Kuzul ar Brezhoneg

Bodad aozadurioù sevenadurel brezhonek

Nevezentioù

  • Seizh tra da ober

    Koshaat n’eo ket dre ret mont war fallaat. Harozh an istor-mañ n’eo ket yaouank ken met dav lâret ez eus begon e-leizh ennañ c’hoazh. Ret eo dezhañ kuitaat e gêriadenn e Kreiz-Breizh ha n’eus dibab all ebet estreget mont gant red ar bed o virviñ er gêr vras en-dro dezhañ...
    Petra c’hoarvezo neuze gant an tasmantoù a vez o vagañ e soñjoù liesoc’h-lies ken int deuet da vezañ ur samm evitañ ?

    Jean Le Clerc de la Herverie en doa bet priz 2017 ar brezhoneg gant Kêr Gemper evit ar romant-mañ.
    Ti-embann: 
    ISBN: 
    978-2-7368-0128-1
    Bloaz: 
    2018
    Niver a bajennoù: 
    146
    Ment: 
    13x20
    Skignet gant: 
    Coop Breizh
    Yezh(où) ar produ: 
    12,00 €
  • Prederiadennoù

    548 prederiadenn gant diazezer kevelourioù Arrasate (Mondragón) war mab-den, ar gevredigezh, al labour, ar c'hevelourioù.

    An aotrou Jose Maria Arizmendiarrieta (1915-1976)
    Diazezer luskad kevelourioù Arrasate (Mondragón Corporation) eo bet Jose Maria Arizmendiarrieta. Ur beleg euskarat denelour gwiriziennet don e poblad kêr c'hreantel Arrasate e paourentez hag e gwaskerezh ar bloavezhioù goude ar brezel sivil.
    Diazezet eo e veizerezh war dinded mab-den ha war e gefridi da dreuzfurmiñ ar bed a-stroll dre al labour. A-unan gant ur boblad kengred en deus gouezet magañ ar goanag hag ar strivadeg da sevel ar c'hevelourioù kentañ ha tamm-ha-tamm al luskad kevelourel, egin ur patrom armerzhel disheñvel.

    Troet diwar ar c'hastilhaneg hag an euskareg gant Padrig an Habask.
    Ti-embann: 
    ISBN: 
    978-2-916745-28-2
    Bloaz: 
    2018
    Niver a bajennoù: 
    234
    Ment: 
    10x15
    Skignet gant: 
    Coop Breizh
    Troet gant: 
    Yezh(où) ar produ: 
    14,00 €
  • Ar priñs-forbann

    Skrivet gant: 
    Tresadennoù gant: 
    Istor ur priñs dinac'het gant e dad, ar roue. Hemañ a zo trelatet gant diouganadenn ur sorser drouk. Ne vo ket plaen hentoù ar vuhez evit ar priñs yaouank harluet. Dre chañs en deus ur c'hoar garantezus !
    Ti-embann: 
    ISBN: 
    978-2-916745-27-5
    Bloaz: 
    2018
    Niver a bajennoù: 
    144
    Ment: 
    18x18
    Skignet gant: 
    Coop Breizh
    Yezh(où) ar produ: 
    16,00 €
  • Hor Yezh

    Niverenn: 
    294
    Juin 2018
    Diverrañ: 
    Herve Bihan Tremenuan an Ytron Guerches Maria & Buhez Mab Den
    Ti-embann: 
    Priz: 
    Hor Yezh : Le numéro: 8 € + 1,50 € de frais de port.
    9,50 €
  • Pevar mignon e-touez an erc'h

    Skrivet gant: 
    Tresadennoù gant: 
    Setu ar yar fri-ouzh-fri gant ar c’hazh :
    "Petra emaout oc’h ober er-maez gant an amzer yen-mañ ?" eme ar c’hazh.
    "Deus ganin," eme ar yar. "Ma ne deuez ket, eo te a vo poazhet da Nedeleg."

    Kontadenn eus Europa.
    Ti-embann: 
    ISBN: 
    979-10-90456-32-7
    Bloaz: 
    2018
    Niver a bajennoù: 
    20
    Ment: 
    16.5x16.5
    Troet gant: 
    Yezh(où) ar produ: 
    6,00 €
  • Al Liamm

    Niverenn: 
    428
    Mai-Juin 2018
    Diverrañ: 
    BARZHONEGOÙ
    Barzhonegoù Tekla, gant Jeanne GOARIN (bzhg gant Riwal HUON)
    1918, gant Tugdual KALVEZ
    Bro-Vongolia, gant Yann-Erwan FLAGEUL

    DANEVELLOÙ
    E kavandenn ar roue Stevan, gant Fulup LANNUZEL
    Mont ’maez an hent, gant Lan TANGI
    Ar seizhvet nozvezh, gant Danièle RONDEAU
    E-tal ar C’harn Bras, gant Armel LE SEC’H

    SKRIVAGNERIEN
    Gwendal Denez, Diskar an doare da skrivañ, gant Al Liamm & Brezhoweb

    HEKLEV SEVENADUREL
    A-dreuz lenn
    Petra nevez ?
    Notennoù

    STUDIADENN
    Rosalie Leon (1832 - 1886), gant Herri PRIGENT

    BEAJIÑ
    Khövsgöl-Bro-Vongolia, pe Eien tomm Bulnai, gant Yann-Erwan FLAGEUL

    ISTOR SOKIAL AR BREZHONEG
    Ul lizher dispaket gant ur Breton mat d’ur Breton fall, gant Erwan HUPEL
    Ti-embann: 
    Priz: 
    Le numéro: 7 € + 1,50 € de frais de port.
    8,50 €
  • Istor ar vatezh ruz

