Diazezet eo al levr-mañ war Notennoù diwar-benn ar Gelted Kozh, o istor hag o sevenadur bet skrivet gant Meven Mordiern, troet e brezhoneg gant Abherve (Frañsez Vallée) hag embannet e penn kentañ an XX^vet kantved dindan stumm kaieradoù hep tamm tresadenn ebet enne koulz lavarout, met chomet int hep bezañ diamzeret.

Ar grafour Serj Pineau en deus klasket dave ha tresadennoù hag a yafe da heul an testennoù en embannadurioù arkeologel a bep seurt. Gant donezon, aked hag amzer en deus skeudennaouet un azasadur e galleg. Al lennerien a c’hello dizoleiñ el levrenn divyezhek gentañ-mañ ul lodenn eus buhez ha sevenadur ar Gelted kozh.