Nag a levenez hag a frankiz pa teu an hañv hag ez eo echu gant ar skol. Neuze e c'hell Rodrig mont da redek war an tevenn, kantren e-touez ar reier, analat c'hwezh ar bezhin, sellet ouzh ar mor... hunvreal. Vona, ur vignonez a-gozh, a vez e Koad-manac'h ivez e-pad ar vakañsoù ha plijet eo Rodrig en he c'hompagnunezh. P’en em gav Agat avat ez eo un afer all, hag un tamm fonnusoc'h e sko e galon en e greiz.