    Skrivet gant: 
    En he romant Istor ar Vatezh Ruz e tezrevell Margaret Atwood diskar ar stad a wir e Stadoù-Unanet Amerika, moarvat e dibenn an ugentvet kantved. Renet eo ar vro, anvet Republik Gilead, gant puritaned eus ar strishañ.
    Da heul gwallzarvoudoù nukleel, saotradurioù kimiek ha gwallreuzioù all eo aet feur genel ar boblañs war zigresk en un doare drastus. Un digarez evit ar renad nevez da zistreiñ d’an “talvoudoù hengounel”, hag evit saveteiñ an denelezh – gouez d’ar vistri – da lemel o holl wirioù ha frankizoù digant ar merc’hed en ur reiñ dezho kefridioù arbennik.
    Setu penaos eo bet rediet ar merc’hed frouezhus da vont da vatezh. Gant saeoù ruz ha koefoù gwenn e vezont gwisket ha dre heg e vezont lakaet da barañ gant pennoù uhelañ ar renad ha da zougen o bugale.
    Setu amañ istor unan eus ar mitizhien-se.
    Ti-embann: 
    ISBN: 
    978-2-916835-87-7
    Bloaz: 
    2018
    Niver a bajennoù: 
    440
    Ment: 
    12 x 19 cm
    Troet gant: 
    Yezh(où) ar produ: 
    Danvez: 
    15,00 €
  • Barzhonegoù war an talbenn, Poèmes du front

    Penaos e c’heller war un dro brezeliñ, lakaat e ganol da grañchat, ha skrivañ barzhonegoù bet embannet ingal en ur gelaouenn vrezhonek sizhuniek ?
    Yann Mari Normand a oa labourer-douar ha barzh. War an talbenn, eta, e-pad brezel 1914-1918 en doa en em lakaet da skrivañ barzhonegoù e brezhoneg a voe embannet gant ar gelaouenn Kroaz ar Vretoned er bloavezhioù 1917, 1918 ha 1919. Distro diouzh ar brezel e kuitaas tiegezh e dad e Gwiglann evit dimeziñ ha mont da sevel tiegezh e Kerdro e Sant-Tegoneg. Er bloavezhioù 30 e krogas en e bluenn en-dro met ne chom roud ebet eus e varzhoniezh. Ganet e oa bet e Gwiglann e 1886 ha marvet e Sant-Tegoneg e 1961.
    Ar barzhonegoù bet skrivet e brezhoneg gant Yann Mari Normand e-pad ar brezel bed kentañ a zo bet dastumet ha prientet evit an embann gant Jean Normand, Yvonne Martin et Joseph Martin. Kinniget int el levr-mañ gant o dornskrid hag o zroidigezh e galleg.
    Ti-embann: 
    ISBN: 
    978-2-917681-39-8
    Bloaz: 
    2018
    Niver a bajennoù: 
    448
    Ment: 
    14,5 x 20,5 cm
    Yezh(où) ar produ: 

    Dibaboù doare kas

    Tarif: 
    25€ + 5€ de frais de port
    30,00 €
  • Arabat dit mont d'ar skol !

    Skrivet gant: 
    Tresadennoù gant: 
    Levr skeudennet kaer evit bugaligoù. Istor fentus ha tener Benno, un arzhig bihan, a zo da vont d'ar skol evit ar wech kentañ. Laouen-tre eo. E vamm, avat, a zo nec'het. Rankout a raio an hini bihan kalonekaat e vammig !
    Ti-embann: 
    ISBN: 
    978-2-916745-26-8
    Bloaz: 
    2018
    Niver a bajennoù: 
    34
    Ment: 
    26,5 x 23
    Skignet gant: 
    Coop Breizh
    Troet gant: 
    Yezh(où) ar produ: 
    8,50 €
  • Al Lanv

    Niverenn: 
    144
    Even 2018
    Diverrañ: 

    Pennad-stur
    Yann Talbot, beleg ha stourmer - Jef Philippe
    Bennozh Doue !  - Padrig an Habask
    Yann Talbot, ur vouezh - Riwanon Kervella
    Abad Brelevenez - Youenn Kervalan
    Bez Koad Kev - Youenn Kervalan
    Martial Menard evel ’m eus anavezet anezhañ… (4) - Charlie Grall
    « Teñzor » an Ardeven  -Daniel Carré
    Ar zonerien - Paol ar Meur
    Prenañ ur ranndi war sevel - Iwan Gwegan
    Echuet eo gant E.T.A. ! - Charlie Grall
    E koun un den anterin - Loeiz Gwilhoù
    Referendom e Republik Iwerzhon war an diforc’hañ : trec’h « Tá » - Éamon Ó Ciosáin
    Radio Kerne Naoned - Loeiz Gwilhoù
    Keleier an embann - Alan Botrel
    Kollet en noz - Yulia Borisova

    Ti-embann: 
    Priz: 
    Al Lanv : Le numéro: 8 € + 1,50 € de frais de port
    9,50 €
  • Mon carnet de guerre 1914-1919

    Skrivet gant: 
    E meur a geñver e voe Charles Le Goffic — Breizhad kar-e-vro anezhañ — un test eus an dibab eus ar brezel bed kentañ. E Pariz e veze e-pad al lodenn vrasañ eus ar bloaz ha dre-se en doa skoulmet darempredoù gant pennoù bras eus an arme — ar jeneral Ferdinand Foch en o zouez —, gant skrivagnerien, embannerien ha kazetennerien ha gant dilennidi ivez. A-drugarez da se eo e c’hellas dastum ditouroù ha gwelet dielloù a implijas goude-se evit skrivañ e « zeizlevr brezel ». Pa veze e Breizh e kemere perzh er vuhez lec’hel hag e taremprede livourien, arzourien ha pennoù bras eus bed al lennegezh a veze e Perroz-Gireg ha tro-war-dro. Tad ur stourmer e oa ivez, hini ar medisin a vor Jean Le Goffic.
    Ma n’eo ket bet embannet al levr-mañ — daoust m’eo talvoudus evit a sell ouzh brezel 1914-1918 — eo abalamour ma’z eus meneget tud eus kement metoù zo ennañ… ha n’eo ket hepken evit lavaret vad diwar o fenn ! Dav lavaret, avat, ez eo al levr-mañ un dever a vemor ivez, hag an dra-se a rank bezañ graet gant an holl ac’hanomp, pa vo lidet kantvet deiz-ha-bloaz fin ar brezel bras er bloaz-mañ.
    Kaoz a vo eus al levr-mañ, sur ha n’eo ket marteze, pa’z eo dezrevellet ennañ, a zeiz da zeiz, heuliadoù ar brezel war an talbenn ha war vor, e Pariz kerkoulz hag e Treger.
    Ganet e voe Charles Le Goffic d’ar 14 a viz Gouhere 1863 e Lannuon ha mervel a reas er memes kêr, e ti e vab, d’an 12 a viz C’hwevrer 1932. Barzh, skrivagner romantoù, kazetenner ha skridvarnour e oa. Bez’ e voe prezidant Société des gens de lettres ha dilennet e voe en Académie Française e 1930.

