E Napoli, goude ar brezel, e vev un emzivad yaouank bet kemeret dindan divaskell ar porzhier don Gaetano. Un den mat ha brokus eo don Gaetano ha tomm eo e galon ouzh ar paotrig. Hemañ a zesko digantañ darvoudoù ar brezel, c’hoari ’r c’hartoù, bitrakiñ, traoùigoù ar vuhez pemdeziek hag ar garantez.
Donezonet eo don Gaetano pa ’z eo barrek da lenn e pennoù an dud. Gouzout a ra eo prederiet ar paotrig gant skeudenn ur plac’h yaouank damwelet gantañ a-dreñv he frenestr pa oa-eñ o c’hoari mell-droad er porzh. Bloavezhioù war-lerc’h, pa zistroio ar plac’h yaouank en do ezhomm ar c’hrennard skoazell digant don Gaetano…