.

pajenn gentañ

15 € (+ 3 € evit ar mizoù-kas) - 13 x 20 cm - 400 pajenn - Skigner: Coop Breizh
ISBN 978-2-7368-0075-8

Embannadurioù Al Liamm

BARZHAZ AN NAON DU

Erwan Hupel

Bannoù-treset. Ha naon ho peus bet dija? Ne lavaran ket an naon a vez torret gant gortozenn dek eur. Nann avat! An naon du emeve. An naon ki. Naon ar bonedoù ruz, Naon Conlie. Ar bouzelloù ruz. Ar yun, an anken. An naon da zebriñ mein...

pajenn gentañ

10 € (+ 3 € evit ar mizoù-kas) - 21 x 29,5 cm - 32 pajenn - Skigner: Coop Breizh
ISBN 978-2-7368-0078-9

Embannadurioù Al Liamm

A-BELL HAG A-DOST

Reun ar C'halan

Danevelloù.

pajenn gentañ

13 € (+ 3 € evit ar mizoù-kas) - 15,5 x 22 cm - 364 pajenn - Skigner: Coop Breizh
ISBN 978-2-7368-0077-2

Embannadurioù An Alarc'h

GOULOÙ SALOMON

Bryan Delaney, tr. Malo Bouëssel du Bourg

Salomon a zo anezhañ ul lampon pevarzek vloaz hag a vev en ul lochenn e biojoù ur gêr vihan. Kerzhet a ra betek plasenn kreiz-kêr gant e gi, e Vibl mastaret, ha kaouedadoù pintiged. Krapat a ra gant ur wezenn ha diwarni ec'h embann war ar groaz munudoù fallagriezh kuzhet kêriz. Gogeal a ra Salomon. Sevel a ra kanaouennoù ha prezegennoù ferv ha fentus war un dro, en ur varmouzañ gant dansoù feuls ar re a zo o pakañ o fegement gantañ. Met, a zeiz da zeiz, bep ma tispak e zonezonoù dreistwelour, e teu da vezañ dall gant ar banne. Daoust ha gallout a raio ar gumuniezh mantret ha mezhekaet pardonañ dezhañ bezañ bet he c'houstiañs fall. Sed ur flemmgan modern diwar-benn pilpouzerezh hor c'hevredigezh. Bryan Delaney n'en deus ket e bar evit kemmeskañ fent, krizder ha barzhoniezh. E yezh rust ha livus a vo kavet da, hep ket a var, gant ar re a blij dezho helavarded Synge ha gwirvoudelezh O'Casey.

pajenn gentañ

5 € (+ 3 € evit ar mizoù-kas) - 10 x 19 cm - 60 pajenn - Skigner: An Alarc'h
ISBN 978-2-916835-15-0

Embannadurioù Al Liamm

HENT ARKADIUS

David ar Gall

Gouzout a raemp e oa danvez skrivagnerien nevez e Breizh. Gant an tolpad danevelloù-mañ e kompreno al lenner emañ David ar Gall, gwenedour eus Bro-Bourlet, da vezañ lakaet e-touez ar re varrekañ ha soutilañ, ar re eo puilh o awen ha ouesk o fluenn. Lakaat a ra war-wel ur bed liesliv: a-wezhioù teñval ha du, livañ a ra bedoù kriz, amzerioù da zont goulazhet, bedoù pulluc'het, gant fent ur Gwenedour evel-just. Gwezhioù all e vo trec'h ar vuhez, ar garantez. War hent Arkadius ne c'hell ket an enoe bout trec'h gwezh ebet...

pajenn gentañ

13 € (+ 3 € evit ar mizoù-kas) - 15,5 x 22 cm - 172 pajenn - Skigner: Coop Breizh
ISBN 978-2-7368-0076-5

Mouladurioù Hor Yezh

DEC'H ZO RE BELL DIJA

Annaig Renault

ADEMBANNADUR

"O klevout embann ar raganv-se, dianav eviti, gant an ton mouezh-se, raganv an hini dianav he doa-hi bepred anvet Mamm, e tigoras enni ur puñs. An troc'h he doa klasket herzel outañ abaoe Pariz"...

Ur c'hlask eo buhez pep hini. Digeriñ a ra hentoù dic'hortoz, dibaboù a zo ret ober, hep tamm skoazell ebet, a-benn sevel tamm-ha-tamm betek ar stad a zen.

pajenn gentañ

13 € (+ 3 € evit ar mizoù-kas) - 14,8 x 21 cm - 140 pajenn - Skigner: Coop Breizh
ISBN 978-2-86863-155-8

