Er bloavezh 1865, un aervag gwallgaset gant ur gorventenn spontus a voe bannet war aod un enezenn er mor Habask. Pemp den hag ur c’hi a oa war vourzh ar baloñs hag en o zouez an ijinour Cyrus Smith. An dra gentañ a rankont ober evit treuzvevañ : kavout bod ha boued, chaseal, kutuilh plant ha frouezh ha c’hwezhañ tan. A-drugarez d’an ijinour e c’hellint goveliañ binvioù houarn, implijout danvez tarzh hag ober o annez en ur c’hev dindan zouar.
Setu lodenn gentañ avanturioù dreistordinal ar pemp haroz bet ijinet gant Jules Verne.