    Ti-embann: 
    ISBN: 
    978-2-916835-90-7
    Bloaz: 
    2018
    Niver a bajennoù: 
    528
    Ment: 
    19 x 25 cm

    Dibaboù doare kas

    Tarif: 
    35€ + 8€ de frais de port
    43,00 €
  • Typicité

    La notion d’identité des territoires s’est progressivement imposée tant dans les sciences sociales, l’économie, la politique qu’auprès du public. C’est par le biais de la typicité des produits du terroir, notion proche de l’identité, que le phénomène s’est diffusé. Nationale, régionale ou locale, l’identité fédère les caractéristiques éparses des territoires ou de leurs produits. Cette mise en valeur patrimoniale, nécessitant de nombreux opérateurs, contribue à maintenir sur place une population enracinée, porteuse de culture locale.
    C’est en partant de cette constatation que ce projet de livre a pris corps. L’objectif en est double : d’une part, décrire un phénomène sociologique méconnu. D’autre part, montrer aux « entrepreneurs » potentiels que les instruments nécessaires existent et sont fonctionnels.

    Les auteurs étaient particulièrement qualifiés pour mener à bien cette tâche. Marie-Gabrielle Plasseraud est avocate au barreau de Paris, spécialisée dans la propriété industrielle. Yves Plasseraud, longtemps conseil en brevets d’invention, est reconnu aujourd’hui comme spécialiste des identités européennes, sujet sur lequel il a écrit plusieurs ouvrages.
    Ti-embann: 
    ISBN: 
    978-2-917681-40-4
    Bloaz: 
    2018
    Niver a bajennoù: 
    344
    Ment: 
    14,5 x 20,5
    Skignet gant: 
    KaB
    Danvez: 
    16,00 €
  • Chemins de traverse

    Skrivet gant: 
    Dastumet gant: 
    Kavout a reer el levr-mañ pennadoù bet kinniget e stal-labour Histoire des idées ar SAES hag ivez e bodad-studi OCEANIA skol-veur Le Havre-Normandie. Temoù a bep seurt a vez kavet ennañ : morlaerezh, utopiezh, sonerezh, barzhoniezh h.a., e Breizh-Veur, er Stadoù-Unanet, en Aostralia, en XIXvet, XXvet hag er XXIvet kantved.
    Ti-embann: 
    ISBN: 
    978-2-917681-41-1
    Bloaz: 
    2018
    Niver a bajennoù: 
    296
    Ment: 
    14.5 x 20.5
    Danvez: 
    15,00 €
  • Al Liamm

    Niverenn: 
    427
    Meurzh-Ebrel 2018
    Diverrañ: 

    Ur skeudenn gwenn ha du a weler war ar golo ar wech-mañ. Ur paotr yaouank o tougen banniel ar vro. Divi gKervella eo. Ul lodenn eus an niverenn a zo gouestlet d’ar Breizhad oberiant aet kalz re abred diouzhimp. Pennadoù fromus a zo gant H. Seubil-gKernaudour ha G. Latimier-Kervella, pennadoù all o tisplegañ piv e oa al labourer kuzh hag uvel hag an den leun a ouiziegezh, gant O. ar Mogn ha M. Bodlore-Penlaez. Barzhonegoù kaer a zo en e enor bet savet gant H. Bihan, I. Poho ha L. Rastell ha H. Seubil-gKernaudour.

    Al lodennoù kustum a gaver evel-kent, div varzhoneg Ar soner dizanv gant K. David ha Talvoud gant F. Gwenn. Teir danevell disheñvel-tre a zo bet dibabet ar wech-mañ: Mervel war doenn ar bed gant K. Braz, Ne lârin da zen gant R. Huon ha War blasenn Independència gant PE Marais.

    Ober a reer anaoudegezh gant ur skrivagnerez yaouank, kanerez ha komedianez: Loeiza Beauvir, Sonerezh ar yezh, er rann Skrivagnerien.

    Ur studiadenn a zegas sklêrijenn war ur prantad skrijus eus istor Europa ha war tonkad tud bet breset gant darvoudoù brezel a zo kinniget gant J. Hellinx: Zink, pe penaos e kemmas ur metal prizius red an istor.

    A-dreuz lenn ha Petra nevez? a zegas boued lenn ha preder da neb a gar lakaat e fri el levrioù pe gouzout hiroc’h war an embannadurioù nevez. An Notennoù a zeu da heul. Un niverenn a bouez ha liesseurt eo an niverenn-mañ.

    Ti-embann: 
    Priz: 
    Le numéro: 7 € + 1,50 € de frais de port.
    8,50 €
  • Pok din, Jozefin !

    Skrivet gant: 
    El levrig-mañ ez eus displeget d’ar studierien ha d’an deraouidi penaos sevel frazennoù simpl e brezhoneg. Pledet e vez gant framm simpl ar yezh en ur gemer harp war 1 200 verb. Displegadur ar verboù zo displeget sklaer gant taolennoù.
    Ti-embann: 
    ISBN: 
    979-10-90456-31-0
    Bloaz: 
    2018
    Niver a bajennoù: 
    94
    Ment: 
    14,5 x 20,5
    Yezh(où) ar produ: 
    Danvez: 
    6,00 €
  • Hor Yezh

    Niverenn: 
    293
    Meurzh 2018
    Diverrañ: 

    Herve Bihan — Divi Gervella (1957-2017) 3
    Bernez Rouz — Lenn, stank ha stankenn : Ur sell istorel, douaroniel ha yezhoniel 5
    Roland Mogn — Un tostaat louzawouriel ouzh daou zornskrid kembreat, eil lodenn : taolennoù & stagadennoù 23

    Notennoù yezh
    Herve Seubil gKernaudour — 174. A-zivout ar ger talgenet 49

    Ti-embann: 
    Priz: 
    Hor Yezh : Le numéro: 8 € + 1,50 € de frais de port.
    9,50 €
  • Er gêr hag er bed

    Skrivet gant: 

    Sell tri den disheñvel-krenn warno o-unan, war o bro o kemm ha war ar bed. Pep hini anezho o klask kaout levezon war egile gant doareoù disheñvel.

