Jorj Belz ha Fañch Desbordes a ginnig deomp un dastumad kanaouennoù a Vro-Wened e-barzh div levrenn. A bep seurt a gavor amañ: “sonneu a-boz, de goroll, de gerhet, sonenneu kouh ha sonneu neué, sonenneu berr de zansal”. E gwenedeg klasel ez eo bet skrivet ar pozioù keñver-ha-keñver gant ar skrid e peurunvan. Kavout a reor ivez ar sonerezh skrivet diwar sonenrolladurioù eus an Drouzerion o-unan. Ul labour a-feson hag a-dalvoudegezh evit Yann Ganer.