Kofez ur muntrer dezrevellet en un nozvezh
![](https://www.brezhoneg.org/sites/default/files/skeudennou/produits/golo-kofez-ur-muntrer-frau-teufel.jpg)
Boas eo an daneveller da zaremprediñ un davarn rusian eus Pariz, an Tari-Bari, m’en em gav bemnoz gant Semion Goloubtchik, un iskis a zen, hegarat ha tavedek. Un nozvezh e klev pratikoù oc’h ober “muntrer” eus ar paotr-se... Neuze e krog hemañ da gontañ ar plegennoù iskis o deus lakaet anezhañ da lazhañ un den. Klevet a reer peseurt hent troidellek a gas anezhañ eus koadoù don Rusia da bed cheuc’h Pariz. Anv zo eus veñjañs, eus ar c’hoant da uhelaat er gevredigezh, eus entan dall ar garantez, eus an droug hag eus an ifern. An istor, kontet e teñvalijenn un ostaleri d’un toullad tud badaouet gant an alkool, a laka war wel techoù duañ ene mab-den.
Moses Joseph Roth, bet ganet e Brody e 1894 en ur familh yuzev, a zo ur skrivagner hag ur c’hazetenner aostriat-hungarat. Adalek 1933 en doa bevet en harlu e Pariz, ma varvas en dienez e 1939.