    Nikhil, un den pinvidik a renk uhel, fur ha desket, ma’z eo evit emrenerezh e vro ne fell ket dezhañ gwelet ar beizanted o c’houzañv hag o vezañ gwazh eus ar feulster o ren.

    Bimala, e wreg yaouank, sentus ha doujus, a zizolo tamm ha tamm, gant bennozh he gwaz, ar frankiz hag ar garantez entanus ha noazus.

    Sandip, ar broadelour stourmer, hep feiz na reizh, prest da zieubiñ e vro eus gwask ar Saozon kousto pe gousto.

    Emzalc’hioù feuls pe karantezus, enebiezh don ha drastus etre kumuniezhioù ar Bangal, enebiezh bed an diavaez ha bed diabarzh pep hini.

    Ti-embann: 
    ISBN: 
    978-2-916835-88-4
    Bloaz: 
    2018
    Niver a bajennoù: 
    288
    Ment: 
    12x19
    Troet gant: 
    Yezh(où) ar produ: 
    Danvez: 
    13,00 €
  • Hor Yezh

    Niverenn: 
    292
    décembre 2017
    Diverrañ: 

    Herve Seubil gKernaudour – Sonioù BUR20 : « Ar peder mestrez pe Karantezioù ur c’hloareg »
    Daniel Doujet – Dastum gerioù brezhonek en ur lenn levrioù gallek  :skouer « En Bretagne Morbihannaise » (3/3)
    Roland Mogn – Un tostaat louzawouriel ouzh daou zornskrid kembreat, lodenn gentañ : an testennoù (2/2)
    hor Yezh – Roll ar pennadoù  embannet en hor Yezh e 2017 (niv.niv. 289-292)

    Ti-embann: 
    Priz: 
    Hor Yezh : Le numéro: 8 € + 1,50 € de frais de port.
    9,50 €
  • Galnys

    Skrivet gant: 
    Daou glann er Grennamzer goshañ, bet brezelioù etrezo. Ur gwaz a lignez uhel, an heritour, zo bet lazhet gant ur vaouez eus ar c’hlann enep. 
    An doare nemetañ da gompezañ an traoù, d’en em virout diouzh ur brezel nevez : ar galnys, priz ar gwad.
    Met ne vo ket un ebat lakaat an holl a-unan war talvoudegezh an hini marv. Daoust hag un emglev kamm-digamm a vo mat d’an holl ?
    Ma ne vez ket emglev e vo brezel, unan kriz marteze evel emgann ar C’hrec’hiennnoù glas, chomet war an holl speredoù.
    A vann da vann, eus an eil netraig d’egile, al lezenn gozh graet evit diwall ar peoc’h a vo lakaet brall enni gant ar garantez hag ar gasoni, gant spered an itrik hag an emgarouriezh, gant ar sotoni.Galnys zo unan eus an tri ger chomet eus ur yezh tost d’ar brezhoneg hag aet da get en XIIIvet kantved, ar c’humbrieg/cumric, hag a veze komzet etre Kembre ha Skos. Talvezout a ra da envel ar sammad arc’hant a c’houlenne da zigoll familh un den lazhet ouzh familh ar muntrer.
    Ti-embann: 
    ISBN: 
    978-2-916835-89-1
    Bloaz: 
    2018
    Niver a bajennoù: 
    102
    Ment: 
    14,5x20,5
    Yezh(où) ar produ: 
    Danvez: 
    8,00 €
  • Al Lanv

    Niverenn: 
    143
    Meurzh 2018
    Diverrañ: 

    Pennad-stur
    Divi Kervella. « Tevel hag ober » Gireg Konan
    Divi Kervella, treser ha troer evit ar vugale Daniel Doujet
    Divi Kervella, ar c’hamalad labour ha stourm Padrig an Habask
    Minorelezhioù war dec’h. Ar Rohingya er Bengladesh Aline Gleoneg
    Kalz bleunioù ’zo... Yulia Borisova
    Notennoù eus Iwerzhon Éamon Ó Ciosáin
    Brasañ kenstrivadeg Filmoù-Chakod brezhonek ar bed e Douarnenez Bim Bim, Youn ar Maout
    Bec’h bras e Katalonia Padrig an Habask
    Martial Menard evel ’m eus anavezet anezhañ… (3) Charlie Grall
    Dienez ar vugale Paol ar Meur
    Ar magourioù dre soubidigezh Stéphanie Le Pelleter
    Stadegoù an Diplom Barregezh war ar Yezh Cédric Choplin
    Keleier an embann Alan Botrel
    Pareañ ur sifern Mark Twain (troet gant Jo Martin)
    Barazhoneg Youenn Kervalan

    Ti-embann: 
    Priz: 
    Al Lanv : Le numéro: 8 € + 1,50 € de frais de port.
    9,50 €
  • Ouzh taol, morlaeron!

    Skrivet gant: 
    Tresadennoù gant: 
    Biskoazh kemend-all ! Ar c’habiten Fri-Ruz hag e vartoloded a zo o paouez ober peñse war un enezenn didud... Didud ? N’eo ket ’vat ! Ar bobl Azebrtud he deus c’hoant da zebriñ kement beajour a zegouezh en o bro… Tec’homp kuit !

    Evit bugale etre 6 hag 8 vloaz. C'hoarioù goude an istor !
    Levr da selaou (evit pellgargañ : klik dehou + enrollañ): 
    Ti-embann: 
    ISBN: 
    979-10-90456-30-3
    Bloaz: 
    2018
    Niver a bajennoù: 
    32
    Ment: 
    13x18
    Troet gant: 
    Yezh(où) ar produ: 
    6,00 €
  • Blev louet

    Skrivet gant: 
    Tresadennoù gant: 
    Fionn war glask ar garantez. Div c'hoar, an eil koant, Áine, hag eben vil, Maoluachra, gwarizius an eil diouzh eben, a glasko gounit kalon Fionn betek implijout troioù-hud un drouiz. Penaos 'ta e teuio blev Fionn mac Cumhaill da vezañ louet ?

