Empty

Total: 0,00 €

Kuzul ar Brezhoneg

Gathering breton language associations

Blog

  • Gwez ar vro

    Emañ Al Lanv gant danvez ul levr nevez un tammig ispisial : GWEZ AR VRO.

    Ul levr diwar-benn 36 spesad gwez a gaver stank e Breizh. Skrid displegañ gant Padrig an Habask ha dourlivadurioù liv kaer gant Anna Duval-Gwennog, arzourez skiantel.


    Ul levr kaer a ledañ-deskadurezh, studi ha dudi war un dro.

    O vezañ ma koust ker embann ul levr e liv penn-da-benn ha paeañ labour an arzourez hon eus soñjet er strollarc'hantiñ ha lañset eo abaoe dec'h hor frapad rakpren war g-KENGO. Muioc'h a zisplegadurioù, skeudennoù hag ar video graet gant Kenan an Habask war
    https://www.kengo.bzh/projet/1481/gwez-ar-vro

    Hor pal eo tizhout 100 levr rakwerzhet, ha... ma c'heller, mont en tu-hont d'ar pal-se !

  • PRIZ DANEVELLOU TI-KER KARAEZ


    Estreget priz ar romant, e vez roet gant kêr Karaez ur priz d'un danevell e brezhoneg : priz danevelloù ti-kêr Karaez. Abaoe 2010 e vez roet ar priz-se, liammet gant Gouel al Levrioù. Ur priz a 1500€ a zo da c'hounit, roet da vare Gouel al Levrioù.

    E 2017 e oa bet aet ar maout gant Herve ar Gall evit e danevell Mont gant an hentoù (Al Liamm)

    Evit kemer perzh, an tiez embann a rank kas danevelloù araok ar 30 a viz Gwengolo dre bostel (restr pdf) da : festivaldulivre@gmail.com

    Restr-stag : reolennoù ar priz.

  • Kendalc'h ketiek etrebroadel 2018

  • Divi Kervella (1957-2017)

    Divi dedicated his life to the breton language, to its speakers and their futur. For more than 35 years, he accomplished a great number of works of all kinds within Kuzul ar Brezhoneg, for its members, their publishing houses and their magazines, as well as for public organizations and anyone who asked him for help. He was a humble man and a discrete worker. His knowledge of the breton language and the place names of Brittany as well as his skills as a translator and his competence in history and other fields were highly prized.

    We all thank him from the bottom of our hearts.
  • GWERZ FAÑCHIG KEMPER

    Kinniget d’ur bugel ha d’e dud, ha d’an holl re a gred difenn hon yezh a-enep al lezenn c’hall
    Kanet war don Gwerz Ker Is


    « Tout autre signe diacritique [que ceux du français] attaché à une lettre ou ligature ne peut être retenu pour l’établissement d’un acte de l’état civil. »

    Circulaire Taubira, Gouhere 2014

    1
    Petra zo nevez e Kemper
    Ma klevan trouz ’barzh an ti-kêr
    Gwashoc’h ’vit gwechall e kêr Is
    Pa zirolle ar yaouankiz

    2
    E Kemper n’eus netra nevez
    Nemet ur bugelig a ve
    Ur bugel ha n’eo ket gwall vras
    Hag a zo ganet en e noazh

    3
    An tad, ar vamm, zo Bretoned
    Hag o deus graet ur mell torfed
    Anvet o deus o bugel Fañch
    Un dichekadenn ouzh ar Frañs

    4
    Selaouit mat, ret deoc’h kompren,
    E-kreiz an anv ’z eus un « n »,
    Ma lakaer warnañ un dildennig
    ‘Vo diskaret ar Republik.

    5
    Ar Republik, gall plusk hag all,
    A gouezho war he c’hemend-all
    Ma skriver ’n anv brezhonek
    ’vel ma tleje bezañ skrivet

    6
    Ar prefed zo dirollet mik
    Ha prokulor ar republik
    En e vurev ’ta, petra ra ?
    Adlenn kelc’hlizher Taubira.

    7
    E daou vil seitek, Bretoned
    Ar stad ’c’hall ’nac’h ’vefe skrivet
    Hon anvioù e brezhoneg
    Ret o skrivañ ’vel e galleg.

    8
    Brav eo dit-te, Fañchig bihan,
    Rak karet out gant tad ha mamm
    Met gant ar stad, anat n’out ket
    ’blamour d’az anv brezhonek

    9
    Rak ar Vro-C’hall, ma Fañchig kaezh,
    N’an’vez netra nemet ur yezh
    N’haller skrivañ ’met e galleg
    An holl anvioù brezhonek.

    10
    N’out ket ’vel Fañched all ar vro
    Gant da groc’hen flour divarv
    Te ’pez pokoù gant ar merc’hed
    Fañch barvek ’vat n’en devez ket.

    11
    Echu bremañ ma gwerzennig
    ’ginnigan dit-te, paotr Fañchig,
    Sur on vo klevet a-raok pell
    E-barzh Radio Breizh Izel.
  • À la découverte du livre en breton

  • Prizioù 2017

    Aet eo priz ar gwellañ levr faltazi gant Yann Bijer evit e romant Bar Abba, embannet gant Al Liamm.

    Le prix du meilleur livre de fiction a été remporté par Yann Bijer pour son roman Bar Abba, édité par Al Liamm.

Pages

Subscribe to Blog
trouducru