Embannadurioù Al Lanv

AN TREUZSTUMMADUR

Franz Kafka, tr. Yann Talbot

Ur beure, en ur zihuniñ, en em gav Gregor Samsa, un beajour kenwerzh anezhañ, treuzstummet en un euzhvil. Neuze e krog evitañ ur vuhez nevez, ret dezhañ en em voazañ ouzh e neuz dic’hortoz, ret d’e dud, d’e amezeien, en em voazañ outañ. Alese e breder war tonkadur Mab-den, petra eo ar vuhez, petra eo bezañ den, daoust ha n’omp ket euzhviled e stumm pe stumm pep hini ac’hanomp ?Lakaet a-gostez eus e diegezh hag eus ar gevredigezh, sellet outañ evel ouzh ul loen rukunus ha n’eo ket mui evel ouzh un den, gant ar soñj eo deuet da vezañ un dra diezhomm hag ur pouez dic’houzañvus evit e dud, gloazet en e gorf hag en e ene en em lezo da vervel evit reiñ ar frankiz d’ar re a gare.Ha n’eo ket un heklev eus darvoudoù skrijusañ an ugentved kantved hon eus da glevout amañ ?

pajenn gentañ

10 € (+ 3 € evit ar mizoù-kas) - 12,5 x 18,5 cm - 122 pajenn - Skigner: Coop Breizh
ISBN 978-2-916745-07-7

Embannadurioù An Alarc'h

TEOD AR BALAFENNED

Manuel Rivas, tr. Mark Kerrain

Sonerezh Galiza zo anavezet e Breizh, he lennegezh avat n’eo ket. Poent e oa kavout ul levr gant danevelloù eus ar vro-hont, ha n’haller ket kinnig gwelloc’h eget danevelloù Manuel Rivas, ur skrivagner brudet en e vro.
Komz a ra deomp eus e bobl, labourerien, pesketaerien, ha divroidi, doujañs ennañ ouzh an dud reuzeudik, kalet ha bresk war un dro, prest da dec’hel en o hunvreoù. Komz a ra deomp eus karantez, ouzh an dud evel ouzh ar vuhez, en tu all da gorventennoù an ebr hag an Istor.
Ur film zo bet savet gant an danevell « Teod ar balafenned » e 1999.

pajenn gentañ

6,50 € (+ 3 € evit ar mizoù-kas) - 12 x 19 cm - 56 pajenn - Skigner: An Alarc'h
ISBN 978-2-916835-14-3

PRIZ FRAÑS 3 2010

Embannadurioù Al Lanv

DREMMOÙ ARRASATE

Youenn Kervalan

Ur Vreizhadez yaouank, en em savet a-enep un tad rust hag aheurtet, a zibab pellaat diouzh ar vro ha mont war ar studi e Bourdel. Boulc’hañ a ra gant ur vuhez nevez, roulañ he yaouankiz. E preti ar skol-veur e voe taolet er vann he fladad boued, abalamour d’ur stokadenn gant ur studier dievezh, a zistagas kerkent un aridennad komzoù digomprenus d’en em zigareziñ. E-giz-se eo e reas Lizig Gwiader anaoudegezh gant ur studier euskarat anvet Koldo Ibarra. Kroashent div vuhez, div vro, div bobl, ur garantez, un emskiant...

pajenn gentañ

13 € (+ 3 € evit ar mizoù-kas) - 12,5 x 18,5 cm - 256 pajenn - Skigner: Coop Breizh
ISBN 978-2-916745-08-4

Embannadurioù An Alarc'h

GERIADUR AN ARVOR

Per Pondaven

A-raok dezhañ koll e vuhez war vor, hag eñ gwall yaouank c’hoazh (45 bloaz ne oa ken), en doa kaset Per Pondaven ur pezh mell labour dastum e-touez brezhonegerien Arvor Bro-Leon. Anavezet eo bremañ e labourioù diwar-benn an anvioù-lec’h hag an anvioù-tud.
Savet e oa bet ivez gantañ ur geriadur hag a ziskouez deomp gerioù bet klevet e-touez Arvoriz ha komprenet mat c’hoazh an darn vrasañ anezho. Teir lodenn a ya d’ober ar studiadenn-mañ. Da gentañ, ar gerioù implijet e lec’hanvadurezh bord ar mor, gant skouerioù prizius roet da heul. Da eil, „ar mor o vevañ“, kaoz a vez diwar-benn ar mor, fur pe foll, ar mareoù hag an divareoù, atav gerioù bet testeniet el lec’hanvadurezh. An trede a zo disheñvel un tammig: gerioù teknikel hag a sell ouzh ar pesketaerezh.
Ul labour pizh ha pinvidik eo hag a zeu da greskiñ a-feson hon anaoudegezh eus brezhoneg ar mor.

pajenn gentañ

10 € (+ 3 € evit ar mizoù-kas) - 14,5 x 20,5 cm - 90 pajenn - Skigner: An Alarc'h
ISBN 978-2-916835-13-6

Embannadurioù An Alarc'h

TEÑVALIJENN

Mich Beyer

Evit peurechuiñ he romant diwezhañ ez a Elena da dremen un toullad devezhioù e sioulder Enez Sav. Met kejañ gant ur skrivagner dianav dezhi war an enezenn a lakao, da vat, mesk ha freuz en he buhez.