    Brudet eo mojennoù Fionn mac Cumhaill en Iwerzhon abaoe ouzhpenn mil bloaz. Un digarez vrav d'ar vrezhonegerien yaouank d'ober anaoudegezh gant un haroz keltiek meur.
    Pevare eus rummad pevar levr Fionn mac Cumhaill. Mitologiezh, mojennoù Iwerzhon skeudennet gant fent. Troioù-kaer Fionn mac Cumhaill, haroz iwerzhonat.
    Ti-embann: 
    ISBN: 
    978-2-916745-25-1
    Bloaz: 
    2018
    Niver a bajennoù: 
    58
    Ment: 
    13x19,5
    Skignet gant: 
    Coop Breizh
    Troet gant: 
    Yezh(où) ar produ: 
    10,50 €
  • Oisín

    Skrivet gant: 
    Tresadennoù gant: 
    Karantez, kalonegezh, stourm ouzh galloudoù hud. Dre beseurt avanturioù e ranko Fionn tremen evit en em gavout gant e vab Oisín ? Stourm an haroz ouzh fallagriezh un hudour drouk a fell dezhañ laerezh ar briñsez Sadhbh, e ganrantez, digantañ. Diarbenn ar Vikinged ouez a glask aloubiñ Iwerzhon ! Er bed hud-se o deus Bran ha Sceolán santidigezh ha meiz dreist d'an dud...

    Brudet eo mojennoù Fionn mac Cumhaill en Iwerzhon abaoe ouzhpenn mil bloaz. Un digarez vrav d'ar vrezhonegerien yaouank d'ober anaoudegezh gant un haroz keltiek meur.
    Trede eus rummad pevar levr Fionn mac Cumhaill. Mitologiezh, mojennoù Iwerzhon skeudennet gant fent. Troioù-kaer Fionn mac Cumhaill, haroz iwerzhonat.
    Ti-embann: 
    ISBN: 
    978-2-916745-24-4
    Bloaz: 
    2018
    Niver a bajennoù: 
    48
    Ment: 
    13x19,5
    Skignet gant: 
    Coop Breizh
    Troet gant: 
    Yezh(où) ar produ: 
    10,50 €
  • Bran ha Sceolán

    Skrivet gant: 
    Tresadennoù gant: 
    Brudet eo daou gi dreistordinal Fionn mac Cumhaill, Bran ha Sceolán. Penaos en deus bet e chas, avat ? D'ar red omp kaset da heul Fionn en e avanturioù ma ranko en em gannañ ouzh enebourien o galloudoù dreistnaturel. Hudourez Tuatha Dé Danann, ar ramz euzhus...

    Brudet eo mojennoù Fionn mac Cumhaill en Iwerzhon abaoe ouzhpenn mil bloaz. Un digarez vrav d'ar vrezhonegerien yaouank d'ober anaoudegezh gant un haroz keltiek meur.
    Eil eus rummad pevar levr Fionn mac Cumhaill. Mitologiezh, mojennoù Iwerzhon skeudennet gant fent. Troioù-kaer Fionn mac Cumhaill, haroz iwerzhonat.
    Ti-embann: 
    ISBN: 
    978-2-916745-23-7
    Bloaz: 
    2018
    Niver a bajennoù: 
    66
    Ment: 
    13x19,5
    Troet gant: 
    Yezh(où) ar produ: 
    10,50 €
  • Fionn mac Cumhaill - Pennkadour ar Fianna

    Skrivet gant: 
    Tresadennoù gant: 
    Cumhall, Pennkadour kalonek ar Fianna, a zifenn Roue Meur Iwerzhon, a zo lazhet gant e enebour drouk, Goll mac Morna. Muireann, gwreg Cumhall, ha hi dougerez, a rank tec'hout en arvar he buhez. Mab Cumhall, anvet Fionn mac Cumhaill a zeuio da vezañ ur paotr yaouank kadarn. Fellout a ra dezhañ dont da vezañ Pennkadour e-lec'h Goll mac Morna en deus lazhet e dad. Ha dont a raio a-benn ?

    Brudet eo mojennoù Fionn mac Cumhaill en Iwerzhon abaoe ouzhpenn mil bloaz. Un digarez vrav d'ar vrezhonegerien yaouank d'ober anaoudegezh gant un haroz keltiek meur.
    Kentañ eus rummad pevar levr Fionn mac Cumhaill. Mitologiezh, mojennoù Iwerzhon skeudennet gant fent. Troioù-kaer Fionn mac Cumhaill, haroz iwerzhonat.
    Ti-embann: 
    ISBN: 
    978-2-916745-22-0
    Bloaz: 
    2018
    Niver a bajennoù: 
    60
    Ment: 
    13x19,5
    Troet gant: 
    Yezh(où) ar produ: 
    10,50 €
  • Al Liamm

    Niverenn: 
    426
    Genver-C'hwevrer 2018
    Diverrañ: 

    Pelec’h emañ an eien glan ? Gant ur fichell wevn e vo diskoachet, eme G. Ihuellou en he barzhoneg Fichell-fichellig. Da heul e teu Ar galon c’hoañver gant Y. Guillamot ha Va Nevedennig gant Kervalan. Kanaouenn F. Lannuzel Gwerz Sant Eosten a zo war don un hunvre leun a loened mojennel.

    Div zanevell a zo bet priziet e koñkour danevelloù KLT 2017 : N’on ket evel ar re all gant P. an Intañv ha Sorc’henn gant Y. ar Gov. War danvez ar follentez e oa da bleustriñ. Lakaet o deus paotredigoù da vevañ gant ampartiz pe fent. Gant danevell Y. Gerven Ar c’herzed sa Canossa, e pleustrer an hent da dapout evit lakaat e zibaboù buhez da vezañ degemeret.

    Ur skrivagner puilh a fed skridoù a gaver er rann Skrivagnerien, al Leonad Mikael Madeg, ar blijadur skrivañ istorioù. Ur studiadenn blijus a zo bet savet gant C. Choplin Dornad plu ar barzh divroet, diwar benn Youenn Gwernig, ha studi e skridoù bet bodet en Un dornad plu, e 1997.

    El lodenn ziwezhañ Al Liamm e kaver A-dreuz lenn ha Petra nevez ? Un digarez da ginnig un druilhad levrioù bet lennet ha dielfennet gant ar skipailh. Heuliet int gant an Notennoù. Talvoudus e vo roll klok ar pennadoù bet embannet e 2017 el Liamm, urzhiet dre zanvez ha dre skrivagner.

    Ti-embann: 
    Priz: 
    Le numéro: 7 € + 1,50 € de frais de port.
    8,50 €
  • Al Liamm

    Niverenn: 
    425
    Du-Kerzu 2017
    Diverrañ: 

    Karantez ha frankiz eo kalonenn ar peder barzhoneg kinniget e niverenn dibenn ar bloaz: Digarantez, P. Tabuteau – Va nevedennig, Y-B. Piriou – Invictus, Y. Guillamot ha Digor-frank, P. an Intañv.

    Peder danevell a zeu da heul, div lec’hiet e Bro-Gwened : Ar beg avel gant D. Allain hag Ho pezit keuz, ma mab ! gant Iwan ar Fur. Fent a live disheñvel mat, hini ponnerik hag hini skrijus. Noz du eo spered pemdeziek Iwan Dreinog, o ruzañ e dreid skuizh. Laouenoc’h ar c’havadennoù graet e liorzh Erell gant Killian, sot gant an amprevaned Nebaon, n’eo nemet ur megachile a gont Yann Gerven.

    Er rummad Skrivagnerien eo Skrivañ evit ar blijadur a ra Y. F. Dupuy. Hiziz ez eus gantañ war ar stern ur pezh-c’hoari, ar skrivañ hag al leurenniñ.

    E rann an troidigezhioù e vever un devezh souezhus, chaseourien gant o chas, ha loened gouez war api o kaout gwarez a-drugarez da nerzh hud ur poz bennak, sed Koroll ar speuñierien gant S. Gourvil lakaet e brezhoneg gant Divi gKervella. Yann Talbot a ginnig un danevell gant L. O’Flaherty, karget a garantez hag a zouster Mamm ha mab.

    An dilennadegoù a zo un digarez da skrivañ garv, lemm ha taer alies. Erwan Hupel a zegas skouer Jorj ar Bail Lemm evel un teod lemm na oa ket eus hor c’hantved. En ur bed all e splujer gant Y-E. ar Mogn, hini Nevezadennoù bed ar pellgehenterezhioù hag emdroadur ar boazioù. Ha n’eo ket echu !

    Adkavet 'vez A-dreuz lenn ha Petra nevez ? gant un druilhad levrioù bet lennet ha dielfennet gant skipailh ar gelaouenn. Pemzek pajennad a Notennoù a gloz an niverenn liesseurt-mañ.

    Ti-embann: 
    Priz: 
    Le numéro: 7 € + 1,50 € de frais de port.
    8,50 €
  • Kan an enez c'hlas - Le chant de l'île verte

    Skrivet gant: 

    KAN AN ENEZ C’HLAS – Bamet ha fromet war un dro gant ur veaj en Iwerzhon, e santas Alain Durel an ezhomm da ezteuler ha da daolenniñ e drivliadoù e stumm haiku. En e varzhonegoù berr ha kizidik, skeuden­ naouet brav, pazenn­ha­pazenn, e tiskouez deomp penaos e tasson e galon ouzh an natur hag he gweledvaoù kaer, ouzh al loened en o frankiz hag ivez ouzh an dud hag o c’harantez evit ar sonerezh en tavarnioù leun­ chouk.

    Ur blijadur evit al lennerien a zo tik gant an haiku.

    ISBN: 
    978­-2­-86863­-185­-5
    Bloaz: 
    2017
    Niver a bajennoù: 
    72
    Ment: 
    14.5 x 20.5 X 0.6
    Skignet gant: 
    Coop Breizh
    Yezh(où) ar produ: 
    Danvez: 
    9,00 €
  • Al Lanv

    Niverenn: 
    142
    Décembre 2017
    Diverrañ: 

    Pennad-stur

    Prezegenn digeriñ – Jean-Guy Talamoni
    Bec’h da Gatalonia – Aleksandr ar Gall
    Gwrizioù hag istor riez Aljeria – Paol ar Meur
    Islam – Paol ar Meur
    Martial Menard evel ’m eus anavezet anezhañ – Charlie Grall
    Tregeriz yaouank skoazellet evit prenañ un ti-feurm – Kenan an Habask
    Afer Fañch – Al Lanv
    Adreizh Kod Napoleon : un digor evit ar brezhoneg ? – Iwan Gwegan
    Keleier an embann – Alan Botrel
    Hudc’hlazarded – Sulio Laouenan
    Koulmig wenn – Yannig Laporte
    Priz Langleiz 2017 – Lizher gant Yulia Borisova
    Soñjoù goapaus – Yulia Borisova
    A zeiz da zeiz... – Yulia Borisova
    Un hañvezh a-bezh en un devezh – Ray Bradbury (troet gant Yann Talbot)
    Dudi – Al Lanv
    Ortzi (Oste) – troet hag azasaet gant Padrig an Habask
    Stourmer dianavez – Sulio Laouenan

    Ti-embann: 
    Priz: 
    Al Lanv : Le numéro: 8 € + 1,50 € de frais de port.
    9,50 €
  • Pepper & Carrot 2

    Skrivet gant: 

    Ur gwir avañtur eo studiañ an hudouriezh e bed Hereva.
    Ha Pepper a zo plaset mat evit en gouzout.
    Dre chañs e c'hell hon harozez yaouank kontañ war he mignon Carrot ar c'hazh orañjez evit skoazellañ anezhi.