pajenn gentañ

9 € (+ 3 € evit ar mizoù-kas) - 12 x 19 cm - 116 pajenn - Skigner: An Alarc'h
ISBN 978-2-916835-11-2

Embannadurioù An Alarc'h

AR ROC'H / LE ROC

Yann Fulub Dupuy

LEVR DIVYEZHEK BREZHONEG / GALLEG

Bodet ez eus bet amañ istorioù berr : karantezioù diaes dezho dont da wir, bout sevenet, bout diskuliet, buhezioù foeltret gant an dilavar pe an argrediñ.

pajenn gentañ

10 € (+ 3 € evit ar mizoù-kas) - 12 x 19 cm - 180 pajenn - Skigner: An Alarc'h
ISBN 978-2-916835-12-9

Embannadurioù T.I.R.

BRETAGNE ET IRLANDE : PEREGRINATIONS
Mélanges à Jean Brihault

Testennoù strollet gant Yann Bevant hag Anne Goarzin

Cet ouvrage regroupe les contributions d'universitaires, collègues ou amis, en l'honneur de Jean Brihault, Professeur émérite en études irlandaises, ancien directeur du Centre d'Etudes Irlandaises de Rennes 2, université dont il fut par ailleurs le Président de 1996 à 2001. Les pérégrinations intellectuelles des uns et des autres sont, par leur diversité, à l'image du dynamisme de Jean Brihault, lecteur enthousiaste, curieux de la langue anglaise aussi bien que la langue irlandaise -qu'elle soit poétique, chantée ou parlée. Tous les contributeurs à ce volume savent ce qu'ils doivent à Jean et à son ardeur au travail, son enthousiasme, son rayonnement intellectuel. Les articles ici réunis, écrits par des enseignants-chercheurs en études irlandaises et en études bretonnes et celtiques en France et en Irlande, attestent de la grande vitalité d'une recherche collective que Jean Brihault s'est toujours attaché à susciter et encourager.
Yann Bevant est Maitre de conférences, spécialiste de civilisation irlandaise, membre du Centre d'Etudes Irlandaises, composante du Centre de Recherche Bretonne et Celtique de l'Université Rennes 2. Anne Goarzin est Professeur de littérature et de culture irlandaises et directrice du Centre d'Etudes Irlandaises, composante du Centre de Recherche Bretonne et Celtique de l'Université Rennes 2.

pajenn gentañ

21 € (+ 3 € evit ar mizoù-kas) - 14,5 x 21 cm - 264 pajenn - Skigner: TIR
ISBN 978-2-917681-03-9

Embannadurioù Al Liamm

CHEESEBURGER HA YOD SILET

Yann Gerven

An darn vrasañ eus an danevelloù embannet en torkad-mañ a oa bet embannet er gelaouenn Al Liamm etre 1998 ha 2007. An ostaleri hanter-hent a oa bet embannet da geñver Gouel al Levrioù e Karaez gant Egin ha Triboluc’hañs a oa bet embannet gant ar Falz en e gannadig "Maen Lemmañ"... Ma ‘z eus anv eus Cheesburger en titl n’eo ket evit meuliñ ar bouedaj-se met abalamour d’ar yaouankizoù a zo kaoz anezho en torkad-mañ ha Yod silet abalamour d’ar rummad tud koshoc’h a gejer ganto aliezik a-walc’h ivez.

pajenn gentañ

15 € (+ 3 € evit ar mizoù-kas) - 368 pajenn - Skigner: Coop Breizh
ISBN 2-7368-0074-1

Embannadurioù Al Lanv

KERNALEGENN, Ur familh 1426-2008

Daniel Kernalegenn

Savet eo bet al levr-mañ evit an dud anvet Kernalegenn hag ar re o deus Kernalegenned e-touesk o hendadoù. Skrivet eo bet ivez evit ar re, niverus hiziv an deiz, a ra pe o deus c'hoant ober furchadegoù evit gouzout un tamm bihan eus buhez o familh er c'hantvedoù tremenet. Marteze e kavint ennañ hentoù nevez da heuliañ e-touesk an titouroù hag an daveoù niverus meneget. Dedennet e vo c'hoazh ar re a zo tomm o c'halon ouzh ar vuhez gwechall e Kerne ha resisoc'h c'hoazh e Bro C'hlazig.

15 € (+ 3 € evit ar mizoù-kas) - 20 x 20 cm - 212 pajenn - Skigner: Al Lanv
ISBN 978-2-916745-06-0

Embannadurioù An Alarc'h

TAN HA SKORN AN NOZ

A-stroll

Digoret eo bet dorioù an noz gant 10 skrivagner a-vremañ...
Etre daou benn an noz e tiskouez an traoù bezañ amplaet ha kizidikaet: ar skrij, ar garantez hag ar fent... du?

pajenn gentañ

9 € (+ 3 € evit ar mizoù-kas) - 12 x 19 cm - 112 pajenn - Skigner: An Alarc'h
ISBN 978-2-916835-09-9