    Ti-embann: 
    ISBN: 
    979-10-94291-02-3
    Bloaz: 
    2017
    Niver a bajennoù: 
    80
    Ment: 
    16 X 24
    Troet gant: 
    Yezh(où) ar produ: 
    12,00 €
  • Ar C'hilhog Kousker

    Skrivet gant: 
    Tresadennoù gant: 

    Olier a zo ur c'hilhog jentil hag hegarat. Ur si bras en deus avat — ne c'hell ket sevel diouzh ar mintin !
    N'eo ket laouen mestr an atant — da betra kaout ur c'hilhog pa vez dihunet an holl gant ar c'hi oc'h harzhal da c'houloù-deiz ?
    Klask a ra Olier reizhañ e dech — met n'eus netra d'ober — betek ma teu ur gweladenner dic'hortoz en atant…


     

    Ti-embann: 
    ISBN: 
    978-2-916745-21-3
    Bloaz: 
    2017
    Niver a bajennoù: 
    32
    Ment: 
    26,5 X 23
    Skignet gant: 
    Coop Breizh
    Troet gant: 
    Yezh(où) ar produ: 
    8,50 €
  • Du evel an noz liesliv

    Froudennoù ar pemdez a vez kuzhet en o flegoù poanioù Mab-den. Bed an hun hag an dihun a c’hoarvez ganto bezañ gwall vesket. En daouzek danevell a ya d’ober Du evel an noz liesliv, ez eus kont eus tud en em gav en ur c’hoashent eus o buhez :
    ur sterner difredet o folliñ, ur c’higer deuet da vezañ debrer-linad, ur vaouez kozh boureviet gant he merc’h-kaer, ur paotr o c’hoari floc’h daoust d’e oad kaset mat, ur c’hrennard a c’hounez e damm kreun o kontañ muntroù war ar rouedad...

    Gant ur meudad fent ha kalz a deneridigezh e liv an aozer gwalldroioù e dudennoù. Estrañjourien a lavarfed omp kouezhet war o hent an deiz kent...

     

    Ti-embann: 
    ISBN: 
    978-2-7368-0125-0
    Bloaz: 
    2017
    Niver a bajennoù: 
    136
    Ment: 
    13 X 20
    Skignet gant: 
    Coop Breizh
    Yezh(où) ar produ: 
    Danvez: 
    12,00 €
  • Eostad

    Skrivet gant: 

    En Bro Berroz evel e lec’h all e Breizh ez eus ur binvidigezh dibar gant ar vrezhonegerien: o yezh hag hec’h arlivioù. Treuzkaset a rumm da rumm a-hed ar c’hantvedoù, implijet bemdez, stummet hag a-wechoù adstummet hervez ijin an dud, pinvidikaet pa veze ezhomm, lezet a-gostez hag ankounac’haet pa gave d’an nen ne oa ket talvoudus ken, mac’het gant ur yezh kreñv, brevet gant pouez ar skingomz hag ar skinwel en galleg ha gant an nebeud a vri douget dezhi gant an endro politikel.

    Met, a-drugarez da hiniennoù evel Gireg Konan ha Jakez Konan araokañ, ez eus bet eostet gerioù, troiennoù ha kement zo hag e vo miret ha rentet d’an holl ar binvidigezh prizius-se.

    Gireg Konan, ganet e Lannuon 1951, zo bet tro-ha-tro geologour, kelenner war ar skiantoù e saozneg er C’hanada, liorzhour ha kelenner adarre e skolaj Diwan ar Releg hag e Plijidi. Aotreeg eo war ar c’heologiezh (U. de Montréal), testeniekaet war skiantoù an deskadurezh (McGill U.), ar brezhoneg (Roazhon 2) ha tapet gantañ ivez ar c’hCAPES. Emellet eo er vuhez vrezhonek kevredigezhel e Treger. Mab eo da Jakez Konan (1910-2003), unan eus hon gwellañ skrivagnerien.

    Ti-embann: 
    ISBN: 
    978-2-916835-83-9
    Bloaz: 
    2017
    Niver a bajennoù: 
    272
    Ment: 
    19 x 24,6
    Yezh(où) ar produ: 
    20,00 €
  • Al Liamm

    Niverenn: 
    424
    Gwengolo - Here 2017
    Diverrañ: 

    Bro sed ur ger a vez o troidellat e spered kalz a dud. Lies bed eo va bro, eme F. Lannuzel, Broellañ a ra J. Boucherit pa gan T. Kalvez Bro gozh e vamm. Hag evit distanañ e kinnig PY Kersulec ur strobad Barzhonegoù berr.

    Eus un ospital gant danevell Y. ar Gov Klañvour ar gambr 212, e vezer kaset d’un toull-bac’h livet gant J. Philippe en Ur spered dieub. O tistreiñ eus foar Landi kontet gant D. Siberil a zo istor daou vreur bet o werzhañ un ebeul. H. ar Gall a zanevell tonkad ur soudard en ifern ar brezel 14 gant Mont gant an hentoù.

    Gant ar Rusianez Y. Borisova eo en ur bed a faltazi hag a arvailh e splujer gant Ar roue mat. Ar wech-mañ eo gant Angèle Jacq, Ar vuhez gwir eo e reer hiroc’h anaoudegezh er rann Skrivagnerien.

    Daou bennad 100 vlez zo, marv Bleimor ha Yann-Bêr Kalloc’h a zo gouestlet da varzh Enez-Groe, bet lazhet e 1917. I. ar Fur hag A. Heulin o deus pep hini studiet an den, ar barzh, ar soudard gwenedour heverk-mañ.

    JJ Monnier en doa savet ur pennad diwar benn Erwan ar Moal, brezhoneger, kelaouenner, labourer-douar, enepnazi, aet da Anaon e 1957, troet eo bet gant H. Latimier evit Al Liamm.

    G. Kervella a ginnig Men glaz, ul lodenn eus ur pennad-kaoz bet savet hag embannet gant J. Le Masson. Un testeni en Intel eus bed ar vartoloded eo.

    Adkavet e vez da heul an Heklev sevenadurel gant A-dreuz lenn, Petra nevez ? hag an Notennoù. Lennadenn blijus da bep hini!

    Ti-embann: 
    Priz: 
    7 € + 1,50 € de frais de port :
    8,50 €
  • La forme de fréquence ou forme d'habitude en breton

    Skrivet gant: 

    El levrig-mañ ez eo displeget d’an deskerien implij stumm boaz ar verboù bezañ ha kaout.
    Ne gaver ar stumm-se nemet en amzer vremañ hag en amzer amdremenet. Displeget eo e implij dre un dibab bras a skouerioù, ma kaver en o zouez krennlavarioù anavezet evit gellet derc’hel soñj aesoc’h eus ar gentel.
    Poelladennoù pleustrek a zo ivez.

    Ti-embann: 
    ISBN: 
    979-10-90456-29-7
    Bloaz: 
    2017
    Niver a bajennoù: 
    60
    Ment: 
    14,5 X 20,5
    Yezh(où) ar produ: 
    3,60 €
  • Pellik / Ein Stückel weiter

    Skrivet gant: 
    Tresadennoù gant: 

    Barzhonegoù

    Antony Heulin, bet ganet e 1972 en Angers. Barzh ha kanour.
    Beviñ a ra e Dresden dibaoe 2005. E pep lec’h er bed ez a da lenn e
    varzhonegoù e brezhoneg, Berlin, Barcelona, Roma, Tbilisi...
    Priz Giovanni 2013 - Priz war al lennegezh Kêr Ostana (Italia).

    Anna Geib, bet ganet e 1973 e Freiburg im Breisgau. Kelennourez àr an
    alamaneg.
    Beviñ ha labourat a ra e Dresden.

    Ulrike Kampmann, bet ganet e 1974 e Bad Hombourg. Livourez ha
    tresourez.
    Beviñ ha labourat a ra e Dresden.

     

    ISBN: 
    978-2-86863-184-8
    Bloaz: 
    2017
    Niver a bajennoù: 
    102
    Ment: 
    14,5 X 20
    Skignet gant: 
    Coop Breizh
    Troet gant: 
    Yezh(où) ar produ: 
    Danvez: 
    10,00 €
  • Afrika

    Skrivet gant: 
    Tresadennoù gant: 

    En hañv 1974, en e dri bloaz warn-ugent, e krog an aozer gant un hir a veaj a gaso anezhañ betek Kornôg Afrika. Pemp lizher kaset d’e dud o tanevelliñ darvoudoù ar veaj ha daou-ugent pennad berr, pezh ne lavar ket atav en e lizheroù, a ya d’ober al levr-mañ. Berr ar gwenneien gantañ en em gavo gant a bep seurt tud vunut, beajourien disheñvel o fal, Afrikaned sichant, merc’hed degemerus hag ivez trafikerien, laeron, maltouterien ha soudarded nec’hus. Ur veaj arvarus a-wechoù, e broioù distabil diouzh mareoù trubuilhet. Al luc’hskeudennoù a ya gant an destenn zo diwar lagad Gilles Pouliquen, bet o pourmen er memes lec’h hag en em gavet a-wechoù gant ar memes tud.
    Ganet e 1951, en deus embannet Lan dTangi un torkad barzhonegoù: Mousafir, e 1997 (priz Langleiz 1998 ha priz Imram 2001); daou levr danevelloù: Da Goulz an Avaloù (2001), Diwar an Uhel (2007); hag ul levr barzhonegoù ha luc’hskeudennoù gant Gilles Pouliquen, Menez Are (2003).

    Ti-embann: 
    ISBN: 
    978-2-9551541-2-0
    Bloaz: 
    2017
    Niver a bajennoù: 
    148
    Ment: 
    14.5x20.5
    Yezh(où) ar produ: 
    Danvez: 
    12,00 €
  • Kalonya

    Skrivet gant: 

    Skrivet gant Youenn Kervalan. 614 barzhoneg.

    Barzhaz un testeni hag un engouestladur. A-hed daou-ugent vloaz bennak en deus lakaet Kervalan war baper e drivliadennoù, e fromoù, e garantez, e boanioù hag e gounnar. Dindan lies anv-pluenn int bet embannet e kelaouennoù brezhonek, kalz anezho e-barzh al Lanv.
    Santidik ha kizidik eo an aozer. Dasseniñ a ra e galon ouzh heklev krizder ha viloni ar bed, kanañ a ra ivez ar gened, ar peoc'h, marzh an denelezh. Difenn taer hor gwirioù, gwirioù hor yezh, hor pobl, hor bro ha gwirioù ar pobloù all dre ar bed, gwirioù mab-den, gwirioù ar re vihan, ar geizh...
    Ma 'z eus bestl, ez eus ivez likor ha frond, mezventi ul lavar gwevn gwisket gant gerioù saourus. Ul lavar denel evit sevel ur bed gwelloc'h : KALONYA

    Ti-embann: 
    ISBN: 
    978-2-916745-20-6
    Bloaz: 
    2017
    Niver a bajennoù: 
    512
    Ment: 
    16,5 x 24
    Skignet gant: 
    Coop Breizh
    Yezh(où) ar produ: 
    Danvez: 

    Dibaboù doare kas

    Tarif: 
    32 € + 6 € de frais de ports (inclus dans le total)
    38,00 €
  • Kino, baot ar feunteun

    Skrivet gant: 
    Tresadennoù gant: 

    Kino, ar vaot vihan, n’he deus ket bet un degemer gwall vat en he bro nevez, dre ma’z eus un estrañjourez anezhi. Met peogwir ez eo un estrañjourez eo deuet a-benn ivez moarvat da gendrec’hiñ an henvroidi da fiziout e Kanis, ar c’hi a gred en deus doñvaet an Den, ar gefridi da adreiñ da soñj dezhañ ez int holl liammet en un hevelep chadennad.
    Penaos ober neuze ’ta ?
    Sec’h-kras eo an amzer. Kino gant skoazell Trita, ar weronell, a gendrec’h Kanis da ziskoulmañ ar gudenn...

    Peurliesañ e skriv Pierre Keriec romantoù ha danevelloù evit an dud vras. Evit ar wech kentañ e kinnig d’an holl, bras ha bihan, e sell war ar bed, a-dreuz Kino vihan ken birvidik he gwel war ar vuhez.

    Ti-embann: 
    ISBN: 
    979-10-90255-06-7
    Bloaz: 
    2017
    Niver a bajennoù: 
    82
    Ment: 
    14,5X20,5
    Yezh(où) ar produ: 
    9,90 €
Subscribe to Nevezentioù